| e-texts navigator |
| Wylie |
42a1 བཅོམ་ལྡན་འདས་རྣམས་ཀྱིས་ཐུགས་རྗེ་ཆེན་པོ་བསམ་གྱིས་མི་ཁྱབ་པའི་ཆོས་དང་ལྡན་ཏེ། དེ་ལྟར་རབ་ཏུ་ཞི་བའི་ཆོས་མངོན་པར་སངས་རྒྱས་ནས་ཡི་གེ་དང་ངེས་པའི་ཚིག་གིས་གཞན་དག་ལ་གོ་བར་མཛད་པ་ངོ་མཚར
42a2 ཏོ། །བཅོམ་ལྡན་འདས་གང་དེ་བཞིན་གཤེགས་པས་བསྟན་པའི་ཆོས་ལ་མངོན་པར་དད་པའི་སེམས་ཅན་དེ་དག་ནི་དགེ་བའི་རྩ་བ་ངན་ངོན་དང་ལྡན་པ་མ་ལགས་སོ། །དེ་ཅིའི་སླད་དུ་ཞེ་ན། བཅོམ་ལྡན་འདས་ཆོས་འདི་ནི་འཇིག་རྟེན
42a3 ཐམས་ཅད་དང་མི་མཐུན་པའོ། །བཀའ་སྩལ་པ། ཚངས་པ་ཇི་ལྟར་འཇིག་རྟེན་ཐམས་ཅད་དང་མི་འཐུན་པ་ཡིན། གསོལ་པ་བཅོམ་ལྡན་འདས་ཇི་ལྟར་འཇིག་རྟེན་ནི་བདེན་པ་ལ་མངོན་པར་ཆགས་ན། ཆོས་འདི་ནི་བདེན་པ
42a4 ཡང་མ་ལགས། བརྫུན་པ་ཡང་མ་ལགས་སོ། །འཇིག་རྟེན་ནི་ཆོས་ལ་མངོན་པར་ཆགས་ན་ཆོས་འདི་ནི་ཆོས་ཀྱང་མ་ལགས། ཆོས་མ་ལགས་པ་འང་མ་ལགས་སོ། །འཇིག་རྟེན་ནི་མྱ་ངན་ལས་འདས་པ་ལ་ཆགས
42a5 ན། ཆོས་འདི་ལ་ནི་འཁོར་བ་ཡང་མ་མཆིས། མྱ་ངན་ལས་འདས་པ་ཡང་མ་མཆིས་སོ། །འཇིག་རྟེན་ནི་དགེ་བ་ལ་མངོན་པར་ཆགས་ན་འདི་ནི་དགེ་བ་ཡང་མ་མཆིས། མི་དགེ་བ་ཡང་མ་མཆིས་སོ། །འཇིག་རྟེན་ནི་བདེ
42a6 བ་ལ་མངོན་པར་ཆགས་ན། འདི་ལ་ནི་བདེ་བ་ཡང་མ་མཆིས། སྡུག་བསྔལ་བ་ཡང་མ་མཆིས་སོ། །འཇིག་རྟེན་ནི་སངྱས་འབྱུང་བ་ལ་མངོན་པར་ཆགས་ན་འདི་ལ་སངས་རྒྱས་འབྱུང་བ་ཡང་མ་མཆིས། མྱ་ངན་ལས་འདས
42a7 པ་ཡང་མ་མཆིས་སོ། །ཆོས་བསྟན་ཀྱང་དེ་བརྗོད་དུ་མ་མཆིས་པའོ། །དགེ་འདུན་བསྟན་ཀྱང་འདུས་མ་བགྱིས་པའོ། །དེའི་སླད་དུ་ཆོས་འདི་ནི་འཇིག་རྟེན་ཐམས་ཅད་དང་མི་མཐུན་པ་ལགས་སོ། །བཅོམ་ལྡན་འདས་འདི་ལྟ
42a8 སྟེ་དཔེར་ན། མེ་དང་ཆུ། ཆུ་དང་མེའི་གནས་འདི་ནི་མི་མཐུན་པའོ། །དེ་བཞིན་དུ་ཉོན་མོངས་པ་དང་བྱང་ཆུབ་འམ། བྱང་ཆུབ་དང་ཉོན་མོངས་པ་ནི་མི་མཐུནོ་པའོ། །དེ་ཅིའི་སླད་དུ་ཞེ་ན། ཉོན་མོངས་པ་མ་མཆིས་པར་དེ་བཞིན
iiif viewer powered by OpenSeadragon
