| e-texts navigator |
| Wylie |
315a1 གསོལ། གང་དག་ཀླུ་ཁྲོ་བོ་རྣམས་ནི་བཅོམ་ལྡན་འདས་ཀྱི་བཀའ་ལ་མངོན་པར་མ་དད་པས་རྟག་པར་ཡང་སྒྲུབ་པར་བགྱིད་པ། སེམས་ཅན་རྣམས་ལ་ཐོ་འཚམས་པ། སེམས་ཅན་རྣམས་ཀྱི་ལོངས་སྤྱོད་པ་དང་།
315a2 ཉེ་བར་ལོངས་སྤྱོད་པ་དག་མ་རུང་བར་བགྱིད་པ། འཇིག་རྟེན་ཕ་རོལ་ལ་མི་ལྟ་བ། སེམས་ཅན་རྣམས་ལ་སྙིང་བརྩེ་བ་མ་མཆིས་ཤིང་སྙིང་རྗེ་མ་མཆིས་པར་ཞུགས་པ། སྡང་བ། རྩུབ་པ་ལགས་ཏེ། བདག་སེམས་ཅན
315a3 ཡོངས་སུ་སྨིན་པར་བགྱིད་པ་ལ་བར་ཆད་བགྱིད་པ་ལགས་པས། དེ་དག་གི་དོན་དུ་བཅོམ་ལྡན་འདས་ཀྱིས་ཐུགས་རྗེ་ཆེན་པོ་བསྐྱེད་དུ་གསོལ། བཅོམ་ལྡན་འདས་ཀྱིས་དེ་དག་གི་སྡིག་པ་དེ་ཐམས་ཅད་ཞི་བར་མཛད་དུ
315a4 གསོལ། དེ་ནས་བཅོམ་ལྡན་འདས་ཀྱིས་ཀླུའི་གནས་ན་གནས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་ལ་བཀའ་སྩལ་པ། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་མར་མེ་མཛད་ཀྱི་སྤྱན
315a5 སྔར་ཀླུ་ཡོངས་སུ་སྨིན་པར་བརྩོན་པས་སྨོན་ལམ་བཏབ་པ་ཅི་འདྲ་ཞེ་ན། སྔོན་དང་། ད་ལྟར་དང་། མ་འོངས་པའི་དུས་ཀྱི་ཀླུ་དང་། ཀླུ་ཆེན་པོ་ཀླུ་ཁྲོ་བོ་སྐྱེ་གནས་བཞི་པ་དག་དབུགས་གདུག་པ་དང་། ཀླུ་རྣམས་ཀྱི
315a6 མིག་གདུག་པ་དང་། རེག་པ་གདུག་པ་དང་། ལྕེ་གདུག་པ་དང་། འདོད་ཆགས་ཀྱི་དུག་དང་། ཞེ་སྡང་གི་དུག་དང་། གཏི་མུག་གི་དུག་དང་། ཀླུ་ཁྲོ་བོ་རྣམས་ཀྱི་སྡིག་པའི་ཆོས་དག་ཅི་ནས་ཀྱང་ཆོས་དང་ལྡན་པས་བསལ
315a7 བར་ནུས་པར་བྱའོ། །ཅི་ནས་ཀྱང་ཀླུ་ཁྲོ་བོ་དེ་དག་གིས་སེམས་ཅན་རྣམས་ཀྱི་ལོངས་སྤྱོད་དང་། ཉེ་བར་སྤྱོད་པ་དང་། ཡོ་བྱད་སྣ་ཚོགས་དང་ལྡན་པ་རྣམས་ལ་གནོད་པར་མི་འགྱུར་བར་བྱའོ། །དཀོན་མཆོག
315a8 གསུམ་པོ་དེ་དག་ལ་དད་པ་དང་། དགའ་བ་ཐོབ་པར་བྱའོ། །ད་འཇིག་རྟེན་ཕ་རོལ་ལ་བལྟ་བ་དང་བཅས་ཤིང་སྡིག་པའི་ཆོས་རྣམས་དང་འབྲལ་བར་འགྱུར་བར་བྱའོ་ཞེས་སྨོན་ལམ་བཏབ་བོ། །དེ་སྐད་ཅེས་བཀའ
iiif viewer powered by OpenSeadragon
