| e-texts navigator |
| Wylie |
200a1 ལྡན་པའི་འཁོར་དེ་སྟན་ལས་ལངས་ཏེ་ཐལ་མོ་སྦྱར་ནས་བཅོམ་ལྡན་འདས་ཉིད་ལ་ཕྱག་འཚལ་ཞིང་འཁོད་པར་ཡང་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ
200a2 ལ་བཀའ་སྩལ་པ། མི་ཕམ་པ་དེ་བཞིན་གཤེགས་པ་རིང་པོར་མི་ཐོགས་པར་ཡོངས་སུ་མྱ་ངན་ལས་འདའ་བར་འགྱུར་གྱིས་འདི་ནི་ཁྱེད་དེ་བཞིན་གཤེགས་པ་ལ་ཡོངས་སུ་དྲི་བའི་དུས་ཡིན་ནོ། །འདི་ནི་ཚོད་ཡིན་ནོ། །ཁྱེད་གང
200a3 སུ་དག་ཆོས་ལ་ཐེ་ཚོམ་ཡོད་པ་དེ་དག་དེ་བཞིན་གཤེགས་པ་ལ་ཡོངས་སུ་མ་ཞུས་ན་དེ་བཞིན་གཤེགས་པ་མངོན་སུམ་དུ་བཞུགས་པའི་ཚེ་བདག་ཅག་གིས་མ་ཞུས་པ་ག་ལ་སྲིད་ཅེས་ཕྱིས་འགྱོད་པར་གྱུར་ཏ་རེ། དེ་སྐད་ཅེས་བཀའ
200a4 སྩལ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཉིད་མཁས་པ། བཅོམ་ལྡན་འདས་ཉིད་དུས་མཁྱེན་པ། ཚོད་མཁྱེན་པ།
200a5 རན་པ་མཁྱེན་པ། བཅོམ་ལྡན་འདས་ཉིད་ཐམས་ཅད་མཁྱེན་ཅིང་ཐམས་ཅད་གཟིགས་པ་སྟེ། ཆོས་ཐམས་ཅད་རྟོགས་པར་ཐུགས་སུ་ཆུད་པ་ལགས་ན། བཅོམ་ལྡན་འདས་ཀྱིས་ཆོས་བསྟན་པ་རྣམ་པ་ཇི་ལྟ་བུས
200a6 ཡང་དག་པར་རྫོགས་པའི་སངས་རྒྱས་ཐམས་ཅད་ཀྱི་ཆོས་ཀྱི་ཚུལ་འདི་ཡུན་རིང་དུ་གནས་པར་འགྱུར་བ་དེ་ལྟ་བུར་ཆོས་ལེགས་པར་བསྟན་དུ་གསོལ། དེ་ནས་ལྷའི་བུ་དབང་ཕྱུག་ཆེན་པོ་གནས་གཙང་མའི་རིས་ཀྱི
200a7 ལྷའི་བུ་བྱེ་བ་ཕྲག་བརྒྱད་བཅུའི་གཡོག་འཁོར་དང་ལྡན་པས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྣམ་པར
200a8 འཐག་པ་ཐམས་ཅད་བསྡུས་པ་ཞེས་བགྱི་བའི་ཆོས་ཀྱི་རྣམ་གྲངས་འདི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་སྔོན་གསུངས་ན་དེ་སྐྱེ་བོ་མང་པོ་ལ་སྨན་པ་དང་། སྐྱེ་བོ
iiif viewer powered by OpenSeadragon
