| e-texts navigator |
| Wylie |
207a1 མི་བྱའོ། །ཆོས་ཐམས་ཅད་གཟུང་དུ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བདེན་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བདེན་པ་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས
207a2 ཅད་ཚུལ་བཞིན་གྱི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་ཚུལ་བཞིན་མེད་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད་བརྟན་པའི་ཆོས་སོ་ཞེས་སྐྲག་པར་མི་བྱའོ། །ཆོས་ཐམས་ཅད
207a3 མི་བརྟན་པའི་ཆོས་སོ་ཞེས་སྐྲག་པར་མི་བྱའོ། །མི་ཕམ་པ་ངས་བྱང་ཆུབ་ཀྱི་སྙིང་པོར་ཆོས་ཉིད་མངོན་པར་རྫོགས་པར་སངས་རྒྱས་ཏེ་ཆོས་ཀྱི་ཡུལ་ཐམས་ཅད་མཁྱེན་ཀྱང་དམིགས་པས་མ་ཡིན་ནོ་ཆོས་ཐམས་ཅད་ཀྱི་ངོ་བོ་ཉིད་ཀུན
207a4 དུ་མཁྱེན་ཀྱང་མངོན་པར་ཞེན་པས་འཇིག་རྟེན་ལ་ཆོས་མི་སྟོན་ཏོ། །བྱང་ཆུབ་སེམས་དཔའ་རྣམས་ལ་ཆོས་རྣམས་ཀྱི་སྣང་བ་ཐོབ་པར་བྱ་བ་དང་། གཟུངས་དང་ཆོས་ཀྱི་ཕྱག་བརྒྱ་རྣམས་བསྐྱེད་པའི་ཕྱིར་ངས་དེ་བཞིན་ཉིད
207a5 རྣམ་པར་དཀྲུགས་པ་མེད། ཆོས་རྣམས་བསལ་བ་མ་བྱས། གཞག་པ་མ་བྱས་སོ། །མི་ཕམ་པ་ངས་གླིང་བཞི་པ་ཆེན་པོའི་འཇིག་རྟེན་གྱི་ཁམས་འདིར་འོག་མིན་གྱི་གནས་མན་ཆད་དུ་ཆོས་བསྟན་པའི་ཚེ་སེམས་ཅན
207a6 རྣམས་འདི་སྙམ་དུ་དེ་བཞིན་གཤེགས་པ་ནི་བདག་ཅག་ཁོ་ན་ལ་ཆོས་སྟོན་ཏོ་སྙམ་མོ། །དེ་བཞིན་དུ་སྦྱར་ཏེ། གླིང་བཞི་པ་གཉིས་པ་དང་། དེ་བཞིན་དུ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་ཆོས་བསྟན
207a7 པའི་ཚེ་སེམས་ཅན་རྣམས་འདི་སྙམ་དུ་དེ་བཞིན་གཤེགས་པ་ནི་བདག་ཅག་ཁོ་ན་ལ་ཆོས་སྟོན་ཏོ། །འདི་ན་དེ་བཞིན་གཤེགས་པ་ཆོས་སྟོན་ཏོ། །འདིར་དེ་བཞིན་གཤེགས་པ་སྐྱེས་སོ། །འདིར་ཆོས་ཀྱི་འཁོར་ལོ
207a8 བསྐོར་རོ། །ཆོས་ཀྱི་འཁོར་ལོ་བསྐོར་ནས་ཆོས་སྟོན་ཏོ་སྙམ་མོ། །མི་ཕམ་པ་འདི་ལ་ང་ནི་ཐབས་འདིས་འཇིག་རྟེན་གྱི་ཁམས་མཐའ་ཡས་མུ་མེད་པ་དག་ཏུ་སྔ་དྲོའི་དུས་ཀྱི་ཚེ་ཡང་ཆོས་སྟོན་ཅིང་དེ་ལྟར་སངས་རྒྱས་ཀྱི་མཛད་པ་མཛད་དོ། །
iiif viewer powered by OpenSeadragon
