| e-texts navigator |
| Wylie |
72b1 ཡང་དེའི་མཚན་ཉིད་དོ། །ཚངས་པ་དེ་བཞིན་གཤེགས་པ་ནི་ཆོས་ཐ་དད་དུ་མི་འདོགས་སོ། །སྨྲས་པ། འཇམ་དཔལ་གནས་པ་གནས་པ་ཞེས་བྱ་བའི་གནས་པ་དེ་གང་ཡིན། སྨྲས་པ། ཚངས་པ་གང་ལ་ཚངས་པའི
72b2 གནས་བཞི་ཡོད་པ་དེ་ནི་གནས་ཞེས་བྱ་སྟེ། གང་ཚངས་པ་ཚངས་པའི་གནས་བཞི་དང་བྲལ་བ་དེ་ནི་གནས་ལ་གནས་པ་མ་ཡིན་ནོ། །གནས་གང་ལ་གནས་པས་ཚངས་པའི་གནས་བཞི་རྫོགས་པར་བྱས་ཏེ་གནས་པ་དེ་དག
72b3 ནི་གནས་ལ་གནས་པའོ། །ཚངས་པ་དགོན་པ་འམ་བླ་གབ་མེད་པ་ན་གནས་ཀྱང་ཚངས་པའི་གནས་བཞི་དང་བྲལ་ན་དེ་གནས་ལ་གནས་པ་མ་ཡིན་ནོ། །གནས་པ་ལ་མཁས་པ་མ་ཡིན་ནོ། །སྨྲས་པ། དེ་སྟེ་ཡང་ཐོག་དང་ཁང
72b4 བུ་བརྩེགས་པར་གསེར་གྱི་ཁྲི་ལ་གདིང་བ་དང་། དགབ་པ་བཤམས་པའི་གནས་ན་གནས་ཀྱང་ཚངས་པའི་གནས་བཞི་དང་ལྡན་ན་དེ་དག་གནས་ལ་གནས་ཤིང་གནས་ལ་མཁས་པ་ཡིན་ནོ། །སྨྲས་པ། གནས་པ་གང་གིས་གནས་ན
72b5 ཡེ་ཤེས། ཐོང་བར་འགྱུར། སྨྲས་པ། གནས་པ་གང་གིས་གནས་ན་བདག་མཐོང་བ་རྣམ་པར་དག་པར་འགྱུར་བའོ། །སྨྲས་པ་ཅི་འཇམ་དཔལ་གང་བདག་མཐོང་བ་དེ་ཡེ་ཤེས་མཐོང་བའམ། སྨྲས་པ། ཚངས་པ་དེ་དེ་བཞིན་ཏེ། གང
72b6 བདག་མཐོང་བ་དེ་ཡེ་ཤེས་མཐོང་ངོ་། །ཚངས་པ་འདི་ལྟ་སྟེ་དཔེར་ན། སྐྱེས་བུ་གསེར་ལྟ་མཁས་པ་ནི་ངན་པ་ལྟ་ཤེས་པས་བཟང་པོ་ལྟར་ཤེས་པ་ལ་ངེས་པར་འབྱུང་ངོ་། །དེ་བཞིན་དུ་བདག་མཐོང་བས་ཡེ་ཤེས་མཐོང་བ་རྣམ་པར
72b7 དག་པར་འགྱུར་རོ། །སྨྲས་པ། འཇམ་དཔལ་བདག་མཐོང་བ་གང་ཡིན། སྨྲས་པ། གང་བདག་མེད་ཆོས་ཉིད་དེ། ཚངས་པ་བདག་ནི་ཤིན་ཏུ་དངོས་པོ་མེད་པ། མ་གྲུབ་པ་གང་དེ་ལྟར་མགོ་གཅིག་ཏུ་གྱུར་པ་དེ་ནི་བདག་མཐོང་བ་ཞེས
72b8 བྱའོ། །སྨྲས་པ། འཇམ་དཔལ་ཁྱོད་ཀྱིས་ཇི་ལྟར་བཤད་པའི་དོན་དེས་ཤེས་ཏེ་བདག་མཐོང་བས་སངས་རྒྱས་མཐོང་ངོ་། །དེ་ཅིའི་ཕྱིར་ཞེ་ན། བདག་གིས་ངོ་བོ་ཉིད་ཀྱིས་སངས་རྒྱས་ཀྱི་ངོ་བོ་ཉིད་དོ། །སྨྲས་པ། ཚངས་པ་དེ་དེ
iiif viewer powered by OpenSeadragon
