| e-texts navigator |
| Wylie |
301a1 ཐམས་ཅད་དུ་གློག་ལྟ་བུའི་ཤུགས་ཀྱིས་འགྲོ་བ་ལ་མཁས་པ་ཡང་ཡིན་ནོ། །སེམས་ཅན་རྣམས་ཀྱི་ལམ་གསུམ་པོ་ལས་ཀྱི་ལམ་དང་། ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམས་པར་ཡང
301a2 བྱེད་དོ། །འདོད་པའི་ཁམས་ལས་ཡང་དག་པར་འདའ་བར་ཡང་བྱེད་ལ། འདོད་པའི་ཁམས་དག་གཏོང་བར་ཡང་མི་བྱེད་དོ། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་འགྲོ་བ་སྣ་ཚོགས་ཀྱི་སྐྱེ་བའི་ས་དག་སྟོན་པར་ཡང་བྱེད
301a3 ལ། མངལ་གྱི་ཉེས་པས་གོས་པར་ཡང་མི་བྱེད་དོ། །སེམས་ཅན་རྣམས་ཀྱི་ཉོན་མོངས་པའི་དྲ་བ་གཅོད་པར་ཡང་བྱེད་ལ། སེམས་ཅན་རྣམས་དམིགས་པར་ཡང་མི་བྱེད་དོ། །དཔལ་ཆོ་ག་ཤེས་འདི་ལ་བྱང་ཆུབ་སེམས
301a4 དཔའ་སེམས་དཔའ་ཆེན་པོ་དག་དབུགས་རྔུབ་པ་དང་། དབུགས་འབྱུང་བ་ཕན་ཚུན་མི་འདྲ་བ་ལ་ཇི་ལྟ་བ་བཞིན་རྟོག་པར་ཡང་བྱེད་ལ། འཕྲལ་འཕྲལ་དུ་དེ་ཤེས་པར་ཡང་མི་བྱེད་དོ། །དབུགས་རྔུབ་པ་དང་། དབུགས་འབྱུང
301a5 བའི་གཟུགས་ཉེ་བར་ལེན་པའི་ཕུང་པོ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། དེ་བཞིན་དུ་དབུགས་རྔུབ་པ་དང་། དབུགས་འབྱུང་བའི་རྣམ་པར་ཤེས་པ་ཉེ་བར་ལེན་པའི་ཕུང་པོ་དག་ལ་ཇི་ལྟ་བ
301a6 བཞིན་དུ་ཡང་རབ་ཏུ་ཤེས་ཤིང་དབུགས་རྔུབ་པ་ཡང་གཞན་ལ། དབུགས་འབྱུང་བ་ཡང་གཞན་ནོ། །དབུགས་རྔུབ་པ་སོ་སོ་ཡང་དག་པར་རིག་པ་ཡང་གཞན་ལ། དབུགས་འབྱུང་བ་སོ་སོ་ཡང་དག་པར་རིག་པ་ཡང
301a7 གཞན་ནོ། །དབུགས་རྔུབ་པའི་ཚོར་བ་དང་། འདུ་ཤེས་དང་། འདུ་བྱེད་དང་། སེམས་པ་ཡིད་ལ་བྱེད་པ་ཡང་གཞན་ལ་དབུགས་འབྱུང་བའི་ཚོར་བ་དང་། འདུ་ཤེས་དང་། སེམས་པ་ཡིད་ལ་བྱེད་པ་ཡང་གཞན་ནོ། །
301a8 དབུགས་རྔུབ་པའི་སེམས་པ་ཡང་གཞན་ལ་དབུགས་འབྱུང་བ་ཡང་གཞན་ནོ། །གང་གི་ཚེ་དབུགས་རྔུབ་པ་སོ་སོ་ཡང་དག་པར་རིག་པ་དེའི་ཚེ་དབུགས་འབྱུང་བ་སོ་སོ་ཡང་དག་པར་རིག་པ་མ་ཡིན་ནོ། །གང་གི་ཚེ་དབུགས
iiif viewer powered by OpenSeadragon
