| e-texts navigator |
| Wylie |
90a1 ཉིད་ལ་དེ་ལྟར་ཞུགས་པ་ཞེས་བྱའོ། །ཚངས་པས་སྨྲས་པ། ལྷའི་བུ་ཁྱོད་སངས་རྒྱས་ཀྱི་ཞིང་འདི་ནི་སྔོན་ངས་མ་མཐོང་ངོ་། །སྨྲས་པ། ཚངས་པ་སངས་རྒྱས་ཀྱི་ཞིང་འདིས་ཀྱང་སྔོན་བདག་མ་མཐོང་ངོ་། །སྨྲས་པ། སངས་རྒྱས་ཀྱི་ཞིང་འདི
90a2 ནི་བལྟའོ་ཞེའམ། མི་ལྟའོ་ཞེས་རྟོག་པའམ། རྣམ་པར་རྟོག་པ་མེད་དོ། །སྨྲས་པ། ཚངས་པ་བདག་སྔོན་མཐོང་ངོ་ཞེའམ། སྔོན་མ་མཐོང་ངོ་ཞེས་བདག་ཀྱང་མི་རྟོག་རྣམ་པར་མི་རྟོག་གོ་སྨྲས་པ། ལྷའི་བུ་སྔོན་མ་མཐོང་བ་མཐོང་བ་སུ
90a3 སྨྲས་པ། བྱིས་པ་སོ་སོའི་སྐྱེ་བོ་ཐམས་ཅད་ཀྱིས་ནི་འཕགས་པའི་ངེས་པར་འཇུག་པ་སྔོན་མ་མཐོང་ངོ་། །ཚངས་པ་ནམ་ཡང་དག་པར་ངེས་པར་ཞུགས་པ་དེ་ནི་སྔོན་མ་མཐོང་བ་མཐོང་ངོ་། །ངེས་པ་དེ་ནི་མིག་གི་རྣམ་པར་ཤེས་པས་ཤེས་པ་མ
90a4 ཡིན། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྣམ་པར་ཤེས་པས་ཤེས་པར་བྱ་བ་མ་ཡིན་ཏེ། དེ་བཞིན་ཉིད་ཇི་ལྟ་བ་དེ་བཞིན་དུ་བལྟ་བར་བྱའོ། །མིག་གི་དེ་བཞིན་ཉིད་ཇི་ལྟ་བ་དང་། རྣ་བའི་དེ་བཞིན་ཉིད་ཇི་ལྟ་བ་དང་། སྣའི་དེ་བཞིན
90a5 ཉིད་ཇི་ལྟ་བ་དང་། ལྕེའི་དེ་བཞིན་ཉིད་ཇི་ལྟ་བ་དང་། ལུས་ཀྱི་དེ་བཞིན་ཉིད་ཇི་ལྟ་བ་དང་། ཡིད་ཀྱི་དེ་བཞིན་ཉིད་ཇི་ལྟ་བ་དེ་བཞིན་དུ་བལྟ་སྟེ། གང་དེ་ལྟར་མཐོང་བ་དེ་དག་ནི་ཡང་དག་པར་མཐོང་བའོ། །དེ་ནས་བཅོམ་ལྡན་འདས་ལ་ལྷའི་དབང་པོ་བརྒྱ་བྱིན
90a6 གྱིས་འདི་སྐད་ཅེས་གསོལ་ཏོ། །བཅོམ་ལྡན་འདས་དཔེར་ན་ནོར་བུ་རིན་པོ་ཆེའི་གླིང་དུ་ཕྱིན་པའི་མིག་སྔར་ནི་ནོར་བུ་རིན་པོ་ཆེ་འབའ་ཞིག་གདའ་འོ། །དེ་བཞིན་དུ་བཅོམ་ལྡན་འདས་སྐྱེས་བུ་དམ་པ་བསམ་གྱིས་མི་ཁྱབ་པའི་ཆོས་རིན་པོ་ཆེ་དང་ལྡན་པ་རྣམས
90a7 ཅི་དང་ཅི་སྤོབས་པ་དེ་དག་གི་དེ་ཐམས་ཅད་ཆོས་རིན་པོ་ཆེ་ཉིད་དུ་སྤོབས་སོ། །དེ་ཉིད་ཡང་དག་པའི་མཐའ་ཡོངསུ་གསལ་བར་བགྱིད་པར་སྤོབས་སོ། །འདི་ལྟར་དེ་དག་ལ་བདག་ཏུ་མངོན་པར་ཆགས་པ་མ་མཆིས། ཆོས་སུ་མངོན་པར་ཆགས་པ་མ་མཆིས།
90a8 སེམས་ཅན་དུ་མངོན་པར་ཆགས་པ་མ་མཆིས་པའི་སླད་དུའོ། །དེའི་སླད་དུ་ཇི་ལྟར་མ་ལོག་པ་དང་ཕྱིན་ཅི་མ་ལོག་པར་སྤོབས་པ་དེ་དེ་ལྟར་སྤོབས་སོ། །ཇི་ལྟར་སྔོན་གྱི་མཐའ་ཡང་སྤྱོད་པ་དང་། ཕྱི་མའི་མཐའ་ཡང་མི་དམིགས་པ་དང་། ད་ལྟར་བྱུང་བ་ལ
iiif viewer powered by OpenSeadragon
