| e-texts navigator |
| Wylie |
90b1 ཞུས་ཏེ་གཏན་ལ་ཕབ་པའོ། ། @། །རྒྱ་གར་སྐད་དུ། ཨཱརྱ་དཱ་ན་པཱ་ར་མི་ཏཱ་ན་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ
90b2 ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཉིད་ཀྱི་རྩ་ལག་དང་། ཡུལ་གྱི་མི་རྣམས་ལ་ཕན་བདག་པའི་ཕྱིར་སེར་སྐྱའི་གནས་ཀྱི་གྲོང་ཁྱེར་ཆེན་པོ་ན་རྒྱལ་པོ་ཟས་གཙང
90b3 གི་ཀུན་དགའ་ར་བ་ཤིང་སཱ་ལ་དང་། ཏ་ལ་དང་། ཏ་མ་ལ་དང་། དོང་ཀའི་ཤིང་དང་། རྒྱ་ཤུག་དང་། སྟར་ག་ཤིང་དང་། འབྲ་གོ་དང་། ཤིང་བ་ཊ་དང་། ཀ་ཏམ་པ་དང་། ཨ་མྲ་དང་། ཉོ་ཏི་དང་། སྐྱུ་རུ་རའི་ཤིང་དང་། བིལ་བ་དང་།
90b4 བལ་པོ་སེའུ་དང་། ཀ་པིད་ཐ་དང་། ཆུ་ཤིང་དང་། ནྱ་གྲོ་དྷ་དང་། ཨུ་དུམ་བ་ར་དང་། བ་རུ་རའི་ཤིང་དང་། ཨ་ཤྭད་ཐ་དང་། བར་ཤི་ཀ་དང་། སྣ་མ་དང་། དྷ་ནུ་སྐ་རི་དང་། ཨ་ཏི་མུག་ཏ་དང་། ཙམ་པ་ཀ་དང་། མྱ་ངན་འཚང་དང་། ཏ་ར་ནི་དང་།
90b5 སྐྱ་སྣར་དང་། ཤི་རི་ཤ་དང་། ཨརྫུ་ན་དང་། ཤིང་ལྗོན་པ་བརྒྱ་སྟོང་དུ་མས་བརྒྱན་པ། ཕུ་ཆུ་དང་འབབ་ཆུའི་དོང་དང་། འཚེའུ་དང་། ལྟེང་ཀ་དང་། རྫིང་བུ་དང་། ཁྲོན་པ་དྲི་ཞིམ་པོ་དང་ལྡན་པ་དག་གིས་མཛེས་པར་བྱས་པ།
90b6 མེ་ཏོག་ཨུད་པ་ལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དག་གིས་གང་བ་ངང་པ་དང་། རྨ་བྱ་དང་། ཁྲུང་ཁྲུང་དང་། ངུར་པ་དང་། ཁུ་བྱུག་དང་། ཆུན་ལག་དང་། ནེ་ཙོ་དང་། རི་སྐེགས་དང་། ཤང་ཤང་ཏེའུ་དང་། ཙ་གོ་ར་དང་། འཇོན
90b7 མོ་དང་། ཀ་རན་ད་བ་རྣམས་སྐད་འབྱིན་པ། བུང་བ་བརྒྱ་སྟོང་དག་གིས་མཛེས་པར་བྱས་པ། ཆུ་ཡན་ལག་བརྒྱད་དང་ལྡན་པ་གསལ་ཞིང་དྲི་ཞིམ་ལ་ཤིན་དུ་བསིལ་བ་དང་། རྙོག་པ་མེད་ཅིང་རྣམ་པར་དང་བས་ཡོངས་སུ་གང་བ
90b8 གསིང་མ་སྔོ་ཞིང་འཇམ་ལ་གཞོན་པ། དར་དང་། བལ་དང་། སྲིན་བལ་དང་། མོན་དར་དང་། ཀ་ཙ་ལིན་དི་ཀ་དང་། ཟར་མའི་གོས་ལྟར་རེག་ན་བདེ་བ། ཡིད་དུ་འོང་ཞིང་གཙང་ལ་རྡོ་དང་། གསེག་མ་དང་། གྱོ་མོ་དང་། བཀྲ་མི
iiif viewer powered by OpenSeadragon
