| e-texts navigator |
| Wylie |
306b1 སྤངས་པ་དང་། །ལྷ་དང་མི་ཡི་བདེ་ལས་རྟག་ཏུ་ཉམས་པ་དང་། །དགེ་བའི་བཤེས་གཉེན་དག་དང་རྟག་ཏུ་བྲལ་བ་རྣམས། །དེ་དག་ལ་ནི་བདག་གིས་ལམ་སྟོན་འགྱུར་བར་བྱ། །སེམས་ཅན་ཉོན་མོངས་པ་ཡིས
306b2 བཙོན་རར་རྟག་བཅིངས་པ། །མགོན་མེད་གྱུར་པ་མིག་ནི་རྣམ་པར་ཉམས་གྱུར་ཅིང་། །ལྟ་ངན་དག་ལ་ཆགས་པ་ཤ་དང་ཁྲག་ཟ་བ། །དེ་དག་དག་པར་བྱ་ཕྱིར་ང་ནི་སྤྱོད་པར་བྱེད། །སེམས་ཅན་རེ་རེའི་དོན་དུ་མནར
306b3 མེད་སྤྱོད་བྱེད་པ། །དེ་འདྲའི་སྙིང་རྗེ་སེམས་ཅན་རྣམས་ལ་བསྐྱེད་པར་བྱ། །ཇི་ལྟར་སེམས་ཅན་རེ་རེ་དེ་དག་ཐར་བྱའི་ཕྱིར། །སྡུག་བསྔལ་བཟོད་རླག་བཟོད་དཀའ་བདག་གིས་དང་དུ་བླང་། །བུ་ཅིག
306b4 ང་ཡིས་བྱང་ཆུབ་སྤྱོད་མཆོག་སྤྱད་པར་བྱ། །ཉན་ཐོས་དག་གི་ཤེས་པ་བཙལ་བར་མི་བྱ་ཞིང་། །རང་སངས་རྒྱས་ཀྱི་ཤེས་པའང་བཙལ་བར་མི་བྱ་སྟེ། །བླ་ན་མེད་པའི་ཡེ་ཤེས་དག་ནི་བཙལ་བར་བྱ། །ཇི་སྲིད
306b5 གང་གཱའི་བྱེ་སྙེད་སེམས་ཅན་དུ་མ་དག་། སྡུག་བསྔལ་དག་ལས་ཐར་བར་བྱས་པར་མ་གྱུར་པར། །དེ་སྲིད་བྱང་ཆུབ་མཆོག་རབ་འདིར་ནི་འཚང་མི་རྒྱ། །ཕྱི་ནས་བྱང་ཆུབ་མཆོག་རབ་དེ་ལ་རེག་པར་བྱ། །
306b6 བུ་ཅིག་ཁྱོད་ཀྱིས་སེམས་ཅན་རྣམས་ལ་མཚུངས་པར་ནི། །སྙིང་རྗེ་འདི་ལྟ་བུ་དག་བསྐྱེད་པར་བྱས་ནས་ཀྱང་། །ཁྱོད་ཀྱིས་དགེ་དང་རྟག་ཏུ་ལྡན་པར་བྱས་པ་རྣམས། །བྱང་ཆུབ་མཆོག་རབ་འཕགས་པ་དག་ཏུ་བསྔོ
306b7 བར་གྱིས། །སེམས་ཅན་ཉོན་མོངས་མེ་ལས་རབ་ཏུ་ཐར་བྱའི་ཕྱིར། །སྡུག་བསྔལ་བཟོད་རླག་བཟོད་དཀའ་བ་དག་དང་དུ་ལོང་། །སྦྱིན་དང་དུལ་དང་སྡོམ་པ་དག་ལ་ལེགས་སྤྱོད་ཅིག་།རྫོགས་སངས་རྒྱས་པར
306b8 འགྱུར་བ་འདི་ནི་ཐེ་ཚོམ་མེད། །གང་ཚེ་ང་ནི་བྱང་ཆུབ་མཆོག་མ་ཐོབ་པ་ན། །དེ་ཚེ་ཁྱོད་ནི་སེམས་ཅན་རྣམས་ཀྱི་སྦྱིན་པོར་འགྱུར། །ང་ཡིས་ཁྱོད་ནི་བྱང་ཆུབ་མཆོག་ཏུ་ལུང་བསྟན་ནས། །འདི་ལ་དམ་བཅས་བརྟན་པོར
iiif viewer powered by OpenSeadragon
