| e-texts navigator |
| Wylie |
40b1 པའོ། །བརྫུན་པ་གང་ཞེ་ན། བདག་ཏུ་འཛིན་པ་དང་། སེམས་ཅན་དུ་འཛིན་པ་དང་། སྲོག་ཏུ་འཛིན་པ་དང་། གང་ཟག་ཏུ་འཛིན་པ་དང་། ཆད་པར་འཛིན་པ་དང་། རྟག་པར་འཛིན་པ་དང་། འབྱུང་བར་འཛིན
40b2 པ་དང་། འཇིག་པར་འཛིན་པ་དང་། སྐྱེ་བར་འཛིན་པ་དང་། འགག་པར་འཛིན་པ་དང་། འཁོར་བར་འཛིན་པ་དང་། མྱ་ངན་ལས་འདས་པར་འཛིན་པ་དེ་ནི་བརྫུན་པ་ཞེས་བྱའོ། །གང་འཛིན་པ་འདི་དག་ལ་མི
40b3 འཛིན་ཅིང་མཆོག་ཏུ་མི་སྙེམས་པ་འདི་ནི་བདེན་པ་ཞེས་བྱའོ། །སྡུག་བསྔལ་ཡོངསུ་ཤེས་པ་ཞེས་བྱ་བ་ནི་བརྫུན་ནོ། །ཀུན་འབྱུང་བ་རབ་ཏུ་སྤོང་ངོ་ཞེས་བྱ་བ་ནི་བརྫུན་ནོ། །འགོག་པ་མངོན་དུ་བྱའོ་ཞེས་བྱ་བ་ནི
40b4 བརྫུན་ནོ། །ལམ་སྒོམ་མོ་ཞེས་བྱ་བ་ནི་བརྫུན་ནོ། །དེ་ཅིའི་ཕྱིར་ཞེ་ན། དེ་དག་ནི་སངས་རྒྱས་ཀྱིས་བཀའ་སྩལ་པའི་དྲན་པ་ལས་ཉམས་པ་ཡིན་ཏེ། དེའི་ཕྱིར་བརྫུན་པ་ཞེས་བྱའོ། །སངས་རྒྱས་ཀྱིས་བཀའ
40b5 སྩལ་པའི་དྲན་པ་ཞེས་བྱ་བ་གང་ཞེ་ན། གང་ཆོས་ཐམས་ཅད་ལ་མི་དྲན་ཞིང་ཡིད་ལ་མི་བྱེད་པ་འདི་ནི་སངས་རྒྱས་ཀྱིས་བཀའ་སྩལ་པའི་དྲན་པ་ཞེས་བྱ་སྟེ། གང་དྲན་པ་དེ་ལ་གནས་པ་དེ་ནི་མཚན་མ་ཐམས་ཅད་ལ
40b6 མི་གནས་པའོ། །གང་མཚན་མ་ཐམས་ཅད་ལ་མི་གནས་པ་དེ་ནི་ཡང་དག་པའི་མཐའ་ལ་གནས་པའོ། །གང་ཡང་དག་པའི་མཐའ་ལ་གནས་པ་དེ་ནི་ཡིད་མི་གནས་པའོ། །གང་མི་གནས་པ་དེ་ནི་བདེན་པར་སྨྲ་བ་ཡང
40b7 མ་ཡིན། བརྫུན་པར་སྨྲ་བ་ཡང་མ་ཡིན་ཏེ། དེའི་ཕྱིར་ཚངས་པ་རྣམ་གྲངས་འདིས་གང་ལ་བདེན་པའང་མེད། བརྫུན་པ་འང་མེད་པ་དེ་ནི། འཕགས་པ་རྣམས་ཀྱི་བདེན་པ་ཡིན་པར་རིག་པར་བྱའོ། །ཚངས་པ་བདེན་པ
40b8 ཞེས་བྱ་བ་དེ་ནི་ནམ་ཡང་མི་བདེན་པ་མ་ཡིན་ཏེ། དེ་བཞིན་གཤེགས་པ་རྣམས་སྐྱེས་ཀྱང་རུང་། མ་སྐྱེས་ཀྱང་རུང་ཆོས་ཀྱི་དབྱིངས་འདི་ནི་གནས་པའོ། །དེ་བཞིན་དུ་འཁོར་བ་དང་། དེ་བཞིན་དུ་མྱ་ངན་ལས་འདས་པ་ཡང
iiif viewer powered by OpenSeadragon
