| e-texts navigator |
| Wylie |
54b1 གྱུར་ཏོ། །གང་སངས་རྒྱས་ཀྱི་སྤྱན་སྔར་བྱང་ཆུབ་སེམས་དཔའི་ཁོར་ཏམ། ཉན་ཐོས་ཀྱི་འཁོར་ཏམ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམཁའ་ལྡིང་དང་། མིའམ་ཅི་དང་།
54b2 ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མའི་འཁོར་དེ་དག་ཐམས་ཅད་འདི་ལྟ་སྟེ། ཁ་དོག་ཅིག་ཏུ་གསེར་གྱི་ཁ་དོག་ལྟ་བུར་སྣང་ངོ་། །ཐམས་ཅད་ཁ
54b3 དོག་གཅིག་ཏུ་འདི་ལྟ་སྟེ། དེ་བཞིན་གཤེགས་པའི་ཁ་དོག་དང་། མཚན་དང་། གཟུགས་འཆང་བར་སྣང་ངོ་། །ཐམས་ཅད་ཀྱང་སྤྱི་གཙུག་ལྟར་མི་སྣང་ཞིང་ལུས་མཆོག་གི་གཟུགས་སུ་སྣང་ངོ་། །ཐམས་ཅད་ཀྱང་པད
54b4 མོའི་སྟན་ལ་འཁོད་ཅིང་རིན་པོ་ཆེའི་དྲ་བས་ཁེབས་པར་སྣང་ངོ་། །དེ་དག་ཐམས་ཅད་ཀྱང་འདི་ལྟ་སྟེ། སངས་རྒྱས་མཐོང་བའི་རང་བཞིན་དུ་རང་བཞིན་ཅིག་དུ་སྣང་ངོ་། །དེ་དག་ཐམས་ཅད་ཀྱང་འདི་ལྟ་སྟེ། དཔེར་ན་དགའ་བའི
54b5 རྣམ་པར་བཀོད་པའི་ཏིང་ངེ་འཛིན་ཐོབ་པའི་བྱང་ཆུབ་སེམས་དཔའ་བཞིན་དུ་འདི་ལྟ་བུའི་བདེ་བ་སྐྱེས་པར་གྱུར་ཏོ། །དེ་ནས་འཁོར་དེ་ཐམས་ཅད་ངོ་མཚར་དུ་གྱུར་ཅིང་ཕན་ཚུན་དབྱེར་མེད་པ། སྟོན་པར་ཡང་ལྷག་པར་མི་སེམས། བདག
54b6 ཉིད་ཀྱང་དམན་པར་མི་སེམས་སོ། །འོད་དེ་དག་གཏང་མ་ཐག་ཏུ་འོག་གི་ཕྱོགས་ནས་བྱང་ཆུབ་སེམས་དཔའ་བཞི་བྱུང་སྟེ། བཞི་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ། སྨོན་ལམ་ཡང་དག་འཕགས
54b7 ཞེས་བྱ་བ་དང་། ཁྱད་པར་བཟང་ཞེས་བྱ་བ་དང་། ཡེ་ཤེས་ཟླ་བ་ཞེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་གཞན་གྱིས་མི་ཐུབ་རྒྱན་མཚན་ཞེས་བྱ་བ་སྟེ། དེ་དག་ཐལ་མོ་སྦྱར་ནས་གང་ལ་ཕྱག་བྱ་བའི་དེ་བཞིན
54b8 གཤེགས་པ་ཡང་དག་པ་འདིའི་ནང་ན་གང་ཡིན་སྙམ་སྟེ། ཕྱག་འཚལ་ཞིང་འཁོད་པ་དང་། དེ་དག་གི་བར་སྣང་ལས་འདི་ལྟར་འཁོར་འདི་ཐམས་ཅད་འདི་ལྟ་སྟེ། དེ་བཞིན་གཤེགས་པའི་ཁ་དོག་ཏུ་ཁ་དོག་གཅིག
iiif viewer powered by OpenSeadragon
