| e-texts navigator |
| Wylie |
313b1 ཏི་མི་ར་པད་ཏྲེ། ཁཎ་ཌ་ནི་ར་ཧ་རེ། ཙཀྵོ་བྷ་སེ། ག་ཎ་བི་མེ། ཀྵི་ཏི་ཏྭོ་ཡེ་སྭཱ་ཧཱ། ཨང་གུ་རཀྵ་སྭཱ་ཧཱ། པུཥྤ་མ་ཡེ་སྭཱ་ཧཱ། ཕ་ལ་ནི་མ་བྷེ་སྭཱ་ཧཱ། ན་མོ་ཏོ་ཡེ་སྭཱ་ཧཱ། ཤ་རཱི་ར་ན་བ་ཀྲ་མ་བ་ཤི་སྭཱ་ཧཱ། དཔལ་ཆོ་ག་ཤེས་ཁྱོད་ཀྱི
313b2 མཚོན་ཆའི་སྟོབས་ཤེས་བྱ་བའི་གཟུངས་ཆེན་པོ་ནི་དེ་ཡིན་ཏེ། མཚོན་ཆའི་སྟོབས་ཤེས་བྱ་བའི་གཟུངས་ཆེན་པོའི་མཐུ་དེས་ནི་སེམས་ཅན་རྣམས་ལ་དེ་ལྟ་བུར་རྒྱས་པར་བྱེད་དོ། །བདེ་བ་ཆེན་པོ་སྐྱེད་པར་བྱེད་དོ། །
313b3 རྒྱུ་དེས་ན་དེས་སེམས་ཅན་རྣམས་མྱུར་དུ་འདུལ་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོ་དེ་ལ་ཐམས་ཅད་དང་ལྡན་པའི་འཁོར་ལྷགས་པ་རྣམས་ཀྱིས་ཀྱང་ལེགས་སོ་ཞེས་བྱ་བ་བྱིན
313b4 ཞིང་། བཅོམ་ལྡན་འདས་ཀྱིས་ཀྱང་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ལེགས་སོ། །ལེགས་སོ། །རིགས་ཀྱི་བུ་ཁྱོད་ནི་སེམས་ཅན་རྣམས་ཀྱི་རྩི་སྨན་ཡིན་ཞིང་སེམས་ཅན་རྣམས་ཀྱི་སྨན་པར་གྱུར་པའོ། །
313b5 འདི་ལྟར་གླིང་བཞི་པ་འདིའི་སེམས་ཅན་ཐམས་ཅད་ཀྱི་འབྲུ་དང་། རྩི་སྨན་ཡིན་ཞིང་སྡུག་བསྔལ་ཐམས་ཅད་ཞི་བར་བྱེད་པའོ། །བདེ་བར་སྦྱར་བ་ཐམས་ཅད་སྦྱིན་པར་བྱེད་དོ། །སྙིང་རྗེ་ཆེན་པོ་ཀུན་ནས་སློང་བ་དང
313b6 མཚུངས་པར་ལྡན་པའོ། །མཚོན་ཆའི་སྟོབས་ཤེས་བྱ་བའི་གཟུངས་ཆེན་པོ་ཤིན་དུ་ཟབ་པ་དེ་ལྟ་བུ་སྟོན་པ་ཡིན་ནོ། །གཟུངས་ཆེན་པོ་དེས་ནི་འདི་ན་སེམས་ཅན་རྣམས་ཀྱི་སའི་བཅུད་ཀྱི་མདངས་དང་། ས་བོན་དང་།
313b7 མྱུ་གུ་དང་། མདབ་མ་དང་། མེ་ཏོག་དང་། རོ་དང་། འབྲུ་དང་། སྨན་རྣམས་མི་ཉམས་ཤིང་སྐྱོན་མེད་ལ་འཕེལ་ཞིང་འབྱོར་པར་བྱེད་དོ། །སེམས་ཅན་གང་དག་གིས་ཟོས་པ་དེ་དག་གི་རྒྱུད་ལ་རྩོད་པའི་རྙོག་པ་ཐམས་ཅད
313b8 ཞི་བར་བྱེད་དོ། །འདིར་སེམས་ཅན་རྣམས་དགེ་བའི་ཆོས་ཐམས་ཅད་ལ་སྤྱོད་པར་འགྱུར་རོ། །གླིང་བཞི་པ་འདིར་དུས་མ་ཡིན་པའི་རླུང་དང་། ཉི་མས་གདུངས་པ་དང་། ཚ་བ་དང་། གྲང་བ་དང་། ཆར་མོ་ཆེ་དང་།
iiif viewer powered by OpenSeadragon
