| e-texts navigator |
| Wylie |
110b1 ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་པད་མའི་སྙིང་པོ་ལ་གཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་ཚིགས་སུ
110b2 བཅད་པའི་དབྱངས་ཀྱིས་ལེགས་སོ་ཞེས་བྱ་བ་གསོལ་ཏོ། །སྦྱིན་མཛད་ལེགས་སོ་རྟག་ཏུ་ཡབ་འདྲ་ཁྱོད་ལེགས་སོ། །སྦྱིན་མཛད་ལེགས་སོ་གསང་མཛད་བདེ་གཤེགས་ཁྱོད་ལེགས་སོ། །གཉེན་གྱུར
110b3 ལེགས་སོ་སྟོན་པར་གྱུར་པ་ལེགས། །གཅིག་པུ་འདི་ན་དམྱལ་བ་སྐྱོབ་པ་ཁྱོད་ལེགས་སོ། །ཐུ་བོ་ལེགས་སོ་ལྷ་མི་རྣམས་ནང་བགྲེས་པ་ལེགས། །མཆོད་གནས་ལེགས་སོ་མི་རྣམས་ནང་ན་དཔའ་བོ་ལེགས། །
110b4 གསུངས་པ་ལེགས་སོ་བདག་ཉིད་ཆེན་པོ་རབ་ཏུ་ལེགས། །མི་རྣམས་ཉོན་མོངས་དུག་སེལ་སྨན་པའི་རྒྱལ་པོ་ལེགས། །གྲོལ་བ་ལེགས་སོ་སྲིད་པ་གསུམ་ལས་རྣམ་གྲོལ་ལེགས། །སྨན་པ་ལེགས་སོ
110b5 ཕན་བཞེད་དམ་པ་སྦྱིན་མཛད་ལེགས། །དཔལ་ཡོན་ཅན་ལེགས་བཀྲ་ཤིས་སྙོམས་པའི་ཐུགས་མངའ་ལེགས། །སྐལ་ལྡན་ཟླ་བ་ཉི་འདྲ་དྲི་མེད་ཞལ་མངའ་ལེགས། །བློ་ལྡན་མཐོན་མཐིང་སྤྱན་ཡངས་རིང་བ
110b6 ལེགས། །དཔལ་ལྡན་ཤངས་འཚམ་ཆ་བྱད་རྨད་དུ་བྱུང་བ་ལེགས། །སྨྲ་མཁས་སྙན་ཤལ་གསེར་གྱི་འཕྱང་ཐག་འདྲ་བ་ལེགས། །མཆེ་བ་ཁ་བ་དུང་འདྲ་ལེགས་ལ་ཕྱག་འཚལ་ལོ། །གཙོ་བོ་བགྲེས་པ
110b7 མགོན་པོ་ཁྱོད་ཀྱིས་དེ་རིང་དུ། །མི་རྣམས་སྦྱིན་པ་དབྱེ་བ་ལེགས་པར་གསུངས་པ་ལེགས། །སླར་ཞིང་ཚུལ་ཁྲིམས་བཟོད་པ་སྟོབས་དང་ཡེ་ཤེས་དང་། །ཐབས་དང་བསམ་གཏན་རྫུ་འཕྲུལ་སྨོན་ལམ་མཉན
110b8 པར་འཚལ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་དང་། རིའི
iiif viewer powered by OpenSeadragon
