| e-texts navigator |
| Wylie |
40a1 ཞེས་བྱ་བ་ཅི་སྟེ་འཕགས་པ་རྣམས་ཀྱི་བདེན་པ་ཡིན་དུ་ཟིན་ན། དེ་ནི་བྱོལ་སོང་བ་ལང་དང་། བོང་བུ་དང་། སེམས་ཅན་དམྱལ་བ་པ་ཐམས་ཅད་ཀྱི་ཡང་འཕགས་པའི་བདེན་པར་འགྱུར་རོ། །དེ་ཅིའི་ཕྱིར་ཞེ
40a2 ན། འདི་ལྟར་དེ་དག་ནི་སྡུག་བསྔལ་བའི་ཚོར་བ་རྣམས་མྱོང་ངོ་། །ཚངས་པ་འདི་ནི་སྡུག་བསྔལ་ཀུན་འབྱུང་བ་ཞེས་བྱ་བ་དེ་ཇི་སྟེ། འཕགས་པ་རྣམས་ཀྱི་བདེན་པ་ཡིན་དུ་ཟིན་ན་དེ་ནི་གང་འགྲོ་བ་རྣམསུ་འབྱུང
40a3 བའི་འགྲོ་བ་ཐམས་ཅད་དུ་སྐྱེས་པའི་སེམས་ཅན་རྣམས་ཀྱི་ཡང་འཕགས་པའི་བདེན་པར་འགྱུར་རོ། །འདི་ནི་འགོག་པའོ་ཞེས་བྱ་བ་དེ་ཇི་སྟེ་འཕགས་པའི་བདེན་པ་ཡིན་དུ་ཟིན་ན། དེ་ནི་གང་རྣམས་དངོས་པོ
40a4 བཤིགས་པས་མྱ་ངན་ལས་འདས་པ་ཚོལ་བ་དང་འགོག་པར་ལྟ་བར་ལྟུང་བ་ཆད་པར་སྨྲ་བ་ཐམས་ཅད་ལ་ཡང་འཕགས་པའི་བདེན་པར་འགྱུར་རོ། །འདི་ནི་ལམ་མོ་ཞེས་བྱ་བ་དེ་ཅི་སྟེ་འཕགས་པ་རྣམས་ཀྱི་བདེན
40a5 པ་ཡིན་དུ་ཟིན་ན། འདི་ནི་འདུས་བྱས་ཀྱི་འདུ་བྱས་ལས་འབྱུང་བར་ཚོལ་བ་འདུས་བྱས་ལམ་དུ་དམིགས་པ་ཐམས་ཅད་ལ་ཡང་འཕགས་པའི་བདེན་པར་འགྱུར་ཏེ། དེ་བས་ན་ཚངས་པ་རྣམ་གྲངས་འདིས་ཇི
40a6 ལྟར་སྡུག་བསྔལ་བ་དང་། ཀུན་འབྱུང་བ་དང་། འགོག་པ་དང་། ལམ་རྣམས་འཕགས་པ་རྣམས་ཀྱི་བདེན་པ་མ་ཡིན་པར་ཁྱོད་ཀྱིས་རིག་པར་བྱའོ། །དེ་ལྟ་མོད་ཀྱི་ཚངས་པ་གང་སྡུག་བསྔལ་མི་སྐྱེ་བ་དེ་ནི་འཕགས
40a7 པ་རྣམས་ཀྱིས་བདེན་པའོ། །གང་ཀུན་འབྱུང་བ་ལ་མི་འཇུག་པ་འདི་ནི་འཕགས་པ་རྣམས་ཀྱི་བདེན་པའོ། །གང་ཆོས་ཐམས་ཅད་ཤིན་ཏུ་འགག་པ་ལ་མི་སྐྱེ་མི་འགོག་པ་འདི་ནི་འཕགས་པ་རྣམས་ཀྱི་བདེན་པའོ། །
40a8 གང་ཆོས་ཐམས་ཅད་ལ་མཉམ་པ་ཉིད་དང་གཉིས་སུ་མེད་པའི་ལམ་སྒོམ་པ་འདི་ནི་འཕགས་པ་རྣམས་ཀྱི་བདེན་པའོ། །ཚངས་པ་གང་བདེན་པ་བདེན་པ་ཞེས་བྱ་བ་ནི་གང་བདེན་པ་ཡང་མ་ཡིན། བརྫུན་པ་ཡང་མ་ཡིན
iiif viewer powered by OpenSeadragon
