| e-texts navigator |
| Wylie |
228b1 སེམས་ཅན་བྱེ་བ་དང་། བྲམ་ཟེའི་མཁན་པོས་མི་ཤེས་ཏེ། སངས་རྒྱས་ཉིད་ཀྱི་སྒྱུ་མ་མཁྱེན་ཏེ། དེ་བཞིན་གཤེགས་པ་སངས་རྒྱས་ནི་སྒྱུ་མའི་རྒྱལ་པོའོ། །མཁན་པོའི་ཆུང་མ་དགའ་བྱེད་མས་སྨྲས་པ། ཀྱེ་མ་སེམས་ཅན་འདི
228b2 བྲམ་ཟེའི་བུ་མོ་འཇོ་མའི་དཀུ་མཐོང་ཡང་སངས་རྒྱས་ཀྱི་ཆེ་བ་ཡིན་པར་མི་ཤེས་སོ། །ཇི་ལྟར་ཙན་ཙ་སྒྱུ་མ་ཡིན་པ་དེ་བཞིན་དུ་བདག་ཀྱང་སངས་རྒྱས་ཀྱིས་སྒྱུ་མ་སྤྲུལ་པའོ། །དེ་བས་ན་མཛོད་འཛིན་གྱི་རྒྱལ་པོ་གསལ་རྒྱལ་ལ་བདག་གིས
228b3 བསྙད་དོ། །གདོལ་པས་ཁྱོད་ལ་བསྙེན་པར་མི་ནུས་ན། རྒྱལ་པོ་སེམས་ཅན་མང་པོ་དང་། འགྲོ་བའི་དཔལ་དང་། བྱིན་གྱིས་བརྒྱལ་བར་འགྱུར་ན། མདུན་དུ་འདུག་པ་ལྟ་ཅི་སྨོས། དེ་ལྟར་མིས་མིའི་དྲུང་དུ་བསྟན་པར་མི་ནུས་ན།
228b4 ལྷ་དང་མི་རྣམས་ཀྱིས་བཅོམ་ལྡན་འདས་ལ་བསྟན་པར་བྱ་བ་དང་། དེ་བཞིན་གཤེགས་པའི་སྒྱུར་བར་ལྟ་ག་ལ་ནུས་ཏེ། དེ་བཞིན་གཤེགས་པ་ལ་རིམ་གྲོ་བྱེད་པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། མི་འམ་ཅི་དང་། ལྟོ
228b5 འཕྱེ་ཆེན་པོ་དང་། ཤ་ཟ་དང་། ལྷ་མ་ཡིན་ཚད་མེད་པ་དང་། ནམ་མཁའ་ལྡིང་གིས་དེ་ལ་གནོད་པར་བྱེད་དོ། །གལ་ཏེ་འདི་ལྟ་བུའི་སེམས་ཅན་འབྱུང་ན། བཅོམ་ལྡན་འདས་ཀྱང་སྡིག་བྱེད་པ་རྣམ་པ་མང་པོ་སྟོན་ཏེ། མ་འོངས་པའི
228b6 སེམས་ཅན་འདི་ལྟ་བུའི་སྡིག་མ་རུངས་པ་བྱེད་པ་འབྱུང་བ་དག་ལ་ཡང་དེ་བཞིན་གཤེགས་པ་ནི་སངས་རྒྱས་ཀྱི་སྒྱུ་མ་ཆེན་པོའི་ཐབས་ཀྱི་སྐུ་སྟོན་ཏོ་ཞེས་ཟེར་ནས་མི་སྣང་བར་གྱུར་ཏོ། །དེ་ནས་ཡང་རྒྱལ་པོ་ཤིན་དུ་ངོ་མཚར
228b7 དུ་གྱུར་ཏེ། བཅོམ་ལྡན་འདས་ལ་གསོལ་པ། བཅོམ་ལྡན་འདས་ཅི་སྒྱུ་མ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་མཁན་པོ་དང་། མཁན་པོའི་ཆུང་མ་དང་། དེའི་མ་སྒྱུ་མ་གསུམ
228b8 གྱིས་སྨྲས་པ་བཞིན་ཏེ། ངའི་སྒྱུ་མ་ནི་བསམ་གྱིས་མི་ཁྱབ་པས་རྣམ་པ་དེ་གསུམ་དུ་སྤྲུལ་པ་ཡིན་ཏེ། སེམས་ཅན་བྱེ་བ་མང་པོ་བསྒྲལ་བའི་ཕྱིར་སོར་མོའི་ཕྲེང་བ་དེ་ལྟར་བྱོན་པ་ཡིན་ནོ། །རྒྱལ་པོས་གསོལ་པ
iiif viewer powered by OpenSeadragon
