| e-texts navigator |
| Wylie |
309a1 གིས་སེམས་ཅན་རྣམས་མངོན་པར་དགའ་བར་མི་བྱེད་དོ། །སེམས་ཅན་གང་དག་སའི་བཅུད་འདི་ལ་རྟེན་པ་རྣམས། ས་བོན་དང་། སྡོང་བུ་དང་། ལོ་མ་དང་། མེ་ཏོག་དང་། འབྲས་བུ་དང་། རོ་དང་། འབྲུ་དང་། སྨན་དང
309a2 ལོངས་སྤྱོད་དང་། ཉེ་བར་སྤྱོད་པ་དག་ལ་སྤྱོད་པར་བྱེད་པས་དེ་དག་གི་སེམས་འཇིག་རྟེན་ཕ་རོལ་ལ་མི་ལྟ་ཞིང་སེམས་ཅན་རྣམས་ལ་སེམས་ཙུབ་པ་དང་། ཞེ་འགྲས་པ་དང་། གདུག་པ་དང་། སྡང་བ་དང་། སྙིང་རྗེ་མེད་པ་དང་།
309a3 སྙིང་བརྩེ་བ་མེད་པར་ཞུགས་པ་ཡིན་ནོ། །ནད་སྣ་ཚོགས་ཀྱིས་གཟིར་ཅིང་གཟུགས་མི་སྡུག་ལ་ལུས་རྩུབ་པ། ཉོན་མོངས་པ་དང་། ནད་དུ་མས་ཉམས་སྨད་པ། ལྟ་བ་ངན་པར་ཞུགས་པ། སྐྱབས་ངན་པ་ལ་བརྟེན་པ་ཡིན་ནོ། །
309a4 དེ་དག་ཅེས་བྱ་བ་ནས་རི་དགས་དང་བྱ་དག་གི་བར་དུ་དཀོན་མཆོག་གསུམ་ལ་དད་པ་དང་། དང་བ་དང་། དགའ་བ་དང་། བླ་མ་དང་། ཞེ་ས་དང་། རི་མོ་བྱེད་པའི་སེམས་དག་མ་ཐོབ་པ་ཡིན་ཏེ། དེ་དག་ནད་སྣ་ཚོགས་དང་།
309a5 ལྟ་བ་ངན་པས་གཟིར་ཅིང་ངན་གཡོ་ཅན་ཁར་བྲོས་པས་དཀོན་མཆོག་གསུམ་ལ་ལུས་དང་། ངག་ཡིད་འཁྲུལ་པར་སྤྱོད་པ་ཡིན་ནོ། །སྡིག་པའི་སེམས་དང་ལྡན་པ། ཚུལ་ཁྲིམས་འཆལ་པ་སྡོམ་པ་མ་ཡིན་པ་ལ་སྤྱོད་པ་དེ་དག
309a6 དགེ་སློང་ཚུལ་ཁྲིམས་དང་ལྡན་ཞིང་ཡོན་ཏན་གྱིས་ཕྱུག་པ། སྤོབས་པ་གྲོལ་བ་དང་ལྡན་པ་དེ་དག་གིས་སྤོང་བར་བྱེད་དོ། །ད་ལྟར་འདི་ན་སེམས་ཅན་དག་།གཤེ་བ་དང་། སྤྱོ་བ་དང་། སྨོད་པ་དང་། བཤུང་བ་དང་།
309a7 ཉམས་པར་བྱེད་པ་དང་། བརྙས་པ་དང་། འདྲིད་པ་དང་། སྡིག་པ་དང་། གྲགས་པ་མ་ཡིན་པར་སྤྱོད་པ་དང་། ངོ་ཚ་ཤེས་པ་དང་ཁྲེལ་ཡོད་པ་སྤངས་པ་དང་། མི་དགེ་བ་བཅུའི་ལས་ཀྱི་ལམ་རྣམས་ལ་མངོན་པར་དགའ
309a8 བའི་སེམས་དང་ལྡན་པ་དང་། དགེ་བ་ཐམས་ཅད་ལ་སྤྱོད་པ་སྤངས་པའི་སེམས་དང་ལྡན་པ་དང་། བསོད་ནམས་དང་ཤེས་རབ་དང་བྲལ་བ་དང་། ཚེ་ཐུང་ཞིང་ངན་སོང་དུ་འགྲོ་བ་དེས་ན་སེམས་ཅན་འདི་དག་ཐམས་ཅད་དེ་དག
iiif viewer powered by OpenSeadragon
