| e-texts navigator |
| Wylie |
314a1 ཐན་ཆེན་དང་། ཟླ་བ་དང་། ཉི་མ་དང་། གཟའ་དང་། རྒྱུ་སྐར་དང་། ཉིན་མཚན་དང་། ཟླ་བ་དང་། ཟླ་བ་ཕྱེད་པ་དང་། ལོ་དང་། དུས་ཚིགས་ལོག་པ་ཐམས་ཅད་ཉེ་བར་ཞི་བར་བྱེད་དོ། །གཟུངས་ཆེན་པོ་བསྟན་པ
314a2 དེས་ནི་ངའི་དཀོན་མཆོག་གསུམ་གྱི་གདུང་དང་། ཆོས་ཀྱི་ཚུལ་ཡུན་རིང་དུ་གནས་པར་འགྱུར་རོ། །གལ་ཏེ་འདིར་མུན་པ་ཅན་སྐལ་བ་ཆུང་བ། རྒྱགས་པ་དང་། དྲེགས་པས་ཁེངས་ཤིང་དགེ་བའི་རྩ་བ
314a3 མ་བསྐྱེད་པ། རྒྱལ་རིགས་གདོལ་པ་དང་། བློན་པོ་གདོལ་པ་དག་གིས་འདི་ལྟར་ངའི་བསྟན་པ་དཀའ་བས་བསྒྲུབས་པ་དང་། ངའི་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་དག་ལ་འཚེ་བར་བྱེད
314a4 པ་ནས་རྒྱུ་དེས་ན་ལྷ་དང་། ཀླུ་དང་། གནོད་སྦྱིན་དག་འཁྲུག་པར་མི་བྱེད་པའི་བར་དུའོ། །དེ་བཞིན་དུ་སེམས་ཅན་རྣམས་ལ་བདེ་བར་སྦྱར་བ་ཐམས་ཅད་འབྱུང་བ་ནི་སྔར་ཇི་སྐད་གསུངས་པ་བཞིན་ནོ། །
314a5 འདུས་པ་ཆེན་པོ་ཐེག་པ་ཆེན་པོའི་མདོ་བཅཝ་ལྔ་པ་རིའི་སྙིང་པོའི་ལེའུ་ལས་ཐན་ཆེན་རབ་ཏུ་ཞི་བར་བྱེད་པའི་མཚོན་པ་སྟེ་གསུམ་པ་རྫོགས་སྷོ།། །།དེ་ནས་བཅོམ་ལྡན་འདས་ཀྱིས་དཔལ་ལྷ་མོ་ཆེན་མོ་ལ་འདི
314a6 སྐད་ཅེས་བཀའ་སྩལ་ཏོ། །དཔལ་ལྷ་མོ་ཆོ་ག་ཤེས་སྔོན་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་བདག་ཅག་གཉིས་ཀྱིས་ཕན་ཚུན་དམ་བཅས་པ་དེ་བཞིན་དུ། བདག་ཅག་གཉིས་ཀྱི
314a7 བསམ་པ་ཡོངས་སུ་རྫོགས་ཤིང་གྲུབ་པོ། །དེ་ནས་དཔལ་ལྷ་མོ་ཆེན་མོས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་དེ་ལྟ་ལགས་སོ། །བཙུན་པ་བདེ་བར་གཤེགས་པ་དེ་ལྟ་ལགས་ཏེ། སྐོལ་གྱི་བསམ
314a8 པ་རྫོགས་ལགས་སོ། །སྔོན་སྐོལ་གྱིས་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་ཕན་ཚུན་དམ་བཅས་པ་བཞིན་འདི་ལྟར་སྐོལ་གྱི་བསམ་པ་ཡོངས་སུ་གྲུབ་སྟེ། ད་ལྟར་ཁྱོད་ཉིད་ནི
iiif viewer powered by OpenSeadragon
