| e-texts navigator |
| Wylie |
91b1 དེང་འདིར་ལྷའི་བུས་སེང་གེའི་སྒྲ་འདི་བསྒྲགས་པས་འཛམ་བུ་གླིང་དུ་ཆོས་ཀྱི་འཁོར་ལོ་བསྐོར་བ་ལན་གཉིས་བྱུང་ངོ་། །དེ་ནས་བཅོམ་ལྡན་འདས་ཀྱིས་དེའི་ཚེ་འཛུམ་པ་མཛད་པ་དང་། ཆོས་ཉིད་ཀྱིས་འདི་ལྟར་འགྱུར་ཏེ། ནམ་སངས་རྒྱས་བཅོམ་ལྡན་འདས
91b2 འཛུམ་པ་མཛད་པ་དེའི་ཚེ་འོད་ཟེར་ཁ་དོག་སྣ་ཚོགས་འདི་ལྟ་སྟེ། མཐིང་ཀ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་དང་། དངུལ་གྱི་ཁ་དོག་ལྟ་བུ་ཞལ་ནས་བྱུང་སྟེ། འཇིག་རྟེན་གྱི་ཁམས་མཐའ་ཡས་པ་ཁྱབ་པར
91b3 བྱས་ནས་ཚངས་པའི་འཇིག་རྟེན་གྱི་བར་དུ་མངོན་པར་འཕགས་ཏེ་ཕྱིར་ལོག་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱི་བོར་མི་སྣང་བར་གྱུར་ཏོ།། །། བམ་པོ་དྲུག་པ་སྟེ་ཐ་མ།
91b4 དེ་ནས་བཅོམ་ལྡན་འདས་ལ་ཚངས་པ་ཁྱད་པར་སེམས་ཀྱིས་ཚིགསུ་བཅད་པ་འདི་དག་གིས་མངོན་པར་བསྟོད་དོ། །ཡེ་ཤེས་ཀུན་མཆོག་ཕ་རོལ་ཕྱིན་ཅིང་ཐུབ་པ་ཀུན་མཁྱེན་ཀུན་གཟུགས་གནོན། །འདི་ལ་དུས་གསུམ་སེམས་ཅན་སྤྱོད་པ་སྣ་ཚོགས
91b5 ཅི་མཆིས་ཁྱོད་ཀྱིས་མཁྱེན། །གང་དེ་ཤིན་ཏུ་གྲོལ་བའི་བློ་ཡུལ་གང་ཡང་དེ་དག་བསམ་པ་རྣམས། །ལྷ་ཡི་གཙོ་བོ་ཀུན་མཁྱེན་འཛུམ་མཛད་འདི་ཡི་རྒྱུ་ནི་ལུང་བསྟན་གསོལ། །ཉན་ཐོས་རང་རྒྱལ་དགྲ་བཅོམ་དྲི་མེད་དེ་དག་གིས་ཡང་སྤྱོད་ཡུལ
91b6 མིན། །སངས་རྒྱས་ཡེ་ཤེས་བསམ་མི་ཁྱབ་ཅིང་མཐའ་བྲལ་ཁྱོད་ལ་ཆགས་པ་མེད། །ཁྱོད་ཀྱིས་སེམས་ཅན་སྤྱོད་པ་སེམས་ཅན་གང་ལ་ཅི་འདྲའི་གཏམ་བརྗོད་མཁྱེན། །སྨྲ་མཆོག་ཐུབ་དཀའ་ཚིག་དབང་འཛུམ་པ་མཛད་པའི་རྒྱུ་ནི
91b7 བསྟན་པར་གསོལ། །འོད་འདི་ཤིན་ཏུ་ཡིད་འོང་སྡུག་པ་དྲི་མེད་རབ་ཏུ་རྣམ་པར་མཛེས། །ཉི་ཟླའི་འོད་དང་དེ་བཞིན་ཚངས་པ་དབང་པོའི་གཟི་ཡང་ཟིལ་གྱིས་གནོན། །དེ་བཞིན་འཁོར་ཡུག་ཁྲག་ཁྲིག་རི་རབ་དག་ཀྱང་ཤིན་ཏུ་སྣང་བགྱིས་ན། །
91b8 ཅི་སླད་ཁྱོད་ཀྱིས་འཛུམ་མཛད་དེའི་རྒྱུ་ནི་རབ་ཏུ་བསྟན་པར་གསོལ། །འདོད་ཆགས་ཞེ་སྡང་དྲེགས་ལ་སོགས་པ་ཟུག་རྔུ་བྲལ་ཞིང་རབ་ཏུ་ཞི། །འཇིག་རྟེན་ལྷ་མི་ལྟོ་འཕྱེའི་ཚོགས་རྣམས་བྱམས་པས་བདག་པོ་ཁྱོད་ཞལ་ལྟ། །བདེ་གཤེགས
iiif viewer powered by OpenSeadragon
