| e-texts navigator |
| Wylie |
294a1 མདངས་འཕྲོག་པས། །སེམས་ཅན་རྣམས་ཀྱི་མདངས་མི་འཕྲོག་།མང་ཐོས་དེ་ལྟར་ཤེས་པར་གྱིས། །གང་དག་དུག་དང་བཅས་པའི་ལུས། །ཡུལ་ཕྱོགས་སུ་ནི་བསྐུར་བྱ་སྟེ། །དེ་ན་དེ་དག་དུག་མེད་པར། །འགྱུར
294a2 བ་ལ་ནི་ཐེ་ཚོམ་མེད། །སངས་རྒྱས་ཀྱིས་བཤད་བགྲོ་བ་དག་།མདོ་འདི་གང་དུ་གསུངས་པ་ཡི། །ས་ཕྱོགས་དེ་ནི་ཀུན་དགའ་བོ། །མཆོད་རྟེན་གྱུར་པར་ཤེས་པར་གྱིས། །སྔོན་གྱི་མགོན་པོ་འདས་པ་སྟེ། །འཇིག་རྟེན་སྣང་བྱེད
294a3 གང་དག་གིས། །ས་ཡི་ཕྱོགས་ནི་འདི་ཉིད་དུ། །མདོ་འདི་དག་ནི་རབ་ཏུ་བཤད། །སེམས་ཅན་མྱ་ངན་འཇིགས་བྱེད་པ། །ད་ལྟར་རྫོགས་སངས་རྒྱས་ངས་ཀྱང་། །ས་ཡི་ཕྱོགས་ནི་འདི་ཉིད་དུ། །མདོ་མཆོག་དག་ནི་བཤད་པར་བྱ། །འཇིག
294a4 རྟེན་མགོན་པོ་བསམ་མི་ཁྱབ། །རྫོགས་པའི་སངས་རྒྱས་བྱམས་པས་ཀྱང་། །ས་ཡི་ཕྱོགས་ནི་འདི་ཉིད་དུ། །མདོ་སྡེ་འདི་ནི་འཆད་པར་འགྱུར། །མང་ཐོས་བྱམས་པ་འདི་ཡིས་ནི། །མདོ་འདི་སྟོན་པར་བྱེད་པ་ན། །ཐེར་འབུམ་བརྒྱད་ཅུ་ཚང
294a5 བ་དག་། བྱང་ཆུབ་ཏུ་ཡང་ལུང་སྟོན་འགྱུར། །བདག་ནི་གང་གིས་ཡོངས་སྨིན་བྱས། །ཀྱེ་མའོ་སངས་རྒྱས་ཤཱཀ་ཐུབ་ཅེས། །སྐད་ཅིག་དེ་ལ་ང་ཡི་མིང་། །རྫོགས་སངས་རྒྱས་ཀྱིས་བརྗོད་པར་འགྱུར། །བྱམས་པ་ཡི་ནི་ཐང་དག་ནས། །སྲོག
294a6 ཆགས་བྱེ་བ་གྲངས་མེད་པས། །ང་ཡི་མིང་ནི་ཐོས་ནས་ཀྱང་། །བྱང་ཆུབ་མཆོག་ཏུ་སྨོན་པར་བྱེད། །སྐད་ཅིག་དེ་ལ་སངས་རྒྱས་ལ། །དེ་བཞིན་གཤེགས་པ་བྱམས་པ་ཡང་། །འཛུམ་པ་དག་ནི་མཛད་འགྱུར་ཞིང་། །དེ་ནི་ཆོ་འཕྲུལ་བསམ་མི
294a7 ཁྱབ། །ཕྱི་མའི་དུས་ན་གང་ཁ་ཅིག་།ཚུལ་འདི་དག་ནི་ཚོལ་བྱེད་པ། །ཀུན་དགའ་དེ་ནི་དེ་ཡི་ཚེ། །བྱམས་དང་ཕྲད་པར་ལུང་བསྟན་བྱ། །ཤཱཀྱ་སེང་གེ་དེ་ཡིས་ནི། །མདོ་འདི་བཤད་པ་དེ་མོད་ལ། །སྲོག་ཆགས་སྟོང་ཕྲག་བརྒྱད་བཅུ་གང་། །
294a8 བྱང་ཆུབ་ལ་ནི་མངོན་པར་ཞུགས། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་དགེ་སློང་ཆོས་བཞི་དང་ལྡན་ན་སངས་རྒྱས་ཀྱི་བྱང་ཆུབ་སྤོང་བར་བྱེད་དེ། བཞི་གང་ཞེ་ན། ཀུན་དགའ་བོ་འདི
iiif viewer powered by OpenSeadragon
