| e-texts navigator |
| Wylie |
89b1 ལས་འདས་པ་ལ་མ་ཡིན། ཟག་པ་དང་བཅས་པ་ལ་མ་ཡིན། ཟག་པ་མེད་པ་ལ་མ་ཡིན། ཁ་ན་མ་ཐོ་བ་དང་བཅས་པ་ལ་མ་ཡིན། ཁ་ན་མ་ཐོ་བ་མེད་པ་ལ་མ་ཡིན། འདུས་བྱས་ལ་མ་ཡིན། འདུས་མ་བྱས་ལ་མ་ཡིན།
89b2 འཁོར་བ་ལ་མ་ཡིན། མྱ་ངན་ལས་འདས་པ་ལ་མི་འཇུག་པ་འདི་ནི་ཆོས་ཀྱི་ནན་ཏན་ཞེས་བྱ་སྟེ། ཆོས་ཐམས་ཅད་ལ་ནན་ཏན་དུ་བྱ་བ་མེད་པ་འདི་ནི་ཆོས་ཀྱི་ནན་ཏན་ནོ། །ཆོས་སུ་འདུ་ཤེས་པ་ལ་ཆོས་ཀྱི་ནན་ཏན་མེད་དེ་ཆོས་འདི
89b3 ལ་ནན་ཏན་བྱའོ་ཞེས་སྤྲོ་བར་བྱེད། ནན་ཏན་མི་བྱའོ་ཞེས་སྤྲོ་བར་བྱེད་ན་མ་ཞུགས་པའོ། །ཆོས་ཐམས་ཅད་ཀྱི་རྗེསུ་ཞུགས་པའི་ནན་ཏན་འདི་ནི་ཆོས་ཀྱི་ནན་ཏན་ནོ། །སྤྲོས་པ་མེད་པས་གཉེན་པོ་མེད་པ་འདི་ནི་ཆོས་ཀྱི་ནན་ཏན་ཞེས་བྱའོ། །
89b4 དེ་ནས་བཅོམ་ལྡན་འདས་ལ་ལྷའི་བུ་ཕྱིར་མི་ལྡོག་པས་འདི་སྐད་ཅེས་གསོལ་ཏོ། །བཅོམ་ལྡན་འདས་གང་ཡང་དག་པའི་ནན་ཏན་འདི་ལ་ཞུགས་པ་དང་། འཇུག་པར་འགྱུར་བ་དེ་དག་ལ་ཤིན་ཏུ་ལོག་པའི་ནན་ཏན་མ་མཆིས་སོ། །དེ་ཅིའི་སླད་དུ
89b5 ཞེ་ན། བཅོམ་ལྡན་འདས་ཤིན་ཏུ་ཡང་དག་པའི་ནན་ཏན་འདི་ལགས་ཏེ། ལོག་པའི་ལམ་དུ་ཞུགས་པ་རྣམས་ལ་ནན་ཏན་གང་ཡང་མ་མཆིས་སོ། །ཡང་དག་པའི་ལམ་ལ་གནས་པ་རྣམས་ལ་ཆོས་ཀྱི་ནན་ཏན་མ་མཆིས་སོ། །ཡང་དག་པར་ཞུགས
89b6 པ་རྣམས་ནི་མི་མཉམ་པའི་ཆོས་གང་ཡང་མ་མཆིས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་ཐམས་ཅད་ནི་མཉམ་པ་ཁྱད་པར་མ་མཆིས་པའོ། །དེ་ནས་ཚངས་པ་ཁྱད་པར་སེམས་ཀྱིས་ལྷའི་བུ་དེ་ལ་འདི་སྐད་ཅེས་སྨྲས་སོ། །
89b7 ལྷའི་བུ་ཁྱོད་ནན་ཏན་འདི་ལ་ཞུགས་སམ། སྨྲས་པ། ཚངས་པ་གལ་ཏེ་བཅོམ་ལྡན་འདས་ཀྱིས་ནན་ཏན་ལ་གཉིས་སུ་བཤད་པར་གྱུར་ན་བདག་ཀྱང་ནན་ཏན་འདི་ལ་ནན་ཏན་དུ་བྱེད་དོ། །ནན་ཏན་ནི་གཉིསུ་མེད་པ་སྟེ། དེ་ལ་གང་ནན་ཏན་བྱེད་པ་དང་།
89b8 གང་ལ་ནན་ཏན་བྱེད་པ་དེ་ཡང་མེད་དོ། །གང་ཡང་ནན་ཏན་དུ་བྱེད་པར་དེ་མེད་དེ། འོན་ཀྱང་ཚངས་པ་བདག་ནི་ལྷག་པར་མི་བྱེད་པ་དང་སྒྲོ་མི་འདོགས་པའི་ཕྱིར་ནན་ཏན་འདི་ལ་ཞུགས་སོ། །ཆོས་ཉིད་ཇི་ལྟ་བར་ཆོས་ཀྱི་ནན་ཏན་ཡང་དེ་བཞིན་ཏེ། དེ་ནི་དེ་བཞིན
iiif viewer powered by OpenSeadragon
