| e-texts navigator |
| Wylie |
229a1 བཅོམ་ལྡན་འདས་བདག་གིས་དགུང་བདུན་ནས་སྦྱིན་པ་ཆེན་པོ་སྩལ་ན། དེ་བཞིན་གཤེགས་པ་སོར་མོའི་ཕྲེང་བ་ལྷོ་ཕྱོགས་ལོགས་ཀྱི་སྦྱིན་གནས་སུ་གྱུར་ཅིག་།བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ
229a2 ཆེན་པོ་དེ་བཞིན་དུ་གྱུར་ཅིག་། དེ་ནས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་མགྲིན་གཅིག་ཏུ་ཚིགས་སུ་བཅད་པ་འདི་དག་སྨྲས་སོ། །སྒྱུ་མའི་རྒྱལ་པོ་ཁྱོད་ལ་ཕྱག་འཚལ་ལོ། །དེ་བཞིན་གཤེགས་པ
229a3 དཔའ་ཆེན་ཐབས་ཀྱི་སྐུ། །ཐབས་ཀྱི་མཚན་ཉིད་རབ་ཏུ་ཕུན་སུམ་ཚོགས། །ཐབས་མཆོག་དམ་པའི་ཆོས་རྣམས་རབ་ཏུ་སྟོན། །ཐབས་ཀྱི་དབྱིངས་རྣམས་སུ་ཡང་འཇོག་པར་མཛད། །ཐབས་ཀྱིས་སྤྲུལ་པ་དག་ནི་ཡོངས
229a4 སུ་སྟོན། །དེ་བཞིན་གཤེགས་པའི་སྐུ་ཡང་མཐའ་ཡས་ཏེ། །བློ་གྲོས་མཐའ་ཡས་གྲགས་པའང་མཐའ་ཡས་སོ། །དེ་བཞིན་གཤེགས་པའི་གཟི་བརྗིད་མཐའ་ཡས་ཏེ། །བདེ་གཤེགས་མཐའ་ཡས་མཐའ་ཡས་སྟོབ་ཆེན་སྟོན། །གསང་བ་མཐའ་ལས་མཐའ་ཡས་དགོངས
229a5 དག་སྟོན། །འཇིག་རྟེན་རབ་ཏུ་སྣང་མཛད་མཐའ་ཡས་སོ། །དེ་བཞིན་གཤེགས་པའི་འོད་ཟེར་མཐའ་ཡས་པ། །ཡོན་ཏན་མཐའ་མེད་གྲངས་ལས་ཤིན་དུ་འདས། །དེ་བཞིན་གཤེགས་ནི་མཚུངས་མེད་དཔག་ཏུ་མེད། །ཆགས་མེད
229a6 ཡེ་ཤེས་ནམ་མཁའ་ལྟ་བུར་སྟོན། །དེ་བཞིན་གཤེགས་པའི་སྐུ་ནི་ནམ་མཁའ་བཞིན། །འཇམ་དཔལ་གཞོན་ནུར་གྱུར་ཕན་ཞི་བར་བྱེད། །སོར་ཕྲེང་སླད་དུ་བདེ་གཤེགས་གཤེགས་པ་ནི། །གཤེགས་དང་མ་གཤེགས་ཤེས
229a7 ཀྱང་བརྗོད་མི་ནུས། །བདེ་གཤེགས་སྒྲ་གཅན་ཟིན་ལྟར་སྙོམས་པར་གཟིགས། །དེ་སྐད་ཅེས་གསོལ་པ་དང་། བཅོམ་ལྡན་འདས་དགྱེས་སོ། །ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་དང་། ཉན་ཐོས
229a8 དེ་དག་དང་། བྱང་ཆུབ་སེམས་དཔའ་དེ་དག་དང་། མཛོད་འཛིན་གྱི་རྒྱལ་པོ་གསལ་རྒྱལ་གྱིས་དེ་དག་ཐམས་ཅད་ཀྱང་སོར་མོའི་ཕྲེང་བའི་བྱང་ཆུབ་སེམས་དཔའི་སྤྱོད་པ་དང་། དེའི་སངས་རྒྱས་ཀྱི་ཞིང་དུ་སྐྱེ་བ་དང་། འཇམ་དཔལ
iiif viewer powered by OpenSeadragon
