| e-texts navigator |
| Wylie |
123a1 པས་ཆོས་ཀྱི་རྣམ་གྲངས་འདི་ཡོན་ཏན་བསྔགས་པ་དང་བཅས་པར་བཟུང་ཞིང་ཀུན་ཆུབ་པར་བྱས་ཏེ། ཀུན་ཆུབ་པར་བྱས་ནས་ཀྱང་མོས་པའི་མཐུ་དང་ལྡན་པར་གྱུར་ཏེ། གྲོང་དང་གྲོང་ཁྱེར་དང་། ལྗོངས་དང་། ཡུལ
123a2 དང་ཡུལ་འཁོར་དང་། ཕོ་བྲང་འཁོར་དུ་འོངས་ནས་བདག་ནི་སྨན་པའོ། །བདག་ནི་སྨན་པའོ་ཞེས་བདག་ཉིད་ཁས་འཆེའོ། །དེ་ནས་དེ་མ་ཐག་ཏུ་སྲོག་ཆགས་ནད་སྣ་ཚོགས་ཀྱིས་གཟིར་བ་སྟོང་ཕྲག་དུ་མ་སྲོག་གི་སྐྱབས་ཀྱི
123a3 ཕྱིར་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་ག་ལ་བ་དེར་ལྷགས་སོ། །དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་མོས་པའི་མཐུ་ལ་གནས་པའི་སེམས་ཀྱིས་སེམས་ཅན་དེ་དག་ལ་ཆོས་ཀྱི་གཞུང་འདིས་བྲིམས་སོ། །
123a4 ཆོས་ཀྱི་རྣམ་གྲངས་འདི་ལས་གང་རིག་སྔགས་འབྱུང་བ་དེ་དག་གིས་ཀྱང་བསྲུང་བ་དང་། བསྐྱབས་པ་དང་། ཡོངས་སུ་བཟུང་བར་བྱས་སོ། །འཇམ་དཔལ་དེ་ལ་རིག་སྔགས་ཀྱི་ཚིག་དེ་དག་ཀྱང་གང་ཞེ་ན། ཏད་ཡ་ཐཱ།
123a5 ཨ་ལ་ཏ། བི་ཏཱ་ལ། བི་བི་ན། ཨ་ཏིཪྠ། ཨ་བྷྲི་ད། ཨ་ནུ་ཌ། བི་བྲམྷ། ན་ཧི་ཁ་ག་རུ་ད། མཱ་ཡཱ་སུ་ཁ། ཨཱ་ནཱན་ཏ། ཛ་ལ་ད། ན་ད་མི་ཏྲ། ཨ་མི་ཏྲ། ཛོ་ཏྲ་ཧྲི་ཏ། སརྦ་ཏྲ་ལ། ཨ~ཾ་ག་མ~ཾ་ག་ཨརྠ་ཡུ་ཏ། ས་བྲམྷ་ཨི་ཤ་།རིག
123a6 སྔགས་ཀྱི་ཚིག་འདི་རྣམས་ཀྱིས་སེམས་ཅན་དེ་དག་བསྲུང་བ་བྱས་སོ། །དེས་གལ་ཏེ་གདུག་པས་ཟོས་པའམ། གལ་ཏེ་མི་མ་ཡིན་པས་གཙེས་པའམ། སྲོག་ཆགས་ཀྱི་རིགས་དུག་ཅན་གང་ཡང་རུང་བ་འགའ་ཞིག་གིས་ཟིན་པ
123a7 འམ་གལ་ཏེ་ནད་སྐེམ་པ་དང་། མཛེ་བྱུང་བ་འམ། གལ་ཏེ་རླུང་དང་། མཁྲིས་པ་དང་། བད་ཀན་དང་འདུས་པའི་ནད་ཀྱིས་བཏབ་པ། ནད་སྣ་ཚོགས་ཀྱིས་རབ་ཏུ་གཟིར་བའི་སེམས་ཅན་དེ་དག་ནད་དེ་དང་དེ་དག་ལས་རབ་ཏུ་ཐར
123a8 བར་བྱས་སོ། །འཇམ་དཔལ་དེ་ལྟར་ན་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས་ཆོས་ཀྱི་རྣམ་གྲངས་འདི་ལ་གནས་ནས་སེམས་ཅན་དེ་རྣམས་ནད་ལས་རབ་ཏུ་ཐར་བར་བྱས་སོ། །འཇམ་དཔལ་ཁྱོད་ཇི་སྙམ་དུ་སེམས།
iiif viewer powered by OpenSeadragon
