| e-texts navigator |
| Wylie |
51a1 གཏི་མུག་པར་བྱ་བ་ཁྱོད་འདོད་དམ། སྨྲས་པ་དེ་ནི་མ་ཡིན་ནོ། །སྨྲས་པ། རིགས་ཀྱི་བུ་ཆོས་ཐམས་ཅད་ནི་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ་བའི་སྤྱོད་པ་ཡང་དེའི་མཚན་ཉིད་དོ། །རིགས་ཀྱི་བུ་དེ་ལྟར
51a2 སྤྱོད་པ་གཉིས་སུ་མེད་པའི་ཕྱིར་སོ་སོའི་སྐྱེ་བོའི་སྤྱོད་པ་གང་ཡིན་པ་དེ་ཉིད་འཕགས་པ་རྣམས་ཀྱི་སྤྱོད་པའོ། །རིགས་ཀྱི་བུ་ཡང་སྤྱོད་པ་ཐམས་ཅད་ནི་སྤྱོད་པ་མ་ཡིན་ནོ། །འདོགས་པ་ཐམས་ཅད་ནི་འདོགས་པ་མ་ཡིན་ནོ། །འགྲོ་བ་ཐམས
51a3 ཅད་ནི་འགྲོ་བ་མ་ཡིན་པའོ། །སྨྲས་པ་ཚངས་པ་དེ་ཇི་ལྟར་ན་སྤྱོད་པ་ཐམས་ཅད་སྤྱོད་པ་མ་ཡིན། སྨྲས་པ། བསྐལ་པ་བྱེ་བ་ཁྲག་ཁྲིག་བརྒྱ་སྟོང་དུ་སྤྱད་ཀྱང་ཆོས་ཀྱི་དབྱིངས་ལ་བྲི་བ་འམ་གང་བར་མི་དམིགས་ཏེ། དེའི་ཕྱིར་སྤྱོད
51a4 པ་ཐམས་ཅད་སྤྱོད་པ་མ་ཡིན་ནོ། །སྨྲས་པ། ཚངས་པ་དེ་ཇི་ལྟར་ན་འདོགས་པ་ཐམས་ཅད་འདོགས་པ་མ་ཡིན་ཞེ་ན། སྨྲས་པ་རིགས་ཀྱི་བུ་ཆོས་ཐམས་ཅད་འདོགས་པ་མ་ཡིན་པས་བཏགས་པ་སྟེ། དེའི་ཕྱིར་ཆོས་ཐམས
51a5 ཅད་འདོགས་པ་མ་ཡིན་པའོ། །སྨྲས་པ། ཚངས་པ་དེ་ཇི་ལྟར་ན་འགྲོ་བ་ཐམས་ཅད་འགྲོ་བ་མ་ཡིན་ཞེ་ན། སྨྲས་པ། གར་ཡང་མི་འགྲོ་བའི་ཕྱིར་འགྲོ་བ་ཐམས་ཅད་འགྲོ་བ་མ་ཡིན་པའོ། །དེ་ནས་བཅོམ་ལྡན་འདས་ཀྱིས
51a6 ཚངས་པ་ཁྱད་པར་སེམས་ལ་ཚངས་པ་ལེགས་སོ། །ལེགས་སོ། །གལ་ཏེ་བཤད་པར་བྱ་བ་དེ་ལྟར་བཤད་པར་བྱའོ། །ཞེས་བྱ་བ་བྱིན་ནོ། །དེ་ནས་གཞོན་ནུར་གྱུར་པ་དྲ་བ་ཅན་གྱི་འོད་ཀྱིས་ཚངས་པ་ཁྱད་པར་སེམས་ལ་འདི་སྐ་ཅེས
51a7 སྨྲས་སོ། །ཚངས་པ་ཁྱོད་གང་འདི་སྐད་དུ་གང་ལ་བྱིས་པ་སོ་སོའི་སྐྱེ་བོ་ཐམས་ཅད་སྤྱོད་པ་དེ་ཉིད་ལ་བདག་སྤྱོད་དོ་ཞེས་ཟེར་ན་སྤྱོད་པ་དེ་ཁྱོད་ཀྱིས་ཐོབ་པ་ཡིན་ནོ། །སྨྲས་པ་རིགས་ཀྱི་བུ་གལ་ཏེ་བདག་ལ་སྐྱེ་བའི་རྒྱུ་ཡོད་ན་ནི།
51a8 བདག་གི་སྤྱོད་པ་ཡང་ཐོབ་པར་འགྱུར་རོ། །སྨྲས་པ། ཚངས་པ་དེ་གལ་ཏེ་མི་སྐྱེ་ན། ཇི་ལྟར་སེམས་ཅན་རྣམས་ཡོངསུ་སྨིན་པར་བྱེད་སྨྲས་པ། རིགས་ཀྱི་བུ་དེ་བཞིན་གཤེགས་པས་སྤྲུལ་པའི་སྐྱེ་བ་ཇི་ལྟ་བ་བདག་གི་སྐྱེ
iiif viewer powered by OpenSeadragon
