| e-texts navigator |
| Wylie |
79b1 པར་མི་འགྱུར་བས་ན་དེའི་ཕྱིར་ནམ་མཁའ་ཞེས་རབ་ཏུ་དབྱེའོ། །རིགས་ཀྱི་བུ་དེ་བཞིན་དུ་བྱིས་པ་སོ་སོའི་སྐྱེ་བོ་ཚུལ་བཞིན་མ་ཡིན་པ་ཡིད་ལ་བྱེད་པ་དང་ལྡན་པ་རྣམས་ཀྱི་ཉོན་མོངས་པ་བསྐྱེད་མོད་ཀྱིས་དེ་དག་གིས་སེམས་ཀྱི་རང
79b2 བཞིན་ཀུན་ནས་ཉོན་མོངས་པར་མི་འགྱུར་རོ། །གལ་ཏེ་ཀུན་ནས་ཉོན་མོངས་པར་འགྱུར་ན་ནི་ཤིན་ཏུ་རྣམ་པར་དག་པར་མི་འགྱུར་ཏེ། འདི་ལྟར་ཀུན་ནས་ཉོན་མོངས་པར་མི་འགྱུར་བས་ན་དེའི་ཕྱིར་རང་བཞིན་གྱིས་རྣམ་པར་གྲོལ་བས
79b3 རྣམ་པར་གྲོལ་ལོ། །རིགས་ཀྱི་བུ་འདི་ནི་སྣང་བ་ཡོངས་སུ་དག་པའི་ཏིང་ངེ་འཛིན་ལ་འཇུག་པའོ། །ཞེས་དེ་ལྟར་དེ་བཞིན་གཤེགས་པ་དེས་བྱང་ཆུབ་སེམས་དཔའ་དེ་གཉིས་ལ་རབ་ཏུ་བསྟན་ཏོ། །དེ་གཉིས་ཀྱིས་ཏིང་ངེ་འཛིན་དེ་ཐོས་ནས་བསམ
79b4 གྱིས་མི་ཁྱབ་པའི་ཆོས་ལ་ཆོས་ཀྱི་སྣང་བ་ཐོབ་བོ། །དེ་ནས་བཅོམ་ལྡན་འདས་ཀུན་ཏུ་འོད་ཟེར་དེ་བཞིན་གཤེགས་པ་ལ་བྱང་ཆུབ་སེམས་དཔའ་བློ་གྲོས་མི་ཟད་པས་འདི་སྐད་ཅེས་གསོལ་ཏོ། །བཅོམ་ལྡན་འདས
79b5 བདག་ཅག་གིས་ཏིང་ངེ་འཛིན་འདི་ལ་འཇུག་པ་ནི་ཐོས་ན། བཅོམ་ལྡན་འདས་བདག་ཅག་གནས་གང་གིས་གནས་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་དེས་རིགས་ཀྱི་བུ་དེ་གཉིས་ལ་འདི་སྐད་ཅེས
79b6 བཀའ་སྩལ་ཏོ། །རིགས་ཀྱི་བུ་འདི་ལ་ཁྱོད་ཆོས་ཀྱི་གཏམ་ཡང་དག་པར་སྟོན་ཅིག་།ཡང་ན་འཕགས་པ་མི་སྨྲ་བར་གྱུར་པ་ལ་གནས་པར་གྱིས་ཤིག་།དེ་ནས་བཅོམ་ལྡན་འདས་ལས་བྱང་ཆུབ་སེམས་དཔའ་དེ་གཉིས
79b7 ཀྱིས་ལེགས་སོ་ཞེས་བྱ་བ་ཐོས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་ལན་གསུམ་བསྐོར་བ་བྱས་ཏེ། བཅོམ་ལྡན་འདས་ཀྱི་དྲུང་ནས་སྐྱེད་མོས་ཚལ་ཞིག་གང་ན་ཡོད་པ་དེར་སོང་སྟེ་དེར་ཕྱིན་ནས་རང
79b8 གིས་སྤྲུལ་པའི་ཁང་བུ་བརྩེགས་པའི་ནང་དུ་འདུག་གོ། །དེ་གཉིས་དེ་ནི་འདུག་པ་དེར་ཚངས་པ་ཆེན་པོ་འོད་ཟེར་བཟང་པོ་ཞེས་བྱ་བ་ཚངས་པ་བརྒྱ་སྟོང་ཕྲག་བདུན་བཅུ་རྩ་གཉིས་དང་བྱང་ཆུབ་སེམས་དཔའ་དེ
iiif viewer powered by OpenSeadragon
