| e-texts navigator |
| Wylie |
314b1 དེ་བཞིན་གཤེགས་པ་སྟེ་འཇིག་རྟེན་དུ་བྱུང་ལ། ད་ལྟར་བདག་གིས་ནི་དཔལ་གྱི་གོ་འཕང་ཐོབ་པ་ལགས་སོ། །ད་ལྟར་བདག་གིས་སེམས་ཅན་རྣམས་ལ་སེམས་ཅན་ཡོངས་སུ་སྨིན་པར་རྔོ་མི་ཐོག་པར་གྱུར་པ་དེ་ཅིའི་སླད་དུ
314b2 ཞེ་ན། འདི་ན་ཀླུ་གླང་པོ་ཆེ་ལྟ་བུ་དང་། ཀླུ་རྟ་ལྟ་བུ་དང་། ཀླུ་སྦྲུལ་ལྟ་བུ་དང་། ཀླུ་ཉ་ལྟ་བུ་དང་། ཀླུ་སྦལ་པ་ལྟ་བུ་དེ་དག་དུས་འདིར་ཡང་བསྒྲུབ་པར་བགྱིད་ལགས་སོ། །བདག་གིས་འཇིག་རྟེན་སྣང་བར་བྱེད་པ་ཟབ་མོ་དག་བསྟན
314b3 པ་ན་གང་དག་དུས་མ་ལགས་པའི་ལྷགས་པ་དང་། ཚ་བ་དང་། སྤྲིན་དང་། ཁུག་རྣ་དང་། རྫི་ཆར་དང་། ཆར་མོ་ཆེ་དང་། ཐན་ཆེན་དག་འབྱུང་བར་བགྱིད་པ། སེམས་ཅན་རྣམས་ཀྱི་ལོ་ཏོག་དང་། ལོ་མ་དང་། མེ་ཏོག་དང་། འབྲས་བུ
314b4 དང་། འབྲུ་དང་། སྨན་རྣམས་མ་རུང་བར་བགྱིད་པའི་ཀླུ་དང་། ཀླུ་ཆེན་པོ་དེ་དག་མ་བསྐྲད་ལགས་སོ། །བཙུན་པ་བཅོམ་ལྡན་འདས་དུས་འདིར་ད་ལྟར་གླིང་བཞི་པའི་འཇིག་རྟེན་གྱི་ཁམས་འདི་ན་ཀླུ་དང་། ཀླུ་ཆེན་པོ་དང་།
314b5 ཀླུའི་འཁོར་དང་། སྐྱེས་པ་དང་། བུད་མེད་དང་། ཁྱེའུ་དང་། བུ་མོ་དང་། གླིང་བཞི་པ་འདི་ན་གང་ཁ་ཅིག་ཀླུའི་སྐྱེ་གནས་པ་དེ་དག་ཐམས་ཅད་ད་ལྟར་འདིར་མཆིས་པ་རྣམས་དང་། ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད
314b6 ནས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ད་ལྟར་འདུས་པ་ཆེན་པོ་འདིར་མཆིས་པ་རྣམས་དང་། ད་ལྟར་འདིར་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། དྲི་ཟ་དང་། མི་འམ་ཅི་དང་། ལྷ་མ་ཡིན་དང་།
314b7 ལྟོ་འཕྱེ་ཆེན་པོ་དང་། ཡི་དགས་དང་། ཤ་ཟ་དང་། སྲུལ་པོ་དང་། ལུས་སྲུལ་པོ་འདུས་པ་ཐམས་ཅད་དང་། བཅོམ་ལྡན་འདས་ཀྱི་ཉན་ཐོས་མི་དང་མི་ཡིན་པ་དེ་དག་ད་ལྟར་འདུས་པ་ཆེན་པོ་འདིར་ཆོས་ཉན་པའི་སླད་དུ།
314b8 བཅོམ་ལྡན་འདས་ཀྱི་སྤྱན་སྔར་མཆིས་པའི་སེམས་ཅན་དེ་དག་ཐམས་ཅད་ཟས་བཞི་ལ་རྟེན་ཅིང་འཚོ་བར་བགྱིད་ལགས་སོ། །བཙུན་པ་བཅོམ་ལྡན་འདས་ད་ལྟའི་དུས་སུ་ཀླུ་ཁྲོ་བོ་ཕུང་བར་བགྱིད་པ་དག་ཞི་བར་མཛད་དུ
iiif viewer powered by OpenSeadragon
