| e-texts navigator |
| Wylie |
301b1 མེད་ཅིང་སེམས་དང་བྲལ་ཏེ་གནས་མེད་པའི་ཚུལ་གྱིས་དགེ་སྦྱོང་གི་ཆོས་ལ་གནས་པ་ཞེས་བྱའོ། །དེ་ནས་འཇམ་དཔལ་གཞོན་ནུར་གྱུར་པས་བསྟན་པ་འདི་བཤད་པ་ན་འཁོར་དེའི་དགེ་སློང་ལྔ་བརྒྱ་པོ་སྟན་ལས་ལངས
301b2 ནས་འདི་སྐད་ཅེས་འཇམ་དཔལ་གཞོན་ནུར་གྱུར་པ་མི་བལྟའོ། །འཇམ་དཔལ་གཞོན་ནུར་གྱུར་པ་ལ་མི་མཉན་ཏོ། །འཇམ་དཔལ་གཞོན་ནུར་གྱུར་པ་ཕྱོགས་གང་ན་གནས་པའི་ཕྱོགས་དེ་ཡང་སྤང་བར་བྱའོ། །དེ་ཅིའི་ཕྱིར
301b3 ཞེ་ན། འདི་ལྟར་འཇམ་དཔལ་གཞོན་ནུར་གྱུར་པ་ནི་སྟོན་པ་མངོན་སུམ་དུ་གྱུར་བཞིན་དུ་ཀུན་ནས་ཉོན་མོངས་པ་དང་། རྣམ་པར་བྱང་བ་མཚན་ཉིད་གཅིག་ཏུ་སྟོན་པས་ཆོས་མ་ཡིན་པ་སྨྲའོ་ཞེས་བརྗོད་ནས་དེ་དག་ཡང
301b4 འདི་སྙམ་དུ་སེམས་ཏེ། བདག་ཅག་ཇི་ལྟར་བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་ཚངས་པར་སྤྱོད་པ་སྤྱད་སྙམ་ནས་དོང་ངོ་། །དེ་ནས་གནས་བརྟན་ཤཱ་རིའི་བུས་འཇམ་དཔལ་གཞོན་ནུར་གྱུར་པ
301b5 ལ་འདི་སྐད་ཅེས་སྨྲས་སོ། །འཇམ་དཔལ་ཁྱོད་འདི་ལྟར་སེམས་ཅན་རྣམས་ཀྱིས་ཆོས་ཀུན་ཤེས་པར་འགྱུར་བར་བྱ་བའི་ཕྱིར་ཆོས་མི་སྟོན་ཏམ། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་དེ་བཞིན་ནོ། །ཤཱ་རིའི་བུས་སྨྲས
301b6 པ། དགེ་སློང་ལྔ་བརྒྱ་པོ་དེ་དག་བསྟན་ལས་ལངས་ཏེ་འཕྱ་སྨོད། མི་སྙན་པར་ཟེར་ཞིང་དོང་ངོ་། །འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་གང་གི་ཕྱིར་དགེ་སློང་ལྔ་བརྒྱ་པོ་དེ་དག་འདི་སྐད་ཅེས། འཇམ་དཔལ
301b7 གཞོན་ནུར་གྱུར་པ་མི་བལྟའོ། །འཇམ་དཔལ་གཞོན་ནུར་གྱུར་པ་ལ་མི་མཉན་ཏོ། །འཇམ་དཔལ་གཞོན་ནུར་གྱུར་པ་གང་ན་གནས་པའི་ས་ཕྱོགས་དེ་ཡང་སྤང་བར་བྱའོ་ཞེས་ཟེར་བ་དེ་ནི་ལེགས་སོ་ལེགས་སོ། །ཤཱ་རིའི་བུ་དགེ
301b8 སློང་དེ་དག་གི་ཚིག་དེ་ནི་ལེགས་པར་སྨྲས་པའོ། །དེ་ཅིའི་ཕྱིར་ཞེ་ན། འདི་ལྟར་འཇམ་དཔལ་གཞོན་ནུར་གྱུར་པ་ནི་ཡོད་པ་མ་ཡིན་ཏེ་དམིགས་སུ་མེད་དོ། །གང་ཡོད་པ་མ་ཡིན་ཏེ་དམིགས་སུ་མེད་པ་དེ་ལ་བལྟ་བ་དང
iiif viewer powered by OpenSeadragon
