| e-texts navigator |
| Wylie |
77b1 སེམས་ཅན་གཏི་མུག་སྤྱོད་པ་གང་དག་སྨད་པས་རྣམ་པར་གྲོལ་བར་འགྱུར་ལ། ཆོས་བསྟན་པས་རྣམ་པར་གྲོལ་བར་མི་འགྱུར་བ་ཡང་ཡོད་དེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ། །སེམས་ཅན་ཆ་མཉམ་པར
77b2 སྤྱོད་པ་སྡུག་པའི་རྣམ་པས་ཀྱང་རྣམ་པར་མི་འགྲོལ། མི་སྡུག་པའི་རྣམ་པས་ཀྱང་མི་འགྲོལ། བྱམས་པས་ཀྱང་མི་འགྲོལ། སྐྱོན་གྱིས་ཀྱང་མི་འགྲོལ། ཆོས་བསྟན་པས་ཀྱང་མི་འགྲོལ། སྨད་པས་ཀྱང་རྣམ་པར་གྲོལ
77b3 བར་མི་འགྱུར་བ་ཡང་ཡོད་དེ། དེ་དག་ལ་དེ་བཞིན་གཤེགས་པ་ཅི་ནས་མཉམ་པ་ཉིད་ཀྱིས་དབང་པོའི་ཁམས་ལས་རྣམ་པར་གྲོལ་བ་དེ་ལྟ་དེ་ལྟ་བུར་ཆོས་སྟོན་ཏེ། དེ་དག་ཀྱང་དེ་བཞིན་གཤེགས་པས་རབ་ཏུ་མཁྱེན་ཏོ། །རབ་འབྱོར
77b4 རྣམ་གྲངས་འདིས་འདི་ལྟར་དེ་བཞིན་གཤེགས་པ་ནི་ཆོས་སྨྲ་བའི་མཆོག་ཡིན་པ་དང་། བསམ་གཏན་པའི་མཆོག་ཡིན་པ་དང་། མི་སྨྲ་བར་གྱུར་པ་ལ་དགའ་བའི་མཆོག་ཡིན་པར་དེ་ལྟར་རིག་པར་བྱའོ། །དེ་ནས་ཚེ་དང་ལྡན
77b5 པ་རབ་འབྱོར་གྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་གལ་ཏེ་ཉན་ཐོས་དང་། རང་སངས་རྒྱས་ཀྱི་ཆོས་བརྗོད་པར་མི་ནུས། འཕགས་པ་མི་སྨྲ་བར་གྱུར་པ་ལ་གནས་པར་མི་ནུས
77b6 ན། བྱང་ཆུབ་སེམས་དཔའ་གང་ལ་ལ་ཡོན་ཏན་འདི་ལྟ་བུ་དང་ལྡན་པ་གང་ཇི་ལྟར་ཆོས་ཀྱི་གཏམ་བརྗོད་པར་བྱེད་ཅིང་འཕགས་པ་མི་སྨྲ་བར་གྱུར་པ་ལ་གནས་པ་ཡོད་དམ། འཇམ་དཔལ་གྱིས་སྨྲས་པ། བཙུན་པ་རབ་འབྱོར
77b7 དེ་བཞིན་གཤེགས་པ་འདི་མངོན་དུ་བཞུགས་པ་མཁྱེན་ན་དེ་བཞིན་གཤེགས་པས་མཁྱེན་གྱིས་འདི་ལ་ཞུས་ཤིག་། དེའི་ཚེ་བཅོམ་ལྡན་འདས་ཀྱིས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། །རབ་འབྱོར་སངས་རྒྱས
77b8 ཐམས་ཅད་ཀྱི་ཆོས་ཀྱི་རྗེསུ་འཇུག་པ་གཡེང་བ་མེད་པའི་སེམས་ཞེས་བྱ་བའི་ཏིང་ངེ་འཛིན་ཡོད་དེ། བྱང་ཆུབ་སེམས་དཔའ་གང་དག་ཏིང་ངེ་འཛིན་དེ་ཐོབ་པ་དེ་དག་ཐམས་ཅད་ཡོན་ཏན་འདི་དག་དང་ལྡན་པར་འགྱུར་རོ། །དེ་ནས་འཇམ་དཔལ
iiif viewer powered by OpenSeadragon
