| e-texts navigator |
| Wylie |
4b1 གཅོད་དུ་མི་འཇུག་གོ། །གཞན་དག་སྲོག་གཅོད་པ་ལ་ཡང་རྗེསུ་ཡིད་རངས་པར་མི་བྱེད་དོ། །བདག་གིས་ཀྱང་མི་གཅོད་དོ། །གཞན་དག་ཀྱང་གཅོད་དུ་མི་འཇུག་གོ། །གཞན་དག་གཅོད་པ་ལ་ཡང་རྗེསུ་ཡིད་རངས་བར་མི་བྱེད་དོ། །བདག་ཀྱང
4b2 མི་རྡེག་གོ། །གཞན་དག་ཀྱང་རྡེག་དུ་མི་འཇུག་གོ། །གཞན་དག་རྡེག་པར་བྱེད་པ་ལ་ཡང་རྗེསུ་ཡིད་རང་བར་མི་བྱེད་དོ། །ཇི་ལྟར་ན་མ་བྱིན་པ་ལེན་པ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་ནི་སེམས་ཅན་རྣམས་ཀྱི་འཚོ་བའི
4b3 ཡོ་བྱད་གང་དག་ཡིན་པ་འདི་ལྟ་སྟེ། གསེར་དང་། ནོར་བུ་དང་། མུ་ཏིག་དང་། བཻ་ཌཱུརྱ་དང་། དུང་དང་། མལ་ཤེལ་དང་། བྱི་རུ་དང་། ས་ལེ་སྦྲམ་དང་། དངུལ་ལ་སོགས་པ་དང་། གོས་དང་། རྒྱན་གྱི་རྣམ་པ་དག་དང་། ནོར་དང་། འབྲུ་དང་།
4b4 མཛོད་དང་། བདེ་བའི་རྣམ་པ་དེ་དག་ལ་ཆགས་པ་མི་སྐྱེད། དེ་དག་ལ་རྣམ་པར་རྟོག་པར་མི་བྱེད་ཅིང་རྐུ་འཕྲོག་མི་བྱེད་དོ། །རྐུ་འཕྲོག་བྱེད་དུ་མི་འཇུག་གོ། །རྐུ་འཕྲོག་བྱེད་པ་རྣམས་ལ་རྗེསུ་ཡིད་རང་བར་མི་བྱེད་དོ། །དེ་གྲོང་ན་ཡོད་པ
4b5 འམ། དགོན་པ་ན་ཡོད་པ་མ་བྱིན་ཞིང་མ་གནང་བ་རྩཝའི་འདབ་མ་ཙམ་ཡང་ལེན་པར་མི་བྱེད་དོ། །ཇི་ལྟར་ན་མི་ཚངས་པར་སྤྱོད་པ་སྤོང་བ་ཡིན་ཞེ་ན། ཚངས་པ་འདི་ལ་བྱང་ཆུབ་སེམས་དཔའ་དབང་པོ་རྣམས་ཀྱི་སྒོ་ལེགས་པར་བསྲུང
4b6 ཤིང་གནས་པ་ཡིན། ལེགས་པར་བསྡམ་པ་ཡིན། འཐུན་པའི་གནས་སུ་རྒྱུ་བ་ཡིན། ཤིན་ཏུ་བསྲུང་བའི་དྲན་པ་དང་ལྡན་པ་ཡིན། རྟག་ཏུ་བསྲུང་བའི་དྲན་པ་དང་ལྡན་པ་ཡིན། དེ་དྲན་པས་ཡིད་ཀུན་ཏུ་བསྲུང་བ་ཡིན། ལུས
4b7 དང་ངག་ཤིན་ཏུ་བསྡམས་པ་ཡིན་ནོ། །འཐུན་པའི་གནས་སུ་རྒྱུ་ལ་དྲན་པ་དང་ལྡན་པ་ཡིན་ཞིང་འདི་སྙམ་དུ་ཡང་སེམས་བསྐྱེད་དོ། །མི་ཞིག་གིས་བྱེ་མ་ཞིབ་མོ་ཤིན་ཏུ་བསྲེགས་པ་ལག་པ་གཉིས་ཀྱི་སྙིམ་པས་བླང་ཏེ་མིག་བཀང
4b8 བ་ན་སླའི། ཆགས་པའི་སེམས་ཀྱིས་ཡུལ་གྱི་བཟང་མོ་ལ་ལྟ་བ་ནི་དེ་ལྟ་མ་ཡིན་ནོ། །དེ་ཅིའི་ཕྱིར་ཞེ་ན། བདག་ཡུལ་གྱི་བཟང་མོ་ལ་བལྟས་པས་ཡུན་རིང་པོར་ཕུང་ཞིང་བཅོམ་ལ་མ་རུང་བར་གྱུར་པའི་ཕྱིར་རོ་སྙམ་མོ། །དེ་དེ་ལྟར་ལུས
iiif viewer powered by OpenSeadragon
