| e-texts navigator |
| Wylie |
53b1 ཉོན་མོངས་པ་ཐམས་ཅད་བསྲེགས་པར་ཉེ་བར་གནས་པ་ཡིན་ནོ། །དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་གནས་བརྟན་ཤཱ་རིའི་བུ་ལ་འདི་སྐད་ཅེས་སྨྲས་སོ། །གནས་བརྟན་ཤཱ་རིའི་བུ་བཅོམ་ལྡན་འདས་ཀྱིས་ཤེས་རབ
53b2 དང་ལྡན་པ་རྣམས་ཀྱི་ནང་ན་མཆོག་ཏུ་གསུངས་ན། གནས་བརྟན་ཤཱ་རིའི་བུ་ཤེས་རབ་གང་གིས་ཤེས་རབ་དང་ལྡན་པའི་མཆོག་ཏུ་གསུངས་པའི་ཤེས་རབ་དེ་གང་ཡིན། སྨྲས་པ། དྲ་བ་ཅན་གྱི་འོད་གང་ཉན་ཐོས་སྒྲའི་རྗེས་སུ་འབྲང་བ།
53b3 རང་གི་རྒྱུད་སྣང་བའི་མཚན་ཉིད། ཉེ་ཚེ་བའི་ཡེ་ཤེས་ཀྱིས་རྣམ་པར་གྲོལ་བ་རྣམས་ཀྱི་ཤེས་རབ་སྟེ། ཤེས་རབ་དེས་བདག་ཤེས་རབ་དང་ལྡན་པ་རྣམས་ཀྱི་མཆོག་ཏུ་གསུངས་ཀྱི་བྱང་ཆུབ་སེམས་དཔའི་ཤེས་རབ
53b4 ཀྱིས་ནི་མ་ཡིན་ནོ། །སྨྲས་པ་ཅི་ཤེས་རབ་སྤྲོས་པའི་མཚན་ཉིད་དམ། སྨྲས་པ་དེ་མ་ཡིན་ནོ། །སྨྲས་པ་འོ་ན་ཤེས་རབ་མཉམ་པ་ཉིད་རྗེསུ་སྤྱོད་པ་འམ། སྨྲས་པ། རིགས་ཀྱི་བུ་དེ་དེ་བཞིན་ནོ། །སྨྲས་པ། གནས་བརྟན་ཤཱ་རིའི
53b5 བུ་མཉམ་པ་ཉིད་རྗེསུ་སྤྱོད་པའི་ཤེས་རབ་ཀྱི་ཇི་ལྟར་ཤེས་རབ་ཚད་ཅན་དུ་བཤད། སྨྲས་པ། རིགས་ཀྱི་བུ་ཆོས་ཀྱི་དབྱིངས་ཀྱི་རྒྱུས་ནི་ཤེས་རབ་ཚད་མེད་དོ། །ཡུལ་ཇི་ལྟ་བ་བཞིན་དུ་ཡེ་ཤེས་འཇུག་པས་ནི་ཚད་ཟིན་པའོ། །སྨྲས་པ།
53b6 བཙུན་པ་ཤཱ་རིའི་བུ་ཡེ་ཤེས་ཚད་མེད་པ་འམ། འོན་ཏེ་ཚད་ཡོད་པ་ཡིན། སྨྲས་པ། རིགས་ཀྱི་བུ་ཡེ་ཤེས་ནི་ཚད་མེད་པའོ། །སྨྲས་པ། འོ་ན་ཚད་མེད་པ་ཇི་ལྟར་ཚད་ཟིན་པ་སྟོན། དེ་ནས་གནས་བརྟན་ཤཱ་རིའི་བུ་ཅང་མི
53b7 ཟེར་བར་གྱུར་ཏོ། །དེ་ནས་སངས་རྒྱས་ཀྱི་མཐུས་བཅོམ་ལྡན་འདས་ལ་ཚེ་དང་ལྡན་པ་འོད་སྲུང་ཆེན་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་གཞོན་ནུར་གྱུར་པ་དྲ་བ་ཅན་གྱི་འོད་ལ་ཅིའི་སླད་དུ་དྲ་བ་ཅན་གྱི་འོད་ཅེས
53b8 བགྱི། དེ་ནས་བཅོམ་ལྡན་འདས་ཀྱིས་དྲ་བ་ཅན་གྱི་འོད་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་གང་གིས་ལྷ་དང་བཅས་པའི་འཇིག་རྟེན་འདི་དགའ་བར་གྱུར་ནས་དགེ་བའི་རྩ་བ་ཡོངསུ་སྨྲིན་ཅིང་། བླ་ན་མེད་པ་ཡང་དག
iiif viewer powered by OpenSeadragon
