| e-texts navigator |
| Wylie |
205b1 རྣམས་ལ་སུན་འབྱིན་ཏོ། །མི་ཕམ་པ་འདི་ཇི་སྙམ་དུ་སེམས། ཀ་ཤི་ཀའི་རྒྱལ་པོ་གང་ཡིན་པས་མགོ་བྱིན་པར་གྱུར་པ་དེ་འཆལ་བའི་ཤེས་རབ་ཡིན་ནམ། གསོལ་པ། བཅོམ་ལྡན་འདས་དེ་ནི་མ་ལགས་སོ། །བཀའ
205b2 སྩལ་པ། མི་ཕམ་པ་ངས་ཕ་རོལ་དུ་ཕྱིན་པ་དྲུག་དང་ལྡན་པའི་མདོ་གང་དག་བསྟན་པ་དེ་དག་ཅི་བྱང་ཆུབ་འཐོབ་པར་འགྱུར་བ་མ་ཡིན་ནམ། གསོལ་པ། བཅོམ་ལྡན་འདས་བྱང་ཆུབ་ཐོབ་པར་འགྱུར་བ་ལགས་སོ། །བཀའ་སྩལ་པ།
205b3 མི་ཕམ་པ་ཁྱོད་ཀྱིས་བསྐལ་པ་དྲུག་བཅུར་སྦྱིན་པའི་ཕ་རོལ་དུ་ཕྱིན་པ་ལ་སྤྱད། བསྐལ་པ་དྲུག་བཅུར་ཚུལ་ཁྲིམས་ཀྱི་ཕ་རོལ་དུ་ཕྱིན་པ་ལ་སྤྱད། བསྐལ་པ་དྲུག་བཅུར་བཟོད་པའི་ཕ་རོལ་ཏུ་ཕྱིན་པ་ལ་སྤྱད། བསྐལ་པ
205b4 དྲུག་བཅུར་བརྩོན་འགྲུས་ཀྱི་ཕ་རོལ་དུ་ཕྱིན་པ་ལ་སྤྱད། བསྐལ་པ་དྲུག་བཅུར་བསམ་གཏན་གྱི་ཕ་རོལ་དུ་ཕྱིན་པ་ལ་སྤྱད་ན། དེ་ལ་མི་བླུན་པོ་དག་འདི་སྐད་དུ་འདི་ལྟ་སྟེ། མི་དམིགས་པའི་ཚུལ་གཅིག་པུས་བྱང་ཆུབ་འཐོབ
205b5 པོ་ཞེས་ཟེར་ཏེ། དེ་དག་ནི་སྤྱོད་པ་ཡོངས་སུ་མ་དག་པ་ཡིན། ཚིག་ཙམ་གྱིས་དགའ་བར་སེམས་ཤིག་བསྒྲུབ་པ་སྙིང་པོར་བྱེད་པ་མ་ཡིན། ངག་གི་ལས་ལྷུར་ལེན་གྱི་ནན་ཏན་ལས་རིང་བ་ཡིན་ཏེ། ཕྲག་དོག་ཅན་དུ་གྱུར
205b6 པ། ཆགས་པར་གནས་པ། ཉེ་དུ་ལ་གདུ་བ་ཡིན་ནོ། །མི་ཕམ་པ་ང་ཡང་མགོ་བྱིན་པས་དགའ་བ་ཙམ་དུ་འཁོར་ལོས་སྒྱུར་བའི་རྒྱལ་སྲིད་ཐོབ་པས་ནི་མ་ཡིན་ན་དེ་ལ་མི་བླུན་པོ་ཟང་ཟིང་ལ་སེར་སྣ་བྱེད་པ་དེ་དག་གཞན
205b7 གྱི་ཁྱིམ་རྣམས་སུ་དོང་ནས་འདི་སྐད་དུ་བྱང་ཆུབ་ཏུ་ནི་འདི་ལྟར་སྤྱད་དོ། །འདི་ནི་བྱང་ཆུབ་སེམས་དཔའི་སྤྱོད་པ་སྟེ་འདི་ནི་ཚུལ་ལོ། །གཞན་ནི་ཚུལ་མ་ཡིན་ནོ། །ཆོས་ཀྱི་ཚུལ་འདི་ནི་ཆོས་སྨྲ་བ་ཕལ་ཆེར་གྱིས
205b8 ཀྱང་ཤེས་སོ་ཞེས་ཟེར་ཏེ་དེ་དག་རྙེད་པ་དང་བཀུར་སྟིའི་ཕྱིར་ཆོས་སྨྲ་བ་དག་ལ་ཀུན་ནས་མནར་སེམས་མང་པོ་འབྱུང་ངོ་། །མི་ཕམ་པ་འཚོ་བ་ཅན་གྱི་མི་དེ་དག་ནི་བསྐལ་པ་བརྒྱས་ཀྱང་འཐུན་པའི་བཟོད་པ་ཐོབ་པར་ང་མི་སྨྲ་ན
iiif viewer powered by OpenSeadragon
