| e-texts navigator |
| Wylie |
128b1 བཅོམ་ལྡན་འདས་བདག་གིས་ཆོ་འཕྲུལ་མང་པོ་མཐོང་ལགས་ཏེ། བདག་གིས་སྔོན་འོད་ཟེར་གྱི་སྣང་བ་འདི་ལྟ་བུ་ནམས་ཀྱང་མ་མཐོང་ལགས་སོ། །འོད་ཕྲེང་ཕྱོགས་འདིར་དེ་བཞིན་གཤེགས་པའི་འོད་ཟེར་གྱི་སྣང་བ་འདི་ལྟ
128b2 བུ་ཆུང་ངུ་ཞིག་མཛད་དེ། མཚན་མ་སྣང་བ་དེ་དག་ནི་རྒྱུ་མེད་པ་མ་ཡིན། བྱེད་རྒྱུ་མེད་པ་མ་ཡིན་ནོ། །འོད་ཕྲེང་ཁྱོད་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། ངས་ཁྱོད་ལ་བཤད་དོ། །དོན་གང་གི་ཕྱིར་ངས་འཛུམ
128b3 པ་མཛད་པ་ཐོས་ནས་ཀྱང་རིགས་ཀྱི་བུ་ཁྱོད་ཀྱིས་སྐྲག་པར་མི་བྱ། དངང་བར་མི་བྱ་དངང་བར་འགྱུར་བར་མི་བྱ་སོམ་ཉིར་མི་བྱ། ཐེ་ཙོམ་དུ་མི་བྱའོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་རྣམས་ཀྱི་ཡུལ་ནི་བསམ་གྱིས
128b4 མི་ཁྱབ་བོ། །སྨོན་ལམ་ནི་བསམ་གྱིས་མི་ཁྱབ་བོ། །རྣམ་པར་འཕྲུལ་པ་ནི་བསམ་གྱིས་མི་ཁྱབ་བོ། །དོན་དེ་དག་ཡང་དག་པར་མཐོང་ནས་ཐེ་ཙོམ་མ་བྱེད་ཅིག་།འོད་ཕྲེང་གང་འདི་ལྟར་དེ་བཞིན་གཤེགས་པ་ཤཱཀྱ་ཐུབ་པས
128b5 ངའི་དྲུང་དུ་བྱང་ཆུབ་སེམས་དཔའ་རྣམ་པར་རྒྱལ་བའི་ཕུང་པོ་བཏང་བ་འདི་ཁྱོད་ཀྱིས་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ། །བདེ་བར་གཤེགས་པ་མཐོང་ལགས་སོ། །རིགས་ཀྱི་བུ་བྱང་ཆུབ་སེམས
128b6 དཔའ་རྣམ་པར་རྒྱལ་བའི་ཕུང་པོ་འདི་ལ་ངས་ཁྱོད་ག་ལས་འོངས་ཤེས་དེ་སྐད་དྲིས་ན། དེ་ཅང་མི་སྨྲ་བར་ཁ་རོག་འདུག་སྟེ། རིགས་ཀྱི་བུ་ངས་དོན་གྱི་དབང་འདི་མཐོང་ནས་འདིར་འཛུམ་པ་མཛད་དོ། །དེ་བཞིན་གཤེགས་པས
128b7 རྨས་པའི་ལན་དེ་ཅིའི་ཕྱིར་འདིས་མ་གསོལ་སྙམ་དུ་འཁོར་འདི་དག་ཐམས་ཅད་ཐེ་ཙོམ་དུ་གྱུར་ཏོ། །རིགས་ཀྱི་བུ་ངས་རྨས་པའི་ལན་སྐྱེས་བུ་དམ་པ་འདིས་ཅིའི་ཕྱིར་མ་གསོལ་ཅེ་ན། འོང་བ་དང་འགྲོ་བ་མེད་པའི་ཆོས་རྣམས
128b8 ལ། བཅོམ་ལྡན་འདས་བདག་ལ་ཁྱོད་ག་ལས་འོངས་ཞེས་འོང་བ་རྨེད་པར་མཛད་དོ་སྙམ་མོ། །ཆོས་ཐམས་ཅད་བརྗོད་དུ་མ་མཆིས་པར་ཡང་གློ་བར་ཆུད་ན། བཅོམ་ལྡན་འདས་ག་ལས་འོངས་ཤེས་བྱུང་བའི་གནས་ལ་བདག
iiif viewer powered by OpenSeadragon
