| e-texts navigator |
| Wylie |
76a1 ཅིང་བསལ་བ་ཡང་མེད། བཞག་པ་ཡང་མེད་པར་གནས་པ་འདི་ནི་འཕགས་པ་མི་སྨྲ་བར་གྱུར་པའོ། །གང་འཕགས་པའི་ལམ་ཡན་ལག་བརྒྱད་པ་ལས་བརྩམས་ཏེ་གཏམ་བརྗོད་པར་བྱེད་པ་འདི་ནི་ཆོས་ཀྱི་གཏམ་མོ། །གང་གཟིང
76a2 ལྟ་བུར་རྟོགས་ནས་ཆོས་ལ་ཡང་མི་རྟེན། ཆོས་མ་ཡིན་པ་ལ་ཡང་མི་རྟེན་པར་གནས་པ་འདི་ནི་འཕགས་པ་མི་སྨྲ་བར་གྱུར་པའོ། །རིགས་ཀྱི་བུ་དེ་ལྟར་བྱང་ཆུབ་ཀྱི་ཕྱོགས་ཀྱི་ཆོས་སུམ་བཅུ་རྩ་བདུན་གྱི་ཆོས་འདི་དག་སྨྲ་བ་དང་།
76a3 འཆད་པ་དང་། སྟོན་པ་དང་། འདོགས་པ་དང་། འཇུག་པར་བྱེད་པ་དང་། འགྲེལ་བ་དང་། རྣམ་པར་འབྱེད་པ་དང་། གསལ་བར་བྱེད་ཅིང་ཡང་དག་པར་ཇི་ལྟ་བུར་སྟོན་པ་གང་ཡིན་པ་འདི་ནི་ཆོས་ཀྱི་གཏམ་མོ། །གང་འདི་ལྟར་ཆོས
76a4 ཀྱིས་མངོན་སུམ་དུ་གྱུར་ལ་ལུས་ལས་ལོགས་ཤིག་ནའང་ཆོས་མི་མཐོང་། ཆོས་ལས་ལོགས་ཤིག་ནའང་ལུས་མི་མཐོང་ངོ་། །ཇི་ནས་གཉིས་སུ་ཡང་མི་མཐོང་། གཉིས་མེད་པར་ཡང་མི་མཐོང་བ་དེ་ལྟར་མཐོང་སྟེ། དེ་ལྟར
76a5 མཐོང་ན་མངོན་སུམ་དུ་ཡེ་ཤེས་མཐོང་བ་ཡང་མི་མཐོང་སྟེ། གང་མི་མཐོང་བ་འདི་ནི་འཕགས་པ་མི་སྨྲ་བར་གྱུར་པའོ། །གཞན་ཡང་རིགས་ཀྱི་བུ་གང་བདག་ཏུ་སྒྲོ་འདོགས་པ་དང་། ཕ་རོལ་ཏུ་སྒྲོ་འདོགས་པ་དང་། ཆོས་སུ
76a6 སྒྲོ་འདོགས་པ་དང་། ཆོས་མ་ཡིན་པ་སྒྲོ་འདོགས་པས་གཏམ་མི་བརྗོད་པ་འདི་ནི་ཆོས་ཀྱི་གཏམ་མོ། །གང་བརྗོད་དུ་མེད་པའི་ཆོས་ཉིད་ཐོབ་པས་ཡི་གེ་དང་། སྐད་དང་། སྒྲ་དང་། དབྱངས་ཐམས་ཅད་དང་བྲལ་བ་མི་གཡོ་བ་ཐོབ
76a7 པ་དབེན་པའི་རང་བཞིན་གྱི་སེམས་ཀྱིས་ཉེ་བར་བསྒྲུབ་པ་ལ་གནས་པ་འདི་ནི་འཕགས་པ་མི་སྨྲ་བར་གྱུར་པའོ། །རིགས་ཀྱི་བུ་གང་སུ་དག་སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་ཡིན་པ་ཤེས་པས། གཏམ
76a8 བརྗོད་པ་དེ་དག་ནི་ཆོས་ཀྱི་གཏམ་བརྗོད་པའོ། །གང་ལ་ལ་མཉམ་པར་བཞག་ཅིང་མ་གཡེངས་པ་དེ་དག་ནི་འཕགས་པ་མི་སྨྲ་བར་གྱུར་པ་ལ་གནས་པའོ། །དེ་ནས་འཇམ་དཔལ་གཞོན་ནུར་གྱུར་པ་ལ་བྲམ་ཟེ་ཤིང་སཱ་ལ་ཆེན་པོ་ལྟ
iiif viewer powered by OpenSeadragon
