| e-texts navigator |
| Wylie |
115b1 ཅད་ཀྱིས་མི་དངང་། མི་སྐྲག་།ཀུན་དུ་སྐྲག་པར་མི་འགྱུར་ན་དགེ་སློང་གང་ཉེ་བར་ལེན་པ་མ་མཆིས་པར་ཟག་པ་ལས་སེམས་རྣམ་པར་གྲོལ་བ་ལྟ་ཅི་སྨོས། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ
115b2 འདི་ལ་སྐྱེས་བུ་བླུན་པོ་ཁ་ཅིག་ཡང་དག་པ་མ་ཡིན་པའི་ཆོས་རྣམས་བརྟགས་ནས་ལྷག་པའི་ང་རྒྱལ་ཅན་དུ་གྱུར་ཅིང་གནས་སོ། །ཤཱ་རིའི་བུས་གསོལ་པ། གང་ཐོས་ནས་འཁོར་ཐམས་ཅད་ཐེ་ཙོམ
115b3 མ་མཆིས་པར་འགྱུར་བའི་ཚིག་བཤད་པ་དེ་དག་བཅོམ་ལྡན་འདས་ཀྱིས་བཀའ་སྩལ་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་གང་གིས་དེ་བཞིན་གཤེགས་པ
115b4 རྨི་ལམ་དང་མཚུངས། སྒྱུ་མ་དང་མཚུངས་པར་མཐོང་བ་དེས་ཡང་དག་པར་མཐོང་ངོ་། །གང་ཡང་དག་པར་མཐོང་བ་དེ་དག་དེ་བཞིན་གཤེགས་པ་ལ་ཡང་དག་པར་འདུ་ཤེས་མི་བྱེད།
115b5 སྙིང་པོར་འདུ་ཤེས་དང་། རྫས་སུ་འདུ་ཤེས་དང་། དངོས་པོར་འདུ་ཤེས་དང་། རིལ་པོར་འདུ་ཤེས་མི་བྱེད། གང་དེ་བཞིན་གཤེགས་པ་ལ་ཡང་དག་པར་འདུ་ཤེས་པ་མ་ཡིན། སྙིང
115b6 པོ་དང་། རྫས་དང་། དངོས་པོ་དང་། རིལ་པོར་འདུ་ཤེས་པ་མ་ཡིན་པ་དེ་དག་གིས་འདུ་བྱེད་ཐམས་ཅད་བརྫུན་པར་མཐོང་ངོ་། །གང་གིས་འདུ་བྱེད་ཐམས་ཅད་བརྫུན་པར་མཐོང་བ་དེ་དག་གིས་ཆོས
115b7 ཐམས་ཅད་ལོག་པར་ཤེས་སོ། །གང་གིས་ཆོས་ཐམས་ཅད་ལོག་པར་ཤེས་པ་དེ་དག་ཐམས་ཅད་དེ་བཞིན་གཤེགས་པས་ལོག་པར་ལྟ་བ་ཡོངས་སུ་རྫོགས་པ་ཡིན་པར་བསྟན་ཏོ། །
115b8 དེ་དག་གིས་ལྟ་བར་གྱུར་པ་ཐམས་ཅད་ལོག་པ་ཡིན་པར་ཡང་ཤེས་ཏེ། དེའི་ཕྱིར་ཡང་དེ་དག་ལོག་པར་ལྟ་བ་ཞེས་བྱའོ། །ཤཱ་རིའི་བུ་རྣམ་གྲངས་དེས་གང་དེ་བཞིན་གཤེགས
iiif viewer powered by OpenSeadragon
