| e-texts navigator |
| Wylie |
42b1 གཤེགས་པས་མངོན་པར་སངས་རྒྱས་སོ། །བཤད་ཀྱང་སྣང་བའི་གཟུགས་མ་ལགས། ཀུན་མཁྱེན་ཀྱང་རྣམ་པར་མཁྱེན་པ་མ་མཆིས། བསྒོམ་ཀྱང་གཉིསུ་མ་བགྱིས། མངོན་དུ་བགྱིས་ཀྱང་ཐོབ་པར
42b2 མ་མཆིས། མྱ་ངན་ལས་བཟླས་ཀྱང་ཞི་བ་ཡང་མ་མཆིས་ཏེ། བཅོམ་ལྡན་འདས་རིགས་ཀྱི་བུ་འམ་རིགས་ཀྱི་བུ་མོ་གང་རྣམས་ཆོས་ཀྱི་ཚུལ་གྱི་རྣམ་པ་འདི་ལ་མོས་པ་དེ་དག་ནི་ལྟ་བར་གྱུར་པ་ཐམས་ཅད་ལས་རྣམ
42b3 པར་གྲོལ་བར་འགྱུར་རོ། །དེ་བཞིན་གཤེགས་པ་ལ་བསྙེན་བཀུར་བགྱིས་ཤིང་སྔོན་གྱི་རྒྱལ་བ་ལ་ལྷག་པར་བགྱི་བ་བགྱིས་པ་ལགས་སོ། །དེ་དག་དགེ་བའི་བཤེས་གཉེན་གྱིས་ཡོངསུ་བཟུང་བ་ལགས་སོ། །དེ་དག་དགེ་བའི
42b4 རྩ་བ་འབར་བའི་སླད་དུ་རྒྱ་ཆེན་པོ་ལས་མོས་པར་འགྱུར་རོ། །དེ་དག་དེ་བཞིན་གཤེགས་པའི་མཛོད་འཆང་བའི་སླད་དུ་གཏེར་རབ་ཏུ་རྙེད་པར་འགྱུར་རོ། །དེ་དག་ལེགས་པར་བགྱི་བའི་ལས་བགྱིད་པའི་སླད་དུ་ལས་ཀྱི་མཐའ་ཤིན
42b5 ཏུ་འཐུན་པར་འགྱུར་རོ། །དེ་དག་སངས་རྒྱས་ཀྱི་རིགས་འཛིན་པའི་སླད་དུ་རིགས་བཙུན་པར་འགྱུར་རོ། །དེ་དག་ཉོན་མོངས་པ་ཐམས་ཅད་ཡོངསུ་བཏང་བའི་སླད་དུ་གཏོང་བ་ཆེན་པོ་དང་ལྡན་པར་འགྱུར་རོ། །དེ་དག་ཚུལ་ཁྲིམས
42b6 ཀྱི་སྟོབས་དང་ལྡན་པར་འགྱུར་ཏེ། ཉོན་མོངས་པའི་སྟོབས་ཅན་མ་ལགས། ལུས་སྲོག་བོར་བའི་སླད་དུ་དེ་དག་བཟོད་པའི་སྟོབས་ཅན་དུ་འགྱུར་རོ། །དེ་དག་ཡིད་ཡོངས་སུ་སྐྱོ་བ་མ་མཆིས་པའི་སླད་དུ་བརྩོན་འགྲུས་ཀྱི
42b7 སྟོབས་ཅན་དུ་འགྱུར་རོ། །དེ་དག་སྡིག་པའི་ལས་བསྲེགས་པའི་སླད་དུ་བསམ་གཏན་གྱི་སྟོབས་ཅན་དུ་འགྱུར་རོ། །དེ་དག་སྡིག་པར་ལྟ་བ་རྣམས་དང་བྲལ་བའི་སླད་དུ་ཤེས་རབ་གྱི་སྟོབས་ཅན་དུ་འགྱུར་རོ། །དེ་དག་བདུད་རྣམས
42b8 ཀྱིས་རབ་ཏུ་ཐུབ་པར་དཀའ་བར་འགྱུར་རོ། །དེ་དག་ཕྱིར་རྒོལ་བ་རྣམས་ཀྱིས་མི་རྫི་བར་འགྱུར་རོ། །དེ་དག་དེ་བཞིན་གཤེགས་པ་རྣམས་ལ་མི་སླུ་བར་འགྱུར་རོ། །དེ་དག་ཆོས་ཀྱི་རང་བཞིན་སྟོན་པ་ལ་མཁས་པའི་སླད་དུ་ཡང
iiif viewer powered by OpenSeadragon
