| e-texts navigator |
| Wylie |
300a1 གང་གིས་ཀྱང་མ་ཡིན། གང་གི་ཡང་མ་ཡིན། གང་ལ་ཡང་མི་གནས་ཏེ། གང་མི་གནས་པ་དེའི་གནས་དམིགས་སུ་མེད་དོ། །ཡང་བཙུན་པ་ཤཱ་རིའི་བུ་གང་འདས་པ་དང་། མ་འོངས་པ་དང་། ད་ལྟར
300a2 བྱུང་བའི་དེ་བཞིན་ཉིད་ཅེས་བརྗོད་ཅིང་ཀུན་ཏུ་གནས་ནས་སྨྲ་བ་དེ་དག་ནི་དེ་བཞིན་གཤེགས་པ་ལ་སྐུར་བ་འདེབས་པའོ། །དེ་ཅིའི་ཕྱིར་ཞེ་ན། འདི་ལྟར་དེ་བཞིན་ཉིད་ནི་གཡོ་བ་མེད་པ་རློམ་སེམས་མེད་པའོ། །འདི་ལྟར་དེ
300a3 བཞིན་ཉིད་ནི་ཉམས་པ་མེད་པའོ། །འདི་ལྟར་དེ་བཞིན་ཉིད་ནི་སྟོང་པའོ། །མཚན་མ་མེད་པའོ། །སྨོན་པ་མེད་པའོ། །ཡང་བཙུན་པ་ཤཱ་རིའི་བུ་གང་འདས་པའི་དེ་བཞིན་ཉིད་དེ་ཡང་དམིགས་སུ་མེད། གང་མ་འོངས་པའི་དེ
300a4 བཞིན་ཉིད་དེ་ཡང་དམིགས་སུ་མེད། གང་ད་ལྟར་བྱུང་བའི་དེ་བཞིན་ཉིད་དེ་ཡང་དམིགས་སུ་མེད་པ་ནས་དེ་བཞིན་དུ་སྦྱར་ཏེ། སེམས་ཀྱི་བར་གྱི་དེ་བཞིན་ཉིད་དེ་ཡང་དམིགས་སུ་མེད་དོ། །འོན་ཀྱང་བཙུན་པ་ཤཱ
300a5 རིའི་བུ་དེ་བཞིན་ཉིད་མ་གཏོགས་པར་གང་བསྟན་པ་འམ། རབ་ཏུ་བཤད་པར་ནུས་པའི་ཆོས་གཞན་གང་ཡང་མི་དམིགས་སོ། །ཤཱ་རིའི་བུས་སྨྲས་པ། འཇམ་དཔལ་དེ་བཞིན་གཤེགས་པ་དེ་བཞིན་ཉིད་ལ་བཞུགས
300a6 ནས་ཆོས་སྟོན་ཏམ། འཇམ་དཔལ་གྱིས་སྨྲས་པ། བཙུན་པ་ཤཱ་རིའི་བུ་དེ་བཞིན་ཉིད་ཡོད་པ་མ་ཡིན་ན། ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན། བཙུན་པ་ཤཱ་རིའི་བུ་ཆོས་ཀྱང
300a7 ཡོད་པ་མ་ཡིན་ན། ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན། དེ་བཞིན་གཤེགས་པ་ཡང་ཡོད་པ་མ་ཡིན་ན། ཇི་ལྟར་དེ་བཞིན་གཤེགས་པ་དེ་བཞིན་ཉིད་ལ་བཞུགས་ཏེ་ཆོས་སྟོན།
300a8 ཆོས་ཐམས་ཅད་ཀྱང་ཡོད་པ་མ་ཡིན་ཏེ། དམིགས་སུ་མེད། དེ་བཞིན་གཤེགས་པ་ཡང་ཡོད་པ་མ་ཡིན་ཏེ་དམིགས་སུ་མེད་དོ། །དེའི་ཆོས་བསྟན་པ་ན་འདི་འདྲ་སྟེ། འདི་ལ་དམིགས་པ་འམ་མི་དམིགས་པ
iiif viewer powered by OpenSeadragon
