| e-texts navigator |
| Wylie |
120b1 མི་ལྡན་འདི་མི་སྲུན། །ཆོས་རྣམས་རྨི་ལམ་ལྟ་བུ་སྟེ། །འདུས་བྱས་ཐམས་ཅད་ཡང་དག་མིན། །སྒྱུ་མ་བཞིན་དུ་སྐྱེ་མཐོང་ནས། །མཁས་པ་སྙིང་པོར་མི་འཛིན་ཏོ། །བདེན་པར་འདི་ལ་ཚུལ་ཁྲིམས་མེད། །ཚུལ་ཁྲིམས
120b2 མི་ལྡན་བདེན་པར་མེད། །ཆོས་རྣམས་བརྟེན་ཏེ་བྱུང་བས་ན། །འདི་ལ་བདག་ནི་ཡོད་མ་ཡིན། །བསྐལ་པ་བྱེ་བ་སྟོང་དག་ཏུ། །སྙོམ་ལས་མེད་པར་སྦྱིན་པ་བྱིན། །ཚུལ་ཁྲིམས་དག་ནི་མཆོག་བསྲུངས་ཀྱང་། །འདྲེན་པས་ང་ནི་ལུང
120b3 མ་བསྟན། །གང་ཚེ་ང་ནི་འདུ་ཤེས་བྲལ། །སྦྱིན་པའི་འདུ་ཤེས་མ་ལུས་དང་། །རྣམ་པར་རྟོག་པ་ཀུན་སྤངས་པ། །དེ་ཚེ་བྱང་ཆུབ་ལུང་བསྟན་ཏོ། །སྦྱིན་པས་ལོངས་སྤྱོད་འགྱུར་བར་བསྟན། །ཚུལ་ཁྲིམས་ཀྱིས་ནི་མཐོ་རིས
120b4 བསྟན། །གང་ན་ཆུང་ཟད་མི་དམིགས་པ། །དེ་ནི་བྱང་ཆུབ་བླ་མེད་དོ། །བྱིས་པ་དམིགས་པར་གནས་པ་དག་།མི་སྐྱེ་འདུས་མ་བྱས་པ་ཡི། །བཟོད་པ་བདག་གིས་ཐོབ་པོ་ཞེས། །མི་མཁས་པ་དག་རྟོག་པར་བྱེད། །ཆོས
120b5 རྣམས་སྐྱེ་བ་མེད་པ་ལ། །གང་དག་སྐྱེ་བར་སེམས་པ་ནི། །བསྐལ་པ་བྱེ་བ་སྟོང་དུ་ཡང་། །དེ་ཡི་བཟོད་པ་རྙེད་པར་དཀའ། །ཆོས་རྣམས་མིང་གིས་ལུང་བསྟན་ཏེ། །ཆོས་རྣམས་ལ་ནི་བྱེད་པ་མེད། །རྩ་བ་མེད་ཅིང་གནས་མེད
120b6 དེ། །ཐམས་ཅད་ནམ་མཁའི་མཚན་ཉིད་དོ། །སངས་རྒྱས་བྱེ་བ་མང་པོ་ཡིས། །འདོད་ཆགས་ཞེ་སྡང་སྤང་བའི་ཕྱིར། །ཆོས་མཆོག་དག་ཀྱང་བཤད་མོད་ཀྱི། །ཆོས་རྣམས་ཟད་པའང་ཡོང་མེད་དོ། །གལ་ཏེ་ཆོས་དེ་ཡང
120b7 དག་ན། །ཐམས་ཅད་ཡང་དག་ཟད་པར་འགྱུར། །གང་ཕྱིར་དེ་དག་ཡང་དག་མིན། །དེ་བས་མཐའ་ནི་མི་རྙེད་དོ། །འདོད་ཆགས་ཞེ་སྡང་མཐའ་ཡས་ཏེ། །གཏི་མུག་གི་ནི་མཐའ་ཡང་མེད། །གང་དག་གི་ནི་མཐའ་མེད་པ། །
120b8 དེ་དག་གི་ནི་རྩ་བ་མེད། །ས་བོན་མྱུ་གུ་མེད་ན་ནི། །འདབ་མ་འབྲས་བུ་ག་ལ་འབྱུང་། །འདབ་མ་མེད་པ་གང་ཡིན་པ། །དེ་ལ་མེ་ཏོག་ཡོད་མ་ཡིན། །ཆོས་རྣམས་སྐྱེ་བ་མེད་པ་ལ། །སེམས་ཅན་ས་བོན་མི་རྙེད་དོ། །སེམས
iiif viewer powered by OpenSeadragon
