| e-texts navigator |
| Wylie |
91a1 གཞན་ལྟ་ཅི་སྨོས་ཏེ། དེའི་ཕྱིར་སེང་གེའི་སྒྲ་ཞེས་བྱའོ། །ཡང་དག་པའི་ནན་ཏན་ནི་སེང་གེའི་སྒྲ་སྟེ་དེའི་ཕྱིར་སེང་གེའི་སྒྲ་ཞེས་བྱའོ། །འདི་ནི་མགོ་གཅིག་ཏུ་བསྟན་པ་ཡིན་ཏེ། དེའི་ཕྱིར་སེང་གེའི་སྒྲ་ཞེས་བྱའོ། །འདི་ནི་མི་སྐྲག་པར་བསྟན
91a2 པ་སྟེ། དེའི་ཕྱིར་སེང་གེའི་སྒྲ་ཞེས་བྱའོ། །ཀཽ་ཤི་ཀ་གང་ཆོས་ཐམས་ཅད་མི་སྐྱེ་བ་དང་། མི་འགོག་པ་དང་། མི་འཐོབ་པར་སྒོམ་པའི་ཕྱིར་ཆོས་སྟན་པ་དེ་དག་ནི་སེང་གེའི་སྒྲ་ཡིན་ཏེ། གང་ཀུན་ནས་ཉོན་མོངས་པ་དང་། རྣམ་པར་བྱང་བ་དང་།
91a3 ཀུན་ཏུ་སྦྱོར་བ་དང་འབྲལ་བར་བྱ་བའི་ཕྱིར་ཆོས་སྟོན་པ་དེ་དག་ལ་སེང་གེའི་སྒྲ་མེད་དོ། །ཀཽ་ཤི་ཀ་སེང་གེའི་སྒྲ་ཞེས་བྱ་བ་ནི་འདི་ལྟ་སྟེ། མགོ་གཅིག་ཏུ་བསྟན་པ། ཆོས་ཐམས་ཅད་གང་ཟག་མེད་པ། བདག་མེད་པ་ཡིན་ནོ། །ཀཽ་ཤི་ཀ་སེང་གེའི་སྒྲ
91a4 སེང་གེའི་སྒྲ་ཞེས་བྱ་བ་ནི་འདི་ལྟ་སྟེ། མགོ་གཅིག་ཏུ་ཆོས་ཐམས་ཅད་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ཡོངསུ་སྟོན་པ་ནི་སེང་གེའི་སྒྲའོ། །དམ་པའི་ཆོས་བསྲུང་བའི་ཕྱིར་ཚིག་སྨྲ་བ་ནི་སེང་གེའི་སྒྲའོ། །འདི་ལྟ
91a5 སྟེ། སེམས་ཅན་ཐམས་ཅད་རབ་ཏུ་ཐར་བར་བྱ་བའི་ཕྱིར་སངས་རྒྱས་སུ་གྱུར་ཅིག་ཅེས་བྱང་ཆུབ་ཏུ་སེམས་བསྐྱེད་པའི་ཚིག་སྨྲ་བ་ནི་སེང་གེའི་སྒྲའོ། །ལོང་སྤྱོད་རུང་བ་ལ་མཆོག་ཤེས་པར་སྨྲ་བ་ནི་སེང་གེའི་སྒྲའོ། །ཀཽ་ཤི་ཀ་སེང་གེའི་སྒྲ་ཞེས
91a6 བྱ་བ་ནི་འདི་ལྟ་སྟེ། དགོན་པར་གནས་པ་དང་། ཡང་དག་པར་ལེན་པ་དང་། གཏོང་བ་སྔོན་དུ་འགྲོ་བ་ནི་སེང་གེའི་སྒྲའོ། །ཚུལ་ཁྲིམས་ཡང་དག་པར་བླངས་པ་མི་འདོར་བ་ནི་སེང་གེའི་སྒྲའོ། །མཛའ་བ་དང་མི་མཛའ་བ་ལ་སེམས་མཉམ་པ
91a7 ནི་སེང་གེའི་སྒྲའོ། །བརྩོན་པ་མི་འདོར་བ་ནི་སེང་གེའི་སྒྲའོ། །ཉོན་མོངས་པ་སྤོང་བ་ནི་སེང་གེའི་སྒྲའོ། །ཤེས་རབ་ཀྱིས་ཤིན་ཏུ་བརྟགས་པ་ནི་སེང་གེའི་སྒྲའོ། །སེང་གེའི་སྒྲ་བསྟན་པ་འདི་བཤད་པའི་ཚེ་སྟོང་གསུམ་གྱི་སྟོང་ཆེན་པོའི་འཇིག
91a8 རྟེན་གྱི་ཁམས་རྣམ་པ་དྲུག་དུ་གཡོས་སོ། །སིལ་སྙན་བརྒྱ་སྟོང་དུ་མ་མ་བརྡུང་པར་སྒྲ་འབྱིན་ཏོ། །འཇིག་རྟེན་རྣམས་སྣང་བ་ཆེན་པོས་ཁྱབ་པར་གྱུར་ཏོ། །ལྷའི་བུ་བརྒྱ་སྟོང་ཨ་ལ་ལ་ཞེས་སྒྲ་འབྱིན་ཅིང་ཚིག་འདི་སྐད་ཅེས་སྨྲས་སོ། །ེ་མའོ
iiif viewer powered by OpenSeadragon
