| e-texts navigator |
| Wylie |
120a1 བ་མེད་པ་ལ། །བྱིས་པ་དག་ནི་འབྱུང་བར་འདོད། །ཆོས་རྣམས་ཤེས་པར་བྱ་བ་དང་། །སྤང་བར་བྱ་བར་སྲོག་ཆགས་འཆད། །བྱིས་པ་སྐྱེ་བའི་སྤྱོད་ཡུལ་ཅན། །སྐྱེ་བ་མེད་ལ་དད་མི་འགྱུར། །བྱང་ཆུབ་ལམ་ནི་དམ་པ་དང་། །
120a2 ལམ་གྱི་ཆོས་རྣམས་བཏང་བྱས་ཏེ། །བྱིས་པ་གཉིས་ལ་ཆགས་པ་སྟེ། །གཉིས་སུ་མེད་པ་མི་ཤེས་སོ། །སྒྱུ་མ་སྣ་ཚོགས་གྱུར་པ་ལ། །བྱིས་པ་རྣམས་ཀྱིས་ཐ་དད་མཐོང་། །འདི་ལ་ཐ་དད་ཡོད་མ་ཡིན། །དེ་དག་ཐམས
120a3 ཅད་མཚན་ཉིད་ཅིག་། སོ་སོའི་སྐྱེ་བོར་གང་བརྗོད་དང་། །འཇིག་རྟེན་སངས་རྒྱས་མཁས་པ་དག་།མི་གཉིས་གཉིས་སུ་དབྱེར་མེད་དེ། །དེ་དག་སྒྱུ་མའི་ཚུལ་དུ་མཉམ། །བྱིས་པ་ཁ་ཅིག་སྨྲ་བ་ནི། །ནམ་ཞིག་བདག
120a4 ཅག་འདོད་ཆགས་ཟད། །ཞེ་སྡང་གཏི་མུག་ཞི་བར་འགྱུར། །ནམ་ཞིག་ཉོན་མོངས་མེད་པར་འགྱུར། །མེད་ལ་ཡོད་པར་འདུ་ཤེས་པའི། །འདོད་ཆགས་ཞེ་སྡང་གཞིག་པའི་ཕྱིར། །གང་དག་སྟོང་པ་ཉིད་སྟོན་པ། །དེ་དག
120a5 ཆད་པ་མྱ་ངན་འདས། །ཟད་པ་མེད་ཅིང་སྐྱེ་མེད་པར། །མྱ་ངན་འདས་པ་ཡང་དག་བསྟན། །ཟད་ཅིང་སྐྱེ་མེད་གང་བརྩོན་པ། །དེ་དག་ང་ཡི་བསྟན་ལས་རིང་། །སྦྱིན་དང་ཚུལ་ཁྲིམས་འདུ་ཤེས་དང་། །གང་དག་བྱང་ཆུབ
120a6 འདུ་ཤེས་དགའ། །དེ་དག་མཚན་མའི་སྤྱོད་ཡུལ་བས། །ང་ཡི་བྱང་ཆུབ་དེས་མི་རྟོགས། །བྱིས་པ་མེད་པས་རྨོངས་པ་དག་།ཆོས་རྣམས་གསོག་ཏུ་མི་ཤེས་ཏེ། །ཆོས་རྣམས་མཚན་ཉིད་གཅིག་པ་ལ། །དེ་དག་ཐ་དད
120a7 འབྱེད་པར་བྱེད། །གང་གིས་ཆོས་འདི་ཤེས་པ་ནི། །ངོ་བོ་ཉིད་ཀྱིས་མཚན་མེད་པ། །སོར་མོ་ལྔ་ཡི་ལག་པ་བཞིན། །དེ་དག་བྱང་ཆུབ་རྙེད་མི་དཀའ། །བྱང་ཆུབ་གང་དང་ཡང་མི་རིང་། །གང་དང་ཡང་ནི
120a8 ཉེ་བ་མེད། །རྟོག་དང་རྣམ་རྟོག་གང་ལྡན་པ། །དེ་དག་བྱང་ཆུབ་རབ་ཏུ་རིང་། །བྱིས་པ་ཕན་ཚུན་སྤྱོད་པ་དག་།གཅིག་ལ་གཅིག་ནི་སྨོད་བྱེད་པ། །འདི་ནི་ཚུལ་ཁྲིམས་ལྡན་མ་ཡིན། །ཚུལ་ཁྲིམས
iiif viewer powered by OpenSeadragon
