| e-texts navigator |
| Wylie |
90b1 ཡང་དེ་ལྟ་བ་མ་མཆིས་པ་དེ་ལྟར་སྤོབས་སོ། །ཇི་ལྟར་མ་མོས་པ་རྣམས་ཀྱང་མོས་པར་བགྱིད་ལ་མོས་པ་རྣམས་ཀྱང་རྣམ་པར་འགྲོལ་བ་དེ་དེ་ལྟར་སྤོབས་སོ། །མངོན་པའི་ང་རྒྱལ་ཅན་རྣམས་ཀྱང་ཚར་བཅད་པར་འགྱུར་ལ། ང་རྒྱལ་མ་མཆིས
90b2 པ་ཀུན་འཚལ་བ་ལན་ལྡོན་པ་དེ་ལྟར་སྤོབས་སོ། །ཇི་ལྟར་བདུད་ཀྱིས་ཀླགས་མི་རྙེད་པ་དེ་ལྟར་སྤོབས་སོ། །གང་དེ་ལྟར་ཉན་པ་དེ་དག་ཀྱང་བདུད་ཀྱི་ལས་ལས་འདས་པར་འགྱུར་རོ། །ཇི་ལྟར་དགེ་བའི་རྩ་བ་མ་བསྐྱེད་པ་རྣམས་བསྐྱེད་པ་དང་། དགེ
90b3 བའི་རྩ་བ་སྐྱེས་པ་རྣམས་ཆབ་མི་འཚལ་བ་དང་། ཉོན་མོངས་པ་སྐྱེས་པ་རྣམས་སྤོང་བ་དང་། མ་སྐྱེས་པ་རྣམས་མི་སྐྱེད་པ་དེ་ལྟར་སྤོབས་སོ། །ཇི་ལྟར་བྱང་ཆུབ་སེམས་དཔའ་གོ་ཆ་མ་བགོས་པ་རྣམས་གོ་ཆ་འཚལ་བ་དང་། གོ་ཆ་བགོས
90b4 པ་རྣམས་མི་ལྡོག་པར་འགྱུར་བ་དེ་ལྟར་སྤོབས་སོ། །ཇི་ལྟར་དམ་པའི་ཆོས་མི་འཆད་ཅིང་དམ་པའི་ཆོས་ཡོངས་སུ་གཟུང་བར་བགྱིད་པ་དེ་ལྟར་སྤོབས་སོ། །ཇི་ལྟར་སངས་རྒྱས་ཀྱི་ཆོས་ཐམས་ཅད་ཡོངསུ་རྫོགས་པར་འགྱུར་བ་དེ་ལྟར་སྤོབས་སོ། །
90b5 བཅོམ་ལྡན་འདས་དེ་ལྟ་བུའི་སྤོབས་པས་ནི་མུ་སྟེགས་ཀྱི་གནས་ཐམས་ཅད་གཞོམ་པར་ནུས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཝ་ནི་སེང་གེའི་སྒྲ་བཟོད་པར་ཡང་མི་ནུས་ན་རབ་ཏུ་སྒྲོག་པར་ལྟ་ག་ལ་ནུས་ཏེ། བཅོམ་ལྡན་འདས་དེ
90b6 བཞིན་དུ་ཕ་རོལ་རྒོལ་བ་ཐམས་ཅད་ཀྱིས་བླ་ན་མེད་པ་སེང་གེའི་སྒྲ་བཟོད་པར་མི་ནུས་སོ། །དེ་ནས་ལྷའ་བུ་ཕྱིར་མི་ལྡོག་པས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་སེང་གེའི་སྒྲ་སེང་གེའི་སྒྲ་ཞེས་བྱ་བ་ཇི་ཙམ་གྱིས་ན
90b7 སེང་གེའི་སྒྲ་ཞེས་བྱ། སྨྲས་པ། ལྷའི་བུ་ཆོས་གང་ལ་ཡང་མངོན་པར་མ་ཆགས་པར་བརྗོད་པ་དེ་དག་སེང་གེའི་སྒྲ་ཡིན་ནོ། །གང་དེ་ལྟ་བུ་ལ་མངོན་པར་ཆགས་པར་བརྗོད་པ་དེ་དག་ནི་སེང་གེའི་སྒྲ་མ་ཡིན་ཏེ་ཝའི་སྒྲའོ། །གང་ལྟ་བ་ཀུན་ཏུ་སློང་བ
90b8 སྟོན་པ་དེ་དག་ལ་སེང་གེའི་སྒྲ་མེད་དོ། །ལྷའི་དབང་པོ་བརྒྱ་བྱིན་གྱིས་སྨྲས་པ། ལྷའི་བུ་ཁྱོད་སེང་གེའི་སྒྲ་ཇི་ལྟ་བུ་ཡིན་པ་སྤོབས་པར་གྱིས་ཤིག་།སྨྲས་པ། ཀཽ་ཤི་ཀ་གང་དེ་བཞིན་གཤེགས་པ་ལ་མངོན་པར་མ་ཆགས་པར་སྟོན་ན་ཆོས་ངན་པ
iiif viewer powered by OpenSeadragon
