| e-texts navigator |
| Wylie |
87a1 རིག་པར་བྱེད་པ་དེ་ཡང་ནམ་མཁའ་རྣམ་པར་རིག་པར་བྱེད་པའོ། །ཆོས་ནི་སྐྱེ་བ་འམ་འགག་པར་མི་འགྱུར་ཏེ། ཆོས་ཐམས་ཅད་ཀྱི་རྣམ་པར་རིག་པར་བྱེད་པ་ནི་རྣམ་པར་རིག་པར་བྱེད་པ་མེད་པའོ། །ཆོས་དེས་གང་ཀུན་ཤེས་པར་བྱས
87a2 པ་དེ་དག་ཀྱང་གཞན་དུ་མི་འགྱུར་བས་ན་རྣམ་པར་རིག་པར་བྱེད་པ་མེད་པས་ཀུན་ཤེས་སོ། །དེ་ཅིའི་ཕྱིར་ཞེ་ན། ཆོས་རྣམ་པར་རིག་པར་བྱེད་པ་དེ་ཇི་འདྲ་བ་དེ་བཞིན་དུ་དེའི་ཀུན་ཤེས་པ་ཡང་དེ་འདྲ་སྟེ། དེའི་ཕྱིར་ཆོས་ཐམས་ཅད་དེ་བཞིན་ཉིད་ལ་གནས
87a3 ཤེས་བྱ་སྟེ་དེ་བཞིན་ཉིད་ནི་མི་གནས་པའོ། །དེ་ནས་རྒྱལ་པོ་ཆེན་པོ་བཞི་དང་། ལྷའི་དབང་པོ་བརྒྱ་བྱིན་དང་། མི་འཇེད་ཀྱི་བདག་པོ་ཚངས་པ་ཡང་འཁོར་དེ་ཉིད་དུ་ཚོགས་པས་འདུག་པར་གྱུར་ཏེ། དེ་དག་ལྷའི་མེ་ཏོག་དེ་དག་གིས་དེ་བཞིན་གཤེགས
87a4 པ་ལ་གཏོར་ནས་ཚིག་འདི་སྐད་འཛེར་ཏོ། །བཅོམ་ལྡན་འདས་རིགས་ཀྱི་བུའམ་རིགས་ཀྱི་བུ་མོ་གང་དག་འཇམ་དཔལ་གཞོན་ནུར་གྱུར་པས་བསྟན་པ་འདི་ལ་མོས་པ་དེ་དག་ནི་བདུད་དང་ཕྱིར་རྒོལ་བ་བཅོམ་པ་ལགས་སོ། །དེ་ཅིའི་སླད་དུ་ཞེ་ན།
87a5 བཅོམ་ལྡན་འདས་འཇམ་དཔལ་གཞོན་ནུར་གྱུར་པས་བསྟན་པ་ནི་འདུ་ཤེས་ཐམས་ཅད་དང་བྲལ་བ་ལགས་ཏེ། གང་ཆོས་ཟབ་མོ་བསྟན་པ་འདི་ལ་མི་སྐྲག་མི་དངང་ཞིང་ཤིན་ཏུ་དངང་བར་མི་འགྱུར་བའི་རིགས་ཀྱི་བུ་འམ་རིགས་ཀྱི་བུ་མོ་དེ་དག་ནི་དགེ
87a6 བའི་རྩ་བ་ངན་ངོན་དང་ལྡན་པ་མ་ལགས་སོ། །བཅོམ་ལྡན་འདས་ཆོས་ཀྱི་རྣམ་གྲངས་འདི་ས་ཕྱོགས་གང་དུ་བྱུང་བ་དེ་སངས་རྒྱས་ཀྱིས་བྱིན་གྱིས་བརླབས་པ་ལགས་སོ། །གང་དུ་ཆོས་ཀྱི་ཚུལ་ཟབ་མོ་འདི་ཐོས་པར་འགྱུར་བའི་ས་ཕྱོགས་དེ་དག་དེ
87a7 བཞིན་གཤེགས་པས་ཡོངསུ་ལོངས་སྤྱད་པའོ། །གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། གཙུག་ལག་ཁང་དང་། འཆག་ས་གང་དུ་ཆོས་ཀྱི་རྣམ་གྲངས་འདི་བྱུང་བ་དེར་ཆོས་ཀྱི་འཁོར་ལོ་རབ་ཏུ་བསྐོར་བར་བལྟའོ། །
87a8 དེར་བདུད་རྣམས་རྒྱུ་བ་མ་མཆིས། དམིགས་པ་ལ་མངོན་པར་ཆགས་པ་རྣམས་ཀྱི་རྒྱུ་བ་མ་མཆིས་ཏེ། བཅོམ་ལྡན་འདས་སེམས་ཅན་སྔོན་གྱི་རྒྱལ་བ་རྣམས་ལ་ལྷག་པར་བགྱི་བ་བགྱིས་པའི་རྣམས་ཀྱི་རྣ་ལམ་དུ་ཆོས་ཀྱི་རྣམ་གྲངས
iiif viewer powered by OpenSeadragon
