| e-texts navigator |
| Wylie |
67b1 ཡོངསུ་སྲུང་བ་ཡིན་ནོ། །སྨྲས་པ། འཇམ་དཔལ་ཇི་ལྟར་ན་དགེ་སློང་དེ་བཞིན་གཤེགས་པ་ལ་ཉེ་བར་གནས་པ་ཡིན། སྨྲས་པ། ཚངས་པ་གང་ཆོས་གང་ལ་ཡང་ཉེ་བའམ། རིང་བ་མེད་པར་མཐོང་བའི་དགེ་སློང་དེ་ནི་དེ་བཞིན་གཤེགས
67b2 པ་ལ་ཉེ་བར་གནས་པ་ཡིན་ནོ། །སྨྲས་པ། ཇི་ལྟར་ན་འཇམ་དཔལ་དགེ་སློང་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པ་ཡིན། སྨྲས་པ། ཚངས་པ་དགེ་སློང་གང་ལུས་དང་། ངག་དང་། ཡིད་ཀྱིས་རྟུལ་བར་མི་བྱེད
67b3 པའི་དགེ་སློང་དེ་ནི་དེ་བཞིན་གཤེགས་པ་ལ་རིམ་གྲོ་དང་བསྙེན་བཀུར་བྱེད་པའོ། །སྨྲས་པ། འཇམ་དཔལ་སུས་དེ་བཞིན་གཤེགས་པ་ལ་མཆོད་པར་འགྱུར། སྨྲས་པ། ཚངས་པ་གང་བསོད་ནམས་དང་། བསོད་ནམས་མ་ཡིན་པ་དང་།
67b4 མི་གཡོ་བར་ཉེ་བར་འགྲོ་བའི་འདུ་བྱེད་ཐམས་ཅད་མངོན་པར་འདུ་མི་བྱེད་པའོ། །སྨྲས་པ། འཇམ་དཔལ་སུས་དེ་བཞིན་གཤེགས་པ་མཐོང་། སྨྲས་པ། གང་ཤའི་སྤྱན་དང་། ལྷའི་སྤྱན་དང་། ཤེས་རབ་ཀྱི་སྤྱན་དང་། ཆོས་ཀྱི་སྤྱན
67b5 དང་། སངས་རྒྱས་ཀྱི་སྤྱན་ལའང་མངོན་པར་མ་ཆགས་པ་དེས་དེ་བཞིན་གཤེགས་པ་མཐོང་ངོ་། །སྨྲས་པ། འཇམ་དཔལ་སུས་ཆོས་མཐོང་། སྨྲས་པ། ང་རྟེན་ཅིང་འབྲེལ་བར་འབྱུང་བ་མཐོང་ཞིང་འགལ་བར་མི་བྱེད་པ་རྣམས
67b6 ཀྱིས་སོ། །སྨྲས་པ། སུས་རྟེན་ཅིང་འབྲེལ་བར་འབྱུང་བ། རྣམས་མཐོང་། སྨྲས་པ། གང་མཉམ་པ་ཉིད་མི་སྐྱེད་ཅིང་འགལ་བར་མི་བྱེད་པས་སོ། །སྨྲས་པ། འཇམ་དཔལ་སུ་དག་མངོན་པར་ཤེས་པ་ཐོབ། སྨྲས་པ།
67b7 གང་ཟག་པ་མ་བསྐྱེད་ཅིང་མི་འགོག་པ་རྣམས་སོ། །སྨྲས་པ། འཇམ་དཔལ་སུས་དེ་བཞིན་གཤེགས་པའི་བསླབ་པ་ལ་སློབ། སྨྲས་པ། གང་མངོན་པར་འདུ་མི་བྱེད་པ་དང་། མྱོང་བར་མི་བྱེད་པ་དང་། མི་སྐྱེད་པ་དང་། སོ་སོར་མི
67b8 སྤོང་བ་རྣམས་སོ། །སྨྲས་པ། འཇམ་དཔལ་སུས་དེ་དགེ་བར་ཞུགས། སྨྲས་པ། གང་ཁམས་གསུམ་པ་ལ་མ་ཞུགས་པའོ། །སྨྲས་པ། འཇམ་དཔལ་གང་ཤིན་ཏུ་དུལ་བ་ཡིན། སྨྲས་པ། གང་ཡང་སྲིད་པ་མི་ལེན་པའོ། །
iiif viewer powered by OpenSeadragon
