| e-texts navigator |
| Wylie |
129a1 གིས་གསོལ་བར་སྤྲོ་བ་མ་མཆིས་སོ་སྙམ་དུ་སེམས་ཏེ། རིགས་ཀྱི་བུ་མདོར་ན་རིགས་ཀྱི་བུ་འདིས་ཆོས་ཐམས་ཅད་བསྟན་ཏེ། ཡང་དག་པའི་ཆོས་སྟོན་པ་ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་རྣམ
129a2 པར་རྒྱལ་བའི་ཕུང་པོས་ཡི་གེ་མེད་པའི་ཆོས་དང་། ཚིག་མེད་པ་དང་། བརྗོད་ཏུ་མེད་པ་དང་། ཡི་གེ་དང་བྲལ་བ་དང་། མཚན་མ་མེད་པ་དང་། མཚན་མ་དང་བྲལ་བ་དང་། བླང་བ་མེད་པ་དང་། བླང་བ་དང་བྲལ་བ་དང་། འོང་བ་མེད་པ
129a3 དང་། མཐོང་བ་མེད་པ་དང་། གནས་པ་མེད་པ་དང་། སེམས་དང་ཡིད་དང་། རྣམ་པར་ཤེས་པ་དང་བྲལ་བ་དང་། རྒྱུ་རྐྱེན་དང་བྲལ་བ་དང་། ཚིག་མེད་པ་དང་། རྣམ་པར་རིག་པ་མེད་པ་དང་། ལྟ་བ་མེད་པ་དང་། ཐེར་ཟུག་ཏུ་གནས་པ
129a4 མེད་པ་དང་། ཚིག་གིས་བརྗོད་དུ་མེད་པ་དང་། བརྡ་མེད་པ་དང་། ཡི་གེ་གཅིག་ལ་འདི་ལྟ་སྟེ། ཡང་དག་པ་མ་ཡིན་པ་དང་། བསགས་པ་མེད་པའི་གནས་པ་དང་། ཡི་གེ་མེད་པ་དང་། གདུལ་བ་མེད་པ་རྣམས་ལ་སུ་ཞིག་སྟོན
129a5 སྙམ་དུ་ཤེས་ནས་རིགས་ཀྱི་བུ་བསྟན་པ་མེད་པ་འདིར་བསྟན་ཏོ། །དེ་ནས་བཅོམ་ལྡན་འདས་ཀྱི་མཐུས་བྱང་ཆུབ་སེམས་དཔའ་ལུས་འོད་གསལ་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གལ
129a6 ཏེ་ཆོས་ཐམས་ཅད་བསྟན་དུ་མ་མཆིས་པ་ལགས་ན་ཆོས་དེ་དག་ཐམས་ཅད་ལྐུག་པས་བསྟན་པར་འགྱུར་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཇི་སྐད་སྨྲས་པ་དེ་བཞིན་ཏེ། ལྐུག་པ་འབའ་ཤིག
129a7 གིས་མ་ཡིན་གྱི། སེམས་ཅན་ཐམས་ཅད་ཀྱང་མི་ཤེས་བཞིན་དུ་ཆོས་སྟོན་པར་བྱེད་དོ། །གསོལ་པ། བཅོམ་ལྡན་འདས་ཇི་ལྟར་སེམས་ཅན་ཐམས་ཅད་མ་འཚལ་བཞིན་དུ་ཆོས་སྟོན་པ་དེ་བཤད་དུ་གསོལ། བདེ་བར་གཤེགས
129a8 པ་བཤད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ལུས་འོད་གསལ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་འདི་ལྟ་སྟེ། དཔེར་ན་དམུས་ལོང་དག་ཉི་མ་ཤར་ཀྱང་གཟུགས
iiif viewer powered by OpenSeadragon
