| e-texts navigator |
| Wylie |
93a1 དཔག་ཏུ་མེད་པ། སྣང་བ་དཔག་ཏུ་མེད་པ། བསོད་ནམས་ལ་ཡང་དག་པར་གཞོལ་བ་དཔག་ཏུ་མེད་པ། གཟུགས་དཔག་ཏུ་མེད་པ། བདེ་བ་ལ་ཡང་དག་པར་གཞོལ་བ་དཔག་ཏུ་མེད་པ་དག་སྟེ། དེ་དག་ནི
93a2 ཚུལ་ཁྲིམས་ལ་འཇུག་པ་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བ་ལ་འཇུག་པ་དང་། སོ་སོ་ཡང་དག་པར་རིག་པ་ལ་འཇུག་པ་དང་། ལེན་པ་མེད་པར་ཟག་པ
93a3 ཟད་པར་འགྱུར་བ་དག་གོ། །བཞི་གང་ཞེ་ན། ཤཱ་རིའི་བུ་འདི་ལྟ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བརྙེས་པས་བསམ་གཏན
93a4 པར་གྱུར་པ། ཤེས་རབ་ཀྱི་ཕ་རོལ་ཏུ་ཕྱིན་པ་བརྙེས་པས་ཤེས་རབ་དཔག་ཏུ་མེད་པ་དང་ལྡན་པ། ཤེས་རབ་ཡངས་པ་དང་ལྡན་པ། ངེས་པར་འབྱེད་པའི་ཤེས་རབ་དང་ལྡན་པ། ཇི་ལྟ་བ་བཞིན་གྱི་ཤེས་རབ་དང་ལྡན་པ།
93a5 གྲངས་མེད་པའི་ཤེས་རབ་དང་ལྡན་པ། རྣམ་པར་ངེས་པའི་ཤེས་རབ་དང་ལྡན་པ། རྣམ་པར་ངེས་པ་གཟིགས་པ། མཆོག་ཏུ་རྣམ་པར་གྲོལ་ཞིང་ཤིན་དུ་རྣམ་པར་གྲོལ་བའི་ཐུགས་དང་ལྡན་པ། གཡོ་བ་མེད་པའི་ཐུགས་དང་ལྡན
93a6 པ། འཁྲུག་པ་མེད་པའི་ཐུགས་དང་ལྡན་པ། འཕྲིན་ལས་ལེགས་པར་མཛད་པའི་ཐུགས་དང་ལྡན་པ་དང་། ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་མི་དགེ་བའི་ཆོས་ཐམས་ཅད
93a7 སྤངས་པ། དགེ་བའི་ཆོས་ཐམས་ཅད་དང་ལྡན་པ། སྤྱོད་པ་ཕུན་སུམ་ཚོགས་པ། ཡིད་ལ་མཛད་པ་དང་མ་བྲལ་བ། བདེན་པ་སྟོན་པ། བདེན་པ་གཟིགས་པ། སྣང་བར་གྱུར་པ། དཔག་ཏུ་མེད་པ། ཚོགས་དཔག་ཏུ་མེད་པ། ཟིལ
93a8 གྱིས་གནོན་པ། ཟིལ་གྱིས་མི་གནོན་པའི་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་གཟིགས་པའི་སྟོབས་བསྐྱེད་པ་བརྙེས་པ། སྟོབས་བཅུའི་སྟོབས་བསྐྱེད
iiif viewer powered by OpenSeadragon
