| e-texts navigator |
| Wylie |
116a1 པ་ལྟ་བར་འདོད་པ་དེ་དག་ལོག་པར་ལྟ་བ་ཞེས་བྱའོ། །ཤཱ་རིའི་བུ་དེ་དག་ནི་དེ་བཞིན་གཤེགས་པའི་སྐུ་མ་འཁྲུགས་པར་ལྟ་བའོ། །གང་དེ་བཞིན་གཤེགས་པའི་སྐུ་ལོག་པ
116a2 ཡིན་པར་རྟོག་པ་དེ་དག་ནི་དེ་བཞིན་གཤེགས་པའི་འདུ་ཤེས་མེད་པའོ། །ཤཱ་རིའི་བུ་གང་འདི་ལྟར་ལོག་པར་ཤེས་པ་དེ་ནི་དེ་བཞིན་གཤེགས་པ་མཐོང་བའོ། །གསོལ་པ། བཅོམ་ལྡན་འདས་ཇི་ལྟར
116a3 ན་གང་ལོག་པར་ལྟ་བ་དེ་དག་ཡང་དག་པར་ཞུགས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་གང་སོ་སོའི་སྐྱེ་བོ་རྣམས་རྟོག་པ་དང་། རྣམ་པར་རྟོག་པ་དང་། དཔྱོད་པ་དང་། རྣམ
116a4 པར་དཔྱོད་པ་དང་། ལྡང་བར་བྱེད་པ་དང་། ཀུན་དུ་ལྡང་བར་བྱེད་པ་དང་། རྟེན་པ་དང་། གནས་པ་དང་། ལེན་པ་དང་། འདོར་བ་དང་། བདག་དང་། སེམས་ཅན་དང་། སྲོག་དང་། གང་ཟག་ཏུ་ལྟ་བ་ཉེ་བར་ལེན
116a5 པ་དང་། བདག་ཏུ་འཛིན་པ་ལ་མངོན་པར་ཞེན་པ་དང་། བདག་གིར་འཛིན་པ་ལ་ཆགས་པ་དེ་དག་གི་སྤྱོད་པ་དང་། ཤེས་པ་དང་། གཡོ་བ་དང་། སྤྲོས་པ་དེ་ལྟ་བུ་དག་དེ་དག་གིས་ཤེས་ཏེ། དེ་དག་ཇི་ལྟ་བུར་ཡོད་པ
116a6 མ་ཡིན་པ་དེ་ལྟ་བུ་ཉིད་དུ་ཤེས་སོ། །ཤཱ་རིའི་བུ་མེད་པ་ཞེས་བྱ་བ་དེ་ནི་ཡང་དག་པ་མ་ཡིན་པའི་ཚིག་བླ་དགས་སོ། །ཡང་དག་པ་མ་ཡིན་པ་ཞེས་བྱ་བ་དེ་ནི་བརྫུན་པའོ། །བརྫུན་པ་ཞེས་བྱ་བ་དེ་ནི་ལོག་པའི་ཚིག
116a7 བླ་དགས་སོ། །དེ་ལྟར་གང་ཚུལ་འདི་ལྟ་བུ་ཡང་དག་པ་མ་ཡིན་པར་འཛིན་པ་དག་ལོག་པར་མཐོང་བ་དེའི་ཕྱིར་དེ་དག་ཡང་དག་པར་ཞུགས་པ་ཞེས་བྱའོ། །ཤཱ་རིའི་བུ་རྣམ་གྲངས་དེ་ཉིད་ཀྱིས་གང་ལོག་པར
116a8 ལྟ་བ་དེ་དག་ཡང་དག་པར་ཞུགས་པའོ། །གསོལ་པ། བཅོམ་ལྡན་འདས་ཇི་ལྟར་ན་གང་ཡང་དག་པར་ཞུགས་པ་དེ་དག་ལ་སྩལ་ན་འབྲས་བུ་ཆེ་བ་མ་ལགས། ཕན་ཡོན་ཆེ་བ་མ་ལགས། བཅོམ་ལྡན་འདས
iiif viewer powered by OpenSeadragon
