| e-texts navigator |
| Wylie |
92b1 ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་། ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་བསྒྱུར་བ། ལྷ་དང་མི་རྣམས་ཀྱི
92b2 སྟོན་པ་སངས་རྒྱས་བཅོམ་ལྡན་འདས་རི་རབ་སྒྲོན་མའི་རྒྱལ་པོ་ཞེས་བྱ་བར་འཇིག་རྟེན་དུ་འབྱུང་བར་འགྱུར་ཏེ། དེའི་སངས་རྒྱས་ཀྱི་ཞིང་དེ་ཡང་བཻ་དཱུརྱ་དང་། འཛམ་བུ་ཆུ་བོའི་གསེར་དང་། རིན་པོ་ཆེ་གཉིས་ཀྱི་གཞིར་འགྱུར་རོ། །
92b3 དེའི་བྱང་ཆུབ་སེམས་དཔའ་དགེ་འདུན་འབའ་ཞིག་འབྱུང་སྟེ་བདུད་དང་ཕྱིར་རྒོལ་བ་བཅོམ་ཞིང་དཔའ་བོ་ཤ་སྟག་གོ། །སངས་རྒྱས་ཀྱི་ཞིང་དེ་ན་བཟའ་བ་དང་། བཏུང་བ་ཡང་བསམ་པ་ཙམ་གྱིས་འབྱོར་ཅིང་དགའ་ལྡན་གྱི་ལོངས་སྤྱོད་དང
92b4 འདྲ་བར་འགྱུར་རོ། །དེ་བཞིན་གཤེགས་པ་དེ་ཚེ་དཔག་ཏུ་མེད་ཅིང་ལྟུང་བ་མེད་པའི་ཆོས་སྟོན་པར་འགྱུར། ཁྱད་པར་སེམས་ཀྱིས་སྨྲས་པ། ལྷའི་བུ་ཁྱོད་དེ་བཞིན་གཤེགས་པས་ལུང་བསྟན་ཏོ། །སྨྲས་པ། ཚངས་པ་བདག་ནི་དེ་བཞིན
92b5 ཉིད་དང་། ཆོས་ཀྱི་དབྱིངས་ཇི་ལྟ་བ་བཞིན་དུ་ལུང་བསྟན་ཏོ། །སྨྲས་པ། ལྷའི་བུ་དེ་བཞིན་ཉིད་དང་། ཆོས་ཀྱི་དབྱིངས་ནི་ལུང་མི་བསྟན་ཏོ། །སྨྲས་པ། ཇི་ལྟར་དེ་བཞིན་ཉིད་དང་། ཆོས་ཀྱི་དབྱིངས་ལུང་མི་བསྟན་པ་བཞིན་དུ་བྱང་ཆུབ་སེམས་དཔའ
92b6 ཐམས་ཅད་ལ་ལུང་བསྟན་པ་ཡང་དེ་ལྟར་བལྟའོ། །སྨྲས་པ། ལྷའི་བུ་དེ་འང་ད་ཁྱོད་དེ་ལྟར་དེ་བཞིན་གཤེགས་པས་ལུང་བསྟན་པས་ན་ཁྱོད་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱི་དྲུང་དུ་ཚངས་པར་སྤྱད་པ་ལ་གནས་པ་ནི་དོན་མེད
92b7 པ་མ་ཡིན་ནོ། །སྨྲས་པ། ཚངས་པ་གང་གནས་མེད་པ་དེ་ནི་ཚངས་པར་སྤྱོད་པ་ལ་གནས་པའོ། །སྨྲས་པ། ལྷའི་བུ་དེ་ལྟར་གང་ལ་གནས་པ་མེད་པ་དེ་ནི་ཚངས་པར་སྤྱོད་པ་ལ་གནས་པ་ཡིན། སྨྲས་པ། ཚངས་པ་གང་ཁམས་གསུམ་ལ་མི
92b8 གནས་པ་དེ་ནི་ཚངས་པར་སྤྱོད་པ་ལ་གནས་པའོ། །ཚངས་པ་གང་ཡང་ཁམས་གསུམ་ལ་གནས་པ་དེ་ནི་ཚངས་པར་སྤྱད་པ་ལ་གནས་པ་མ་ཡིན་ནོ། །གཞན་ཡང་ཚངས་པ་གང་བདག་མི་གནས། སེམས་ཅན་དང་། སྲོག་དང་། གང་ཟག་ལ་མི་གནས
iiif viewer powered by OpenSeadragon
