| e-texts navigator |
| Wylie |
331a1 ཀྱང་འདི་ལ་སློབ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་རྣམ་པར་རྩེ་བ་དང་། བྱང་ཆུབ་སེམས་དཔའ་བྱམས་པ་དང་། ཐམས་ཅད་དང་ལྡན་པའི་འཁོར་དེ་དག་དང་།
331a2 ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་བྱམས་པ་འཇུག་པ་ཞེས་བྱ་བ་ཐེག་པ་ཆེན་པོའི་མདོ
331a3 རྫོགས་སོ། ། །། རྒྱ་གར་གྱི་མཁན་པོ་པྲཛྙཱ་བར་མ་དང་། ཛི་ན་མི་ཏྲ་དང་། སུ་རེན་དྲ་བོ་དྷི་དང་། ཞུ་ཆེན་གྱི་ལོ་ཙྪ་བ་བན་དྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ། །
331a4 @#། །རྒྱ་གར་སྐད་དུ། ཨཱརྱ་ལོ་ཀཱ་ནུ་ས་མཱ་ནཱ་ཨ་བ་ཏཱ་ར་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་འཇིག་རྟེན་གྱི་རྗེས་སུ་འཐུན་པར་འཇུག་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང
331a5 བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། ཐུབ་པའི་རྒྱལ་པོ་རི་ལ་བཞུགས། །བྱང་ཆུབ་སེམས་དཔའ་སེམས་ཆེན་དང་། །ཉན་ཐོས་རྣམས་ཀྱིས་མདུན་གྱིས་བལྟས། །
331a6 དེ་ནས་མཁས་པ་འཇམ་དབྱངས་ཀྱིས། །བཏུད་དེ་རྒྱལ་ལ་འདི་སྐད་གསོལ། །སླད་མའི་སྐྱེ་བོ་རྣམས་སླད་དུ། །དཔའ་བོ་ཆེན་པོས་བཤད་དུ་གསོལ། །སངས་རྒྱས་ཀུན་གྱི་ཡོན་ཏན་འབྱུང་། །ཟབ་ཅིང་རྒྱ་ཆེན་ཕུན་སུམ
331a7 ཚོགས། །མདོ་སྡེ་དམ་པ་བློ་རབ་ཀྱིས། །སྨྲ་བའི་མཆོག་གིས་བཤད་དུ་གསོལ། །འཇིག་རྟེན་མགོན་པོའི་ཐུགས་སྐྱེས་སྲས། །གཅེས་འཛིན་མཆོག་ལ་བཀའ་སྩལ་པ། །རྩེ་གཅིག་སེམས་སུ་ཡིད་བྱོས་ལ། །
331a8 ཉོན་ཅིག་ད་ནི་བཤད་པར་བྱ། །བློ་དང་ལྡན་པས་ཡོན་ཏན་ཞུས། །དེ་བཞིན་གཤེགས་པས་བཀའ་སྩལ་པ། །ཆོས་སྨྲ་སེམས་ཅན་མཆོག་རྣམས་ཀྱིས། །ཆོས་ཉིད་དེ་ནི་མཉན་པར་གྱིས། །དེ་བཞིན་གཤེགས
iiif viewer powered by OpenSeadragon
