| e-texts navigator |
| Wylie |
306a1 པར་རྫོགས་པར་འཚང་རྒྱ་བ་དེའི་ཚེ། བདག་གླིང་ཆེན་པོ་བཞི་པ་དེར་དཔལ་ཆེན་མོའི་གོ་འཕང་ཐོབ་པར་ཤོག་ཤིག་པ་དང་། དེ་ན་སེམས་ཅན་རྣམས་ལ་བཟའ་བ་དང་། བཏུང་བའི་ཡོ་བྱད་ཐམས་ཅད་ཀྱིས
306a2 སྦྱིན་པ་བྱེད་པར་འགྱུར་བར་བགྱིས་ལགས་སོ། །རིགས་ཀྱི་བུ་ཁྱོད་བདག་ལས་གསོན་ཅིག་དང་། སྔོན་བྱུང་བ་འདས་པའི་དུས་བསྐལ་པ་དཔག་ཏུ་མེད་པ་འདས་པ་གང་དེའི་ཚེ་དེའི་དུས་ན་དེ་བཞིན་གཤེགས་པ་དགྲ་བཅོམ་པ
306a3 ཡང་དག་པར་རྫོགས་པའི་སངས་རྒྱས་དབང་པོའི་ཏོག་གི་རྒྱལ་མཚན་རྒྱལ་པོ་ཞེས་བྱ་བ་ཞིག་བྱུང་བར་གྱུར་ཏོ། །སྐྱེ་དགུའི་ཚེ་ལོ་སྟོང་ཞེས་བྱ་བ་ནས་དེའི་ཚེ་དེའི་དུས་ན་དགེ་བསྙེན་སྐར་མ་དྲི་མེད་དཔལ་ཞེས་བྱ་བ་དུལ་བ། གསལ
306a4 བ། འཇིགས་པ་མེད་པ། ཐོས་པ་མང་བ། འཁོར་བཞི་པོ་དག་ལ་ཆོས་སྟོན་པ། འཁོར་མང་བ། འཁོར་ཕུན་སུམ་ཚོགས་པ་ཞིག་བྱུང་བར་གྱུར་ཏེ་ཞེས་བྱ་བའི་བར་དུ་སྟེ། དེའི་བུ་ཐུ་བོ་དྲི་མེད་དཔལ
306a5 ཞེས་བྱ་བ་ཞིག་བྱུང་བ་དེས་རང་གི་ཕ་ལ་ཚིགས་སུ་བཅད་པས་སྨྲས་པ། ཡབ་ཅིག་ཅི་སླད་རང་གི་ལུས་སྲོག་བཏང་ནས་ཀྱང་། །ཞུམ་པ་མེད་པའི་སེམས་ཀྱིས་བརྩོན་ཞིང་རྩོལ་བར་མཛད། །ཡབ་ཅིག་ཚེ་འདིས
306a6 མྱ་ངན་འདས་པར་མི་གཤེགས་པར། །སེམས་ཅན་རྣམས་ལ་མཆོག་ཏུ་སྲུང་མཛད་ཤིན་དུ་བརྩོན། །དེས་རང་གི་བུ་དྲི་མེད་དཔལ་ལ་ཚིགས་སུ་བཅད་པས་ལན་སྨྲས་པ། སེམས་ཅན་འཁོར་བའི་སྡུག་བསྔལ་དག་གིས
306a7 རྨོངས་པ་དང་། །ལམ་ངན་ཞུགས་ཤིང་ཉོན་མོངས་པ་ཡི་མེ་འབར་བ། །རྟག་ཏུ་སྡུག་བསྔལ་དག་གིས་ཉོན་མོངས་ངས་མཐོང་ནས། །ཉོན་མོངས་པ་ཡི་མེ་དག་གསད་ཕྱིར་ང་བརྩོན་བྱེད། །ཤེས་རབ་རྣམ་པར་ཉམས་ཤིང
306a8 མཐོང་ལས་འདས་པ་དང་། །ལམ་ལས་རབ་ཏུ་ཉམས་ཤིང་ངན་སོང་འགྲོ་བ་དང་། །འཁོར་བ་ཤིན་དུ་བཟོད་རླག་ཆུ་བོར་ལྟུང་བ་རྣམས། །རབ་ཏུ་བསྒྲལ་བའི་ཕྱིར་ནི་ང་ཡང་སྤྱོད་པར་བྱེད། །སྦྱིན་དང་དུལ་དང་སྡོམ་པ་རྣམ་པར
iiif viewer powered by OpenSeadragon
