| e-texts navigator |
| Wylie |
303b1 རབ་ཏུ་ཞི་བར་གྱུར་ཅིག་། ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་བརྩོན་འགྲུས་དང་ལྡན་པར་གྱུར་ཅིག་།དགེ་བའི་ཆོས་ཐམས་ཅད་དང་བྲལ་བ་རྣམས་དགེ་བའི་ཆོས་ཐམས་ཅད་ལ
303b2 བརྩོན་པར་གྱུར་ཅིག་། ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་སེམས་ཅན་གཞན་དག་ལ་བྱམས་པའི་སེམས་དང་ལྡན་པ་དང་། ཕན་པའི་སེམས་དང་ལྡན་པ་དང་། མི་འཁྲུགས་པའི
303b3 སེམས་དང་ལྡན་པ་དང་། ཁོན་མེད་པའི་སེམས་དང་ལྡན་པ་དང་། རྙོག་པ་མེད་པའི་སེམས་དང་ལྡན་པ་དང་། སྙིང་རྗེའི་སེམས་དང་ལྡན་པ་དང་། སྙིང་བརྩེ་བའི་སེམས་དང་ལྡན་པ་དང་། བསམ་གཏན་གྱི་སེམས་དང་ལྡན་པ་དང་།
303b4 སྙོམས་པར་འཇུག་པ་ལ་མཁས་པར་གནས་པའི་སེམས་དང་ལྡན་པ་དང་། འཁྲུལ་པ་མེད་པའི་སེམས་དང་ལྡན་པར་གྱུར་ཅིག་།ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་ཀྱི་གཏི་མུག་གི
303b5 མུན་པ་དང་། རྟག་པ་དང་ཆད་པར་ལྟ་བ་དག་རབ་ཏུ་ཞི་བར་གྱུར་ཅིག་།དུས་ཐམས་ཅད་དུ་ལྟ་བར་འཛིན་པ་རྣམས་རབ་ཏུ་ཞི་བར་གྱུར་ཅིག་།ཡུན་ཇི་སྲིད་དུ་ཏིང་ངེ་འཛིན་དེ་ལྟ་བུ་དང་ལྡན་པ་དེ་སྲིད་ཀྱི་བར་དུ་སེམས་ཅན་རྣམས་དཀོན་མཆོག
303b6 གསུམ་ལ་བློ་འཇུག་ཅིང་ཞེ་ས་དང་རི་མོ་བྱེད་པར་གྱུར་ཅིག་། ཕྱིན་ཅི་ལོག་བཞི་དང་བྲལ་ཞིང་བདེན་པ་བཞིའི་རྣམ་པ་ལ་གནས་པའི་སེམས་དང་ལྡན་པར་གྱུར་ཅིག་།འཕགས་པ་དོན་དམ་པའི་བདེན་པ་ལ་རྣམ་པར་གནས་པའི་སེམས
303b7 དང་ལྡན་པར་གྱུར་ཅིག་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་སེམས་ཅན་ཡོངས་སུ་སྨིན་པར་བྱ་བའི་ཕྱིར་གང་གི་ཚེ་ཏིང་ངེ་འཛིན་ལ་འཇུག་པར་འདོད་པ་དེའི་ཚེ། འདི་ལྟར་ཤེས་རབ་དང་། བསོད་ནམས་ཀྱི་སྟོབས་དང་།
303b8 ཐབས་ཀྱི་སྟོབས་ཀྱིས་འདི་ལྟ་བུར་བྱིན་གྱིས་རློབ་པར་བྱེད་དེ། བདག་ཡུན་ཇི་སྲིད་དུ་ཏིང་ངེ་འཛིན་ལས་མ་ལངས་པ་དེ་སྲིད་ཀྱི་བར་དུ་ཡུལ་འདི་ཉིད་དང་། གླིང་བཞི་པ་འདི་ཉིད་ཅེས་བྱ་བ་ནས་སངས་རྒྱས་ཀྱི་ཞིང་འདི་ཉིད་ཀྱི་སེམས་ཅན
iiif viewer powered by OpenSeadragon
