| e-texts navigator |
| Wylie |
308a1 རྒྱལ་མཚན་རྒྱལ་པོས་ལེགས་སོ་ཞེས་བྱ་བ་གནང་བ་ཡིན་ནོ། །རིགས་ཀྱི་བུ་ཁྱོད་ལ་བདག་གིས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་སྦྱིན་གྱིས། ཁྱོད་ཀྱིས
308a2 གཟུངས་ཀྱི་སྙིང་པོ་འདིས་དེ་ལྟ་བུར་སེམས་ཅན་རྣམས་ཤིན་དུ་ཡོངས་སུ་སྨིན་པར་བྱེད་ནུས་སམ། སེམས་ཅན་ཚད་མེད་པ་དག་ལོངས་སྤྱོད་དང་། ཉེ་བར་སྤྱོད་པའི་ཡོ་བྱད་ཕུན་སུམ་ཚོགས
308a3 པ་དང་ལྡན་པ་དག་གིས་ཉོན་མོངས་པའི་ཆུ་བོ་ལས་སྒྲོལ་བར་བྱེད་དོ། །ཏད་ཡ་ཐཱ། ཛ་ལམ་བྷ། མ་ཧཱ་ཛ་ལམ་བྷ། ཨཱ་ནུ་ཛ་ལམ་བྷ། སརྦ་ཛ་ལམ་བྷ། ཨོ་ག་ཛ་ལམ་བྷ། ཡཀྵ་བྲི་ཛ་ལམ་བྷ།
308a4 ནཱ་ག་བྲི་ཛ་ལམ་བྷ། ཨུ་ག་ར་བྲི་ཛ་ལམ་བྷ། ཧསྟི་བྲི་ཛ་ལམ་བྷ། ཨ་ཛ་ལམ་བྷ། ཛ་ལམ་བྷ། ན་མ་ཌཱུ་ཀ་བྲི་ཛ་ལམ་བྷ། ཁ་མུ་བྲི་ཛ་ལམ་བྷ། པད་ཀ་བྲི་ཛ་ལམ་བྷ། ཨ་མ་བྲི་ཛ་ལམ་བྷ། སཱུ་ཙི་མུ་ཁ་བྲི་ཛ་ལམ
308a5 བྷ། བ་མྲ་བ་མྲ། ཛ་ལ་བ་མྲ། བི་ཛ་བྷ་ན་ད། པྲཏ་ཏྲ་པུཥྤ་ཕ་ལམ་བྷ། མུ་ཀྵ་ན་རི་བྷ་ན་ས། དྷརྨ་ཡ་ཛྙཱ། བྲིཥྚི་སོ། ཧྲི་ལམ་བྷ། ཤ་ཤསྟུ་ད་ལ། གུད་གུད་ས་ར་གུད། ཙི་དུང་གུད། བ་ར་ཛ་བཻ་སྭཱ་ཧཱ།
308a6 འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་ནི་དེ་ཡིན་ཏེ། གཟུངས་ཀྱི་སྙིང་པོ་འདིས་དེ་ལྟ་བུར་སེམས་ཅན་རྣམས་ཤིན་དུ་ཡོངས་སུ་སྨིན་པར་བྱེད་ནུས་སམ། རིགས་ཀྱི་བུ་དེར་བདག་གིས་ནི་དེ་བཞིན་གཤེགས་པ
308a7 དབང་པོའི་ཏོག་གི་རྒྱལ་མཚན་རྒྱལ་པོ་དེ་ལས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་མནོས་སོ། །མནོས་ནས་ཀྱང་དེ་བཞིན་གཤེགས་པ་དེ་ལ་བདག་གིས་མཆོད་པ་དང་རིམ་གྲོ་རྣམ་པ་སྣ་ཚོགས་འདི་དག
308a8 བྱས་ཏེ། ཚུལ་ཁྲིམས་དང་། ཐོས་པ་དང་། བརྟུལ་ཞུགས་དག་ཀྱང་སྤྱད་དོ། །དེའི་འོག་ཏུ་ཡང་སངས་རྒྱས་ཁྲི་སྙེད་ལ་དེ་ལྟ་བུའི་སྨོན་ལམ་དག་བཏབ་པ་དེས་ན་བདག་གིས་ད་ལྟར་བསྐལ་པ་བཟང་པོ་འདི་ལ་དཔལ
iiif viewer powered by OpenSeadragon
