| e-texts navigator |
| Wylie |
310a1 བསྐལ་པ་འབུམ་ཕྲག་སྙེད་ཀྱི་བར་དུ་ལོངས་སྤྱོད་པར་བྱ་བར་ནུས་ཀྱང་། འདིར་སེམས་ཅན་རྣམས་ཀྱིས་ལོངས་སྤྱོད་པར་མི་ནུས་སོ། །དེ་ཅིའི་ཕྱིར་ཞེ་ན། སེམས་ཅན་འདི་དག་ནི་བསོད་ནམས་དང་བྲལ་བ་སྟེ།
310a2 ལོངས་སྤྱོད་དང་ཉེ་བར་སྤྱོད་པ་རྒྱ་ཆེན་པོ་དག་ལ་ལོངས་སྤྱོད་པའི་སྣོད་མ་ཡིན་ནོ། །བདག་གིས་ནི་སངས་རྒྱས་ཀྱི་ཞིང་མི་མཇེད་འདི་ཐམས་ཅད་ལྷའི་གཞལ་མེད་ཁང་རྒྱ་ཆེན་པོར་སྤྲུལ་པ་དང་། ལྷའི་གནས་མལ་དང་། རྒྱན
310a3 དང་། གོས་དང་། ལྷབ་ལྷུབ་དང་། སྤོས་དང་། མེ་ཏོག་དང་། ཕྲེང་བ་དང་། འབྲས་བུ་དང་། ཤིང་ལྗོན་པ་དང་། རོལ་མོའི་སྒྲ་དང་། སིལ་སྙན་དང་། གླུ་དབྱངས་དང་། རིན་པོ་ཆེ་སྣ་ཚོགས་ཀྱིས་བརྒྱན་པ་དག་དུ་སྤྲུལ་པར་ནུས་ཀྱང་།
310a4 འདིར་སེམས་ཅན་དེ་དག་བསོད་ནམས་དང་བྲལ་བས་སྣོད་དུ་མ་གྱུར་པའི་ཕྱིར་ལོངས་སྤྱོད་པར་མི་ནུས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དང་། བྱང་ཆུབ་སེམས་དཔའ
310a5 སེམས་དཔའ་ཆེན་པོ་ས་བཅུ་པ་དེ་དག་དང་། དཔའ་བར་འགྲོ་བའི་ཏིང་ངེ་འཛིན་ལ་དབང་ཐོབ་པ་དག་ལོངས་སྤྱད་པར་སྤྱོད་པ་ནི་མ་གཏོགས་སོ། །བདག་གིས་སེམས་ཅན་གྱི་ཁམས་མ་ལུས་པ་དག་བསམ་གཏན་བཞི
310a6 ལ་སྙོམས་པར་ཞུགས་པར་གཞག་པར་ནུས་ན། འདི་ན་ཀླུ་ཁྲོ་བོ་ཞེས་བྱ་བ་ནས་ལུས་སྲུལ་པོ་ཁྲོ་བོ་ཞེས་བྱ་བའི་བར་དག་ཞི་བར་བྱ་བ་ལྟ་སྨོས་ཀྱང་ཅི་དགོས། འདི་ལྟར་བདག་ནི་དེ་བཞིན་གཤེགས་པས་མ་གནང་བར་བདག
310a7 གིས་རྫུ་འཕྲུལ་གྱི་ཡུལ་དག་བསྟན་པ་ནི་ཚུལ་དང་འཐུན་པ་མ་ཡིན་ཏེ། དཔེར་ན་འཁོར་ལོས་སྒྱུར་བའི་རྒྱལ་པོས་མ་གནང་བར་བློན་པོ་རིན་པོ་ཆེ་དང་། ཁྱིམ་བདག་རིན་པོ་ཆེ་དག་གིས་དཔུང་གི་ཚོགས་ཡན་ལག་བཞི་པ་ཤོམ
310a8 པ་དེ་ནི་གནས་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་པའ་ཆེན་པོ་མ་ལུས་པ་དེ་དག་ཐམས་ཅད་ནི་དེ་བཞིན་གཤེགས་པའི་སྲས་ཐུགས་ལས་སྐྱེས་པ། གསུང་ལས་སྐྱེས་པ། ཆོས་ལས་བྱུང་ཞིང
iiif viewer powered by OpenSeadragon
